Neytendablaðið - 01.06.2008, Side 24

Í nýjasta hefti Which?, blaði bresku neytendasamtakanna, birtist
greinin „Lawn and order“ sem fjallar um hvernig koma má reglu
á garðinn sinn og hvað þarf að hafa í huga þegar valin er ný
garðsláttuvél. Sláttuvélar hafa þróast síðustu ár og nú eru til
þráðlausar rafmagnsvélar með endurhleðslu og bensínvélar sem
ráða við hátt og harðgert gras. Auk þess eru til rafmagnsvélar
hlaðnar notendavænum búnaði sem saxa grasið það smátt að
ekki þarf að hirða það heldur nýtist það sem næring á blettinn.
Hægt er að taka enn grænna skref með því að velja sílinder-vél
sem gengur fyrir handaflinu einu saman. Slíkar vélar eru bæði
léttar og afkastamiklar og mun betri en eldri tegundir sem voru
bæði þungar og háværar.
Grasflatir í góðum málum
Ráð um kaup á sláttuvélum
Veldu rétta tegund
Því breiðari sem sláttuvélin er, þeim mun styttri tíma tekur
að yfirfara grasflötina. Á litlum fleti getur þó verið erfitt að
athafna sig með of stórri vél.
• Grasflöt upp að 50 fm2 - Rafmagns sláttu vél með 30 sm
sláttarbreidd er tilvalin.
• 150 fm2 grasflöt – Veldu rafmagnsvél með meiri
sláttarbreidd, 35-45 sm.
• 250 fm2 grasflöt – Lítil bensínvél er besti valkosturinn.
Lágmarksbreidd á slíkri vél er 40 sm.
• Grasflöt yfir 250 fm2 – Veldu bensínvél með breiðara
hnífsblaði, 46 sm eða meira. Á þeim stærstu eru hjólin
mótor drifin.
Þýtt og endursagt úr Which (maí 2008).
Félagsmenn í Neytendasamtökunum geta fengið upplýsingar um gæðakönnun Which á garðsláttuvélum með því að hafa samband við skrifstofuna.
Handfang sem hægt er að brjóta saman tekur minna
geymslupláss. Leitið eftir handfangi sem leggst tvisvar
saman. Sumar vélar hafa stillanlega hæð á handföngum.
Það sem skiptir máli
Breitt klippisvið grassins ( 12
– 77 mm) er æskilegt þegar
grasflatir eru misjafnar að
gæðum eða grasið mishátt.
Einfaldur hæðarstillir er
þægilegri en þegar þarf að
stilla hvert hjól sérstaklega.
Kefli að aftan gerir
rendur í grasflötina og
er þægilegt til að vega
á móti þegar kantarnir
eru slegnir. Sumar vélar
hafa fjögur hjól með kefli
sem notað er þegar mjög
snöggt gras er slegið.
Flestar tegundir hafa stöng sem er
jafn löng handfanginu eða tvöfaldan
rofa til að hægt sé að nota báðar
hendur og spara álag á úlnliði. Það
hjálpar líka örvhentum.
Stór hirsla sem safnar slegna grasinu
saman getur sparað margar ferðir
í grashauginn. Sumar hirslur hafa
glugga eða nema sem lætur vita
þegar þær fyllast.
Sumar sláttuvélar saxa grasið mjög
smátt og blása því til baka. Við
niðurbrot verður þetta góð næring
fyrir grasflötina. Sumar vélar hafa
plötu til að útiloka útblásturinn frá
grashirslunni; aðrar hafa hnapp sem
nota má til að stilla hvort eigi að
safna grasinu eða saxa það til baka.