Tímarit Máls og menningar - 01.11.1939, Side 29

í byrjun þessa mánaðar kom út safn af nýjum ritgerðum eftir
síra Gunnar Benediktsson: Skilningstré góðs og ills. Efni flestra
ritgerðanna er félagsleg og siðferðileg umvöndun. Gunnar er
ckki myrkur í máli, en kemur viða við og fer ekki í mann-
greinarálit. Hann geldur hverjum sitt og skammtar þó ekki
smátt. Um ritháttinn nægir að geta þess, að frægur bókmennta-
maður lét svo um mælt eftir lestur einnar greinarinnar, að sá
maður, sem krufinn var i þeirri ritgerð, gæti verið stoltur af
að hafa orðið tilefni til svo snilldarlegrar ritsmiðar.
Þórbergur Þórðarson varð fimmtugur á þessu ári. í haust
eru liðin fimmtán ár síðan frægasta bók hans, Bréf til Láru,
kom út. í tilefni af þessu tvöfalda afmæli Þórbergs gefur Heims-
kringla út æfisögu hans, ritaða af dr. Stefáni Einarssyni, pró-
fessor i Baltimore. Er æfisagan ágætt verk, eins og vænta má,
og liið bezta heimildarrit uin bókmenntaferil Þórbergs, liugsjónir
hans, baráttu og erfiðleika, trú hans og hjátrú. Þetta er ómiss-
andi handbók fyrir hvern Þórbergsmann,
Þórbergur sendir sjálfur frá sér bók, sem hann nefnir Refskák
auðvaldsins. Eru það þrjár ritgerðir. Tilefnið er hin fræga heng-
ingarsaga. Annars fjalla greinarnar um stjórnmál Evrópu nú
á tímum. Þessar greinar eru ritaðar af þeim krafti og eldmóði,
sem gerði Bréf til Láru að einni frægustu bók islenzkra nú-
tímahöfunda.
Af nýjungum má nefna bók eftir Hjálmar R. Bárðarson stú-
dent: Um flugmál íslands. Höf. rekur sögu flugs á íslandi og
ræðir um framtíðargildi flugvéla fyrir samgöngur hér. Er bók-
in fróðleg, og hlaut höfundur Gullpennasjóðs verðlaun Mennta-
skólans fyrir liana. Fjöldi mynda er efninu til skýringar.
Þá er von á tveim þýðingum. Ný þýðing beint úr Sanskrít, á
liinu fræga indverska helgikvæði Bhagavad-Gitá. Þýðingin er
eftir Sören Sörenson. Sú bók er aðeins gefin út i tölusettri
skrautútgáfu. Hin bókin heitir Kafbátsforingi og kennimaður,
eftir dr. Martin Niemöller, hinn fræga þýzka prest. Eru það
cndurminningar hans úr heimsstyrjöldinni, þegar hann var kaf-
bátsforingi, og frá árunum eftir stríðið, þar til hann gerist prest-
ur. Bókin er vel skrifuð og lýsir glöggt hinum rnikla hildarleik.
Arnór Sigurjónsson hefur ritað bók, sem kemur út innan
skamms. Heitir liún Skipulag byggðarinnar, og fjallar um nauð-
syn þess að föst áætlun og skipijlag sé um byggð sveitahéraða,
reist á rannsóknum, en öll tilviljun sé látin vikja fyrir hag-
legri nauðsyn.
Ólafur Jóh. Sigurðsson hefur lokið við nýja skáldsögu, Liggur
83