Víkurfréttir - 04.10.2012, Blaðsíða 4

fimmtudagurinn 4. október 2012 • VÍKURFRÉTTIR4
Páll Ketilsson, ritstjórivf.is
Víkurfréttir ehf., kt. 710183-0319
Krossmóa 4, 4. hæð, 260 Reykjanesbæ, sími 421 0000
Páll Ketilsson, sími 421 0004, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, sími 421 0002, eythor@vf.is
Sigfús Aðalsteinsson, sími 421 0001, fusi@vf.is
Víkurfréttir ehf.
Þórgunnur Sigurjónsdóttir, sími 421 0006, thorgunnur@vf.is
Þorsteinn Kristinsson, steini@vf.is, sími 421 0006
Rut Ragnarsdóttir, sími 421 0000, rut@vf.is
og Aldís Jónsdóttir, sími 421 0000, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
afgreiðsla og ritstjórn:
ritstjóri og ábm.:
fréttastjóri:
blaðamaður:
auglýsingadeild:
umbrot og hönnun:
auglýsingagerð:
afgreiðsla:
Prentvinnsla:
uPPlag:
dreifing:
dagleg stafræn Útgáfa:
RITSTJÓRN
RITSTJÓRNARBRÉF
Tekið er á móti auglýsingum á póstfangið fusi@vf.is. Auglýsingar berist
fyrir kl. 17 á þriðjudegi fyrir útgáfudag sem er almennt á fimmtudögum.
Móttaka smáauglýsinga fer fram á vef Víkur-frétta, vf.is. Smáauglýsingar
berist fyrir kl. 15 á þriðjudögum. Sé fimmtudagur frídagur þá kemur blaðið
út á miðvikudögum og þá færist skilafrestur auglýsinga fram um einn
sólarhring.
Efni til Víkurfrétta skal sendast á póstfangið vf@vf.is. Aðsendar greinar
birtast á vef Víkur-frétta, vf.is. Það er mat ritstjórnar hvaða aðsendu
greinar birtast í prentaðri útgáfu blaðsins. Ekki er greitt fyrir aðsent efni,
texta eða myndir, hvort sem það birtist í blaðinu eða
á vefsíðum Víkurfrétta.
Flutningur innanlandsFlugs
Það er svolítið sérstakt að lesa
niðurstöður í skýrslu KPMG
um áhrif flutnings á innan-
landsflugi frá Reykjavík til
Keflavíkur. Nánast engir já-
kvæðir þættir koma fram um
að hagkvæmt væri að flytja
flugið til Keflavíkurflugvallar
þegar Reykjavíkurflugvöllur
lokar á núverandi stað.
Samkvæmt niðurstöðum
KPMG þá er alveg sama hvort það sé vegna
flutninga með sjúklinga, sókn í menntun,
menningu eða vinnu, allt verður erfiðara
ef flugið verður flutt til Keflavíkur. Og í
þokkabót þá mun innanlandsflug minnka
til muna því kúnnunum mun fækka svo
mikið. Já, slæmt ef rétt er en skoðum þetta
aðeins í örfáum atriðum sem hefði mátt
leggja til viðmiðunar sem hefði gert niður-
stöður þessarar könnunar líklega eitthvað
öðruvísi.
Það er vissulega áhyggjuefni ef sjúklingar
í bráðri hættu myndu deyja á Reykjanes-
brautinni á leið á sjúkrahús. Í Keflavík
er gott sjúkrahús og heilbrigðisstofnun
sem hefur mátt þola mikinn niðurskurð
á undanförnum árum. Af
þeim sökum eru veikir Suður-
nesjamenn í meiri lífshættu
því mjög oft þarf að rjúka með
þá eftir Reykjanesbrautinni á
öðru hundraðinu í sjúkrabíl til
að fá læknishjálp í Reykjavík.
Sennilega fleiri dæmi en tvö
sem nefnd eru í könnun KPMG
þar sem sagt er að sjúklingar af
landsbyggðinni hefðu ekki lifað
af ferð frá Keflavík á sjúkrahús í Reykjavík.
Mjög margir Suðurnesjamenn þurfa að
fara á sjúkrahús í Reykjavík í aðgerðir sem
ekki er hægt að framkvæma í Keflavík því
skurðstofan er lokuð og þjónustan svo
mikið skert. Hér væri hægt að slá tvær
flugur í einu höggi. Stórbæta Heilbrigðis-
stofnun Suðurnesja og koma henni til vegs
og virðingar. Þannig væru sjúklingar í
sjúkraflugi sem lentu í Keflavík komnir
fyrr undir læknishendur en að lenda í
Reykjavík. Þá fengju heimamenn hér líka
þjónustu eins og þeir ættu að fá.
