Víkurfréttir - 04.10.2012, Blaðsíða 2

fimmtudagurinn 4. október 2012 • VÍKURFRÉTTIR2
VATNAVERÖLD
HEILSU- OG FORVARNARVIKA
Í tilefni af Heilsu- og forvarnarviku Reykjanesbæjar
verður frítt í sund í Sundmiðstöðina/Vatnaveröld
laugardaginn 6. október
ATVINNA
AKURSKÓLI
Kennari óskast til afleysinga vegna
fæðingarorlofs í Akurskóla
Starfssvið:
• Kennsla í 1. bekk Akurskóla
Menntunar- og hæfniskröfur:
• Réttindi til kennslu í grunnskóla
• Góð mannleg samskipti
Umsóknarfrestur er til 12. október.
Sækja skal um starfið á vef Reykjanesbæjar.
Upplýsingar gefur Sigurbjörg Róbertsdóttir
skólastjóri í síma 420-4550
Í Akurskóla er lögð áhersla á kennsluhætti sem
einkenna opinn skóla, einstaklingsmiðað nám og
teymisvinnu kennara.
Sjá nánar um Akurskóla: www.akurskoli.is
LISTASAFN
REYKJANESBÆJAR
LEIÐSÖGN OG OPINN SPJALLFUNDUR
Laugardaginn 6. okt. kl. 13:00 verður opinn spjall-
fundur í Listasafni Reykjanesbæjar í Duushúsum í
tengslum við sýninguna Allt eða ekkert. Fulltrúar
safnsins, Félags myndlistarmanna og Ljósops taka
þátt í umræðunni og velta m.a. annars fyrir sér
hlutverki, stöðu og stefnu safnsins og grasrótahreyf-
inga í sjónlistum í bæjarfélaginu. Eftir spjallið munu
listamenn sem eiga verk á sýningunni kynna verk sín.
Allir velkomnir, heitt á könnunni.
FRÉTTIR VIKUNNAR
Tvö fyrirtæki hafa hug á að nýta sér gufu frá fyrirhug-
uðu kísilveri í Helguvík. Á síð-
asta fundi atvinnu- og hafnaráðs
Reykjanesbæjar voru lagðar fram
nýjar yfirlitsmyndir af Helguvík
frá CRI ehf. um umhverfisvænan
efnavinnslugarð við Helguvíkur-
höfn.
Pétur Jóhannsson, framkvæmda-
stjóri atvinnu- og hafnaráðs segir
að hugmyndir um græna efnagarða
í Helguvík séu áhugaverðar. Þær
hangi þó á því að kísilverið fari af
stað, þar sem þau fyrirtæki nýta
gufuna frá kísilverinu.
AGC, Atlantic Green Chemicals,
er eitt þeirra fyrirtækja sem hafa
fengið vilyrði fyrir lóð við hlið kísil-
versins, og eru búnir að ljúka um-
hverfismati, og eru að leita fjárfesta,
en bíða einnig eftir kísilverinu.
Pétur segir þetta mál á frumstigi
en það styður aðra uppbyggingu
í Helguvík, þar sem hér er um
að ræða umhverfisvæn fyrirtæki
miðað við stóriðjuna í álveri og
kísilveri.
Atvinnu- og hafnaráð segir að
Reykjanesbær sé tilbúinn að veita
vilyrði fyrir lóðum í Helguvík fyrir
slíka starfsemi og nú þegar hefur
Reykjaneshöfn úthlutað til AGC
lóð undir fyrirhugaða starfsemi.
Forstjóri Norðuráls vonast til að framkvæmdir við Álverið
í Helguvík fari í gang af fullum
þunga eftir áramótin. Það verður
þó aldrei fyrr en samningar við
orkuverin hafa verið undirritaðir
og tryggt að Landsnet geti afhent
orkuna.
Þetta er meðal þess sem fram kom á
síðasta fundi atvinnu- og hafnaráðs
Reykjanesbæjar. Þar var farið yfir
framkvæmdir á lóð álversins en
þar er bæði unnið við klæðningu á
kerskálum og einnig er unnið í frá-
veitumálum.
Í samtali við Víkurfréttir sagði
Pétur Jóhannsson, framkvæmda-
stjóri atvinnu- og hafnaráðs, að
málefni álversins væru betur stödd
í dag en oft áður, þar sem fyrir liggi
að raforkuverðið sé ákveðið, þó
svo ekki hafi verið skrifað undir þá
samninga.
Af öðrum stórum framkvæmdum
í Helguvík er það að frétta að við-
ræður standa yfir þessa dagana
við erlenda fjárfesta í tengslum
við kísilver í Helguvík sem von-
andi skila árangri og segir Pétur
Jóhannsson að samkvæmt þeim
upplýsingum sem liggi fyrir at-
vinnu- og hafnaráði þá muni fram-
kvæmdir hefjast á lóð fyrirtækisins
í þessum mánuði.
Umhverfisvænn efnavinnslu-
garður við Helguvíkurhöfn
Framkvæmdir á lóð
kísilvers að hefjast
Stiller í stórsjó!
n Álversframkvæmdir og kísilver í farvatninu:
n Kvikmyndað á lokadegi um borð í Stafnesi KE:
n Tvö fyrirtæki vilja nýta gufu frá Kísilveri í Helguvík:
Tapaðir þú
parketi og eld-
húsinnréttingu?
- Það er fundið!
Bílfarmur af perketi, eldhús-innrétting, ísskápur, sjónvarp
og rúm eru meðal þess sem ein-
hver hefur tapað á ferð sinni um
Ósabotnaveg á síðustu dögum.
Á opnu svæði við Gálgaklett má sjá
mikinn ruslahaug þar sem framan-
greint hefur verið skilið eftir.
Ástæða þess að allt þetta rusl er við
Ósabotnaveg en ekki í Kölku, þar
sem það ætti að vera, er óljós. Hvort
það tengist kostnaði við eyðingu,
opnunartíma móttökustöðvar eða
bara almennum slóðahætti eru
spurningar sem ekki fást svör við
fyrr en eigandi ruslsins gefur sig
fram eða að einhver vísar á hann.
Einhver ætti að kannast við þessa
innréttingu með steindu gleri og
flottheitum.
Hollywood-stjarnan Ben Stiller lauk tökum á kvikmynd sinni, The Secret Life of Walter Mitty, í Garði í síðustu viku. Síðasti
tökudagurinn fór fram við Gerðabryggju þar sem fjarstýrður hákarl
elti Ben Stiller um allan sjó. Þá var einnig tekið upp atriði á sjó þar
sem fiskiskipið Stafnes KE var í aðalhlutverki. Var látið líta út sem
skipið væri í stórsjó eins og sjá má á myndinni hér að ofan. Stafnesið
var leigt með manni og mús til að taka þátt í kvikmyndagerðinni og
dagskipunin til Odds Sæmundssonar skipstjóra og áhafnar hans var
að safna skeggi. Var áhöfnin á skipinu því orðin fúlskeggjuð á síðasta
tökudeginum. Myndina að ofan tók Hilmar Bragi en myndina hér að
neðan þar sem hákarlinn eltir Ben Stiller tók Guðmundur Sigurðsson,
áhugaljósmyndari úr Garðinum.