Víkurfréttir - 02.08.2012, Blaðsíða 15

VÍKURFRÉTTIR • FIMMTUDAGURINN 2. áGúsT 2012 15
›› Kristinn ÓsKarsson KörfuKnattleiKsdÓmari stÓð
sig frábærlega á ÍslandsmÓtinu Í höggleiK á hellu:
Fyrsta markmiðið var bara að kom-ast í gegnum niðurskurðinn. Það
tókst og gott betur og þetta var mjög
skemmtilegt,“ sagði Kristinn Óskars-
son, körfuknattleiksdómari úr Keflavík
en hann kom skemmtilega á óvart á Ís-
landsmótinu í höggleik í golfi sem fram
fór á Hellu um sl. helgi. Kristinn endaði
í 5.-6. sæti á tveimur yfir pari.
Kappinn kom sjálfum sér og fleirum á
óvart þegar hann blandaði sér strax í topp-
baráttuna þegar hann lék tvo fyrstu hring-
ina á tveimur undir pari samtals, hvorn
hring á 69 höggum og var í þriðja sæti.
Hann hélt uppteknum hætti í þriðja hring
og var aðeins tveimur höggum á eftir efsta
manni og í 2.-.3. sæti þegar hann átti tvær
holur óleiknar. Á 17. braut var hann hins
vegar mjög óheppinn með legu boltans
eftir upphafshöggið, fór aðeins út fyrir
braut en lenti í einu þúfunni á stóru svæði
og þar lá boltinn mjög illa. Hann lenti í
miklum vandræðum og endaði holuna á 3
yfir pari og svo fékk hann skolla á síðustu
brautinni. Endaði því þriðja hringinn á 4
yfir pari. Lokahringinn lék hann á pari og
endaði sem fyrr segir í 5.-6. sæti ásamt at-
vinnukylfingnum Ólafi B. Loftssyni, sem
er frábær árangur.
„Ég fæ kannski eftir þessa frammistöðu
að heyra oftar að ég sé kylfingur en ekki
körfuknattleiksdómari,“ sagði Kristinn í
léttum tón eftir mótið.
Aðspurður í miðju móti hvað hann æfði
mikið sagðist hann ekki æfa neitt, ein-
göngu leika golf, kannski tvisvar í viku.
Kristinn gaf tóninn fyrr í mánuðinum
í fjögurra daga meistaramóti Golf-
klúbbs Suðurnesja þar sem hann lék vel
og endaði í 4. sæti. „Já, frammistaðan í
meistaramótinu gaf vissulega tóninn og
var ástæðan fyrir því að ég ákvað að fara
á Íslandsmótið. Fyrsta markmiðið þar
var að komast í gegnum niðurskurðinn.
Ég byrjaði vel, komst í gegnum niður-
skurðinn, var vel á boltanum og hélt því
út mótið. Einu alvarlegu vandræðin í
mótinu voru þarna á 17. braut þegar ég
tapaði þremur höggum en svo var hitt allt
bara mjög gott og ég er mjög sáttur með
niðurstöðuna,“ sagði kylfingurinn Krist-
inn Óskarsson.
Fæ kannski að heyra
oftar að ég sé kylfingur
Kristinn í einu vandræðunum á Hellu, í
sandhól á 17. braut. VF-mynd/Páll Orri
Kristinn Óskarsson fylgdi eftir góðri frammistöðu
á Íslandsmótinu í höggleik þegar hann mætti í
Nettó-mótið á þriðjudags-mótaröð Golfklúbbs
Suðurnesja í Leiru í fyrradag. Þar lék hann á besta
skorinu, tveimur undir pari, 70 höggum, og vann
m.a. kylfingana sem voru í þremur efstu sætunum
á meistaramóti klúbbsins. Kallinn sjóðheitur eftir
góða ferð á Hellu.
SjÓðHeitur Í Leiru eFtir
ÍSLaNdSmÓtið á HeLLu
Kristinn fékk félaga sinn og kollega, körfuknattleiksdómarann davíð Kristján Hreins-
son, til að vera kylfusvein fyrir sig á þriðja keppnisdegi á Hellu. Hann
sagði í léttum dúr í viðtali við Kylfing.is að loknum öðrum keppnisdegi að hann myndi
kannski mæta í dómarabúningnum en lét sér nægja að fá davíð Kristján til að mæta
í dómarabúningnum. Þeir félagar fengu talsverða athygli fyrir þetta skemmtilega
uppátæki. Gárungarnir og félagar Kidda sögðu að honum líkaði ekki illa athyglin en
kappinn sýndi það líka að hann þolir vel þá pressu sem fylgir því að vera í toppbarátt-
unni á stærsta móti ársins. VF-mynd/jón júlíus.
KYLFuSVeiNN Í dÓmaraBÚNiNGi