Það kostar gríðarmikla peninga að byggja
nýjan flugvöll sem þarf að gera því Reyk-
víkingar hafa ákveðið í borgarstjórn að
hann víki úr Vatnsmýrinni. Varla er hægt
að sjá að hægt verði að byggja nýjan flug-
völl nema í fjarska frá miðju borgarinnar
sem landsbyggðarfólk sækir í og leggur
til grundvallar að sé mikilvægt þegar þeir
fljúga til höfuðborgarinnar. Með flutningi
flugs til Keflavíkur verður hægt að nota
peninga sem annars færu í nýjan flug-
völl til að stórbæta samgöngur. Hver segir
að lest milli Keflavíkur og höfuðborgar-
svæðis sé óraunhæft dæmi. Það myndi
eflaust hjálpa ferðaþjónustunni líka. Það
tekur um 20-30 mínútur lengri tíma (skv.
könnuninni) miðað við núverandi sam-
göngur að komast til höfuðborgarinnar
frá Keflavík en frá Reykjavíkurflugvelli
á helstu staði í Reykjavík. En hvað gerist
ef nýr flugvöllur verður í útjaðri borgar-
innar? Sá tímamunur sem er frá flugvelli
hlýtur að minnka eða að engu verða því
nýi völlurinn verður fjær miðborginni þar
sem skólarnir, menningin og sjúkrahúsin
eru. Þess vegna hlýtur að þurfa að skoða
þennan flutning innanlandsflugs með
þeim forsendum að samgöngur myndu
batna enn frekar. Það hlýtur að verða verk-
efni næstu könnunar.
Nýr valkostur í hagnýtu námi á háskólastigi
Tæknifræðinám Keilis hefur nú verið starfrækt í þrjú ár. Háskóli Íslands kom
að stofnun Keilis til að bregðast við kalli at-
vinnulífsins um aukið samstarf atvinnulífs
og háskóla. Tæknifræðinámið er kjörinn vett-
vangur fyrir slíkt samstarf þar sem eðli náms-
ins og áhersla er á hagnýtar tæknilausnir. Eðli
málsins samkvæmt byggir tæknifræðin á hag-
nýtingu þekkingar sem þegar er til staðar,
þ.e.a.s. að hanna og búa til aðferðir, nýjar
vörur og lausnir sem byggja fyrst og fremst á
stöðu þekkingar hverju sinni.
Samkvæmt nýlegri könnun Samtaka iðnaðarins
kemur í ljós að á næstu árum þarf um 2.000
tækni- og háskólamenntaða starfsmenn á Ís-
landi. Könnunin sem gerð var meðal 400 fyrir-
tækja innan vébanda SI er í takt við sambærilega
könnun gerða af Samtökum atvinnulífsins frá
því í vor. Mikil tækifæri felast í þeim hluta at-
vinnulífsins sem tengist tæknigreinum, tölvu-
og hugbúnaðargreinum, heilbrigðistækni, líf-
vísindum, umhverfistækni og upplýsingatækni.
Takist skólakerfinu ekki að svara þessari eftir-
spurn er hætta á að fyrirtækin muni enn frekar
en nú byggjast upp að mestu erlendis en Ísland
stendur aftarlega í alþjóðlegum samanburði
þegar kemur að tæknimenntun fólks á aldrinum
25-35 ára.
Er skólakerfið að bregðast
við þörfum atvinnulífsins?
Frá iðnbyltingunni hafa aukin lífsgæði fólks
haldist í hendur við tækniframfarir í heiminum.
Það er því athyglisvert að velta fyrir sér hvernig
skólakerfið nýtist samfélaginu í heild. Á Íslandi
höfum við því miður mjög ósveigjanlegt kerfi
sem skipar fólki í hópa sem oft veldur aðskilnaði
milli greina.
tæknifræðinám Keilis:
Skilin á milli framhaldsskóla og háskóla er
gott dæmi um kerfi sem gerir fólki erfitt fyrir.
Kerfið beinlínis stýrir ungu fólki frá iðnnámi
og í menntaskólanám þar sem stúdentspróf er
almennt aðgöngumiðinn í háskólanám. Iðn-
nám á Íslandi er botnlanganám sem gerir fólki
erfitt um vik að halda áfram námi á háskólastigi
seinna á lífsleiðinni. Kerfið hefur mótað við-
horf fólks til ólíkra stétta og margir foreldrar
hvetja börn sín frekar til að sækja stúdentspróf
en iðnmenntun. Samfélagið þarf á afburðafólki
að halda í öllum stéttum og fólk þarf að eiga
möguleika á áframhaldandi námi eftir reynslu á
vinnumarkaðnum.
Eitt af markmiðum Keilis er að gera tækni-
miðað iðnnám meira aðlaðandi í augum
ungs fólks hérlendis. Kjörnemendur í tækni-
fræðinám búa yfir verkþekkingu sem þeir hafa
fengið í tæknimiðuðu iðnnámi og í störfum
sínum á vinnumarkaðnum. Þetta þarf þó að
gerast án þess að slá af kröfum um innihald
tæknifræðinámsins. Við gerum þetta með því
að byggja brú fyrir iðnmenntað fólk og þá
sem lokið hafa stúdentsprófi sem ekki byggir
á raungreinum, upp á háskólastigið með við-
bótar kúrsum sem teknir eru meðfram tækni-
fræðináminu í upphafi þess. Með því móti
getur fullorðið fólk hafið háskólanám í stað
þess að setjast á skólabekk í framhaldsskóla til
að ljúka forkröfum.
Einstaklingsmiðað námsumhverfi
Keilir býður upp á stutt, hagnýtt og nýstárlegt
háskólanám í tæknifræði í samstarfi við Háskóla
Íslands. Námið er sniðið að þörfum atvinnu-
lífsins, byggir á raunverulegum verkefnum og
verkviti nemenda. Nemendur ljúka BS gráðu í
tæknfræði á þremur árum og komast því fljótt
út á vinnumarkaðinn þar sem þeir geta tekið
þátt í uppbyggingu og starfsemi áhugaverðustu
tækni-, orku- og hugverkafyrirtækja Íslands.
Námið fléttar saman bóklegt nám og verkefna-
vinnu. Markmið okkar er að útskrifa nemendur
með framúrskarandi þekkingu og færni á sínu
kjörsviði ásamt því að virkja og efla sköpunar-
gleðina. Við menntum og útskrifum nemendur
með óhefðbundinn bakgrunn fyrir háskólanám
með því að skapa einstaklingsmiðað umhverfi
og tækifæri til áframhaldandi náms.
Fyrsti árgangurinn í tæknifræðinámi Keilis út-
skrifaðist við hátíðlega athöfn þann 22. júní
síðastliðinn. Meðal þess sem einkenndi þennan
fyrsta hóp var lífsreynsla, hugrekki og þraut-
seigja. Hópurinn var ekki stór, aðeins 15 nem-
endur, en mjór er mikils vísir. Miðað við að
aðsókn hefur meira en tvöfaldast nú í haust er
greinilega mikil þörf og aukinn áhugi á vönd-
uðu tæknifræðinámi á Íslandi.
Nánari upplýsingar um námsframboð tækni-
fræðináms Keilis er á www.keilir.net/kit
Fré
ttir
Unglingar
veiktust af
landadrykkju
Þrír unglingar, ein stúlka og tveir piltar, þrettán og
fimmtán ára, voru flutt á Heil-
brigðisstofnun Suðurnesja á
miðvikudag í síðustu viku, eftir
að þau höfðu drukkið landa,
orðið ofurölvi og veik.
Lögreglan á Suðurnesjum hóf
þegar rannsókn og handtók
rúmlega tvítugan karlmann sem
viðurkenndi sölu landa, en vildi
þó ekki kannast við að hafa selt
unglingunum brugg. Hann var
með tugi þúsunda króna, þegar
hann var handtekinn og lagði
lögregla hald á þá fjármuni vegna
gruns um að þeir séu ágóði af
landasölu.
Þá var farið í húsleit hjá öðrum
karlmanni í umdæminu. Þar
fundust um 50 lítrar af gambra,
sex 25 kílóa sykurpokar, svo
og tæki til eimingar og kolasía.
Maðurinn, sem er nær þrítugu,
viðurkenndi bruggunina. Ung-
lingarnir þrír dvelja ekki lengur
á heilbrigðisstofnuninni. Málið
er í rannsókn.