Ægir - 01.02.2011, Blaðsíða 12

12
R Æ K J U V I N N S L A
„Eftir niðursveifluna í rækju-
iðnaðinum á síðasta áratug
hefur þessi grein verið heldur
að rétta úr kútnum. Ég sé
hins vegar ekki fyrir mér verk-
smiðjur hér á landi að því
marki sem var á árum áður.
Til þess eru ekki aðstæður og
hátt olíuverð heldur aftur af
útgerðunum að sækja í
rækjuveiðar,“ segir Þröstur
Friðfinnsson, framkvæmda-
stjóri rækjuverksmiðjunnar
Dögunar á Sauðárkróki.
Mikill samdráttur á fáum
árum
Óhætt er að segja að rækju­
iðnaðurinn á Íslandi hafi tek­
ið miklum stakkaskiptum síð­
asta áratuginn. Þegar mest
var á þessu tímabili var unn­
ið úr um 72 þúsund tonnum
árið 2002 en framleiðslu­
magnið var komið niður fyrir
30 þúsund tonn árið 2009.
Samhliða þessu hefur orðið
verulegu breyting á hráefnis­
samsetningu, þ.e. að innflutt
fryst hráefni hefur orðið mun
hærra hlutfall heildarvinnsl­
unnar.
Á Íslandi voru fimm
rækjuvinnslur starfandi árið
2010, þ.e. Kampi ehf. á Ísa­
firði, Hólmadrangur hf. á
Hólmavík, Dögun hf. á Sauð­
árkróki, Rammi hf. á Siglu­
firði og FISK á Grundarfirði.
Hjá verksmiðju Dögunar var
unnið úr ríflega 8 þúsund
tonum á árinu 2010 og segir
Þröstur að fyrirtækið byggi
stöðugleika í hráefnisöflun á
systurfyrirtæki sínu í Eistlandi
sem gerir út þrjá rækjufrysti­
togara. Þeir stunda veiðar í
Barentshafi, við Kanada og
Grænland. „Allt er þetta sam­
stofna rækja og í grunninn
sama vara til vinnslu hjá okk­
ur þó hún geti verið misjafn­
lega bústin eftir veiðisvæð­
um. Við unnum úr yfir 9 þús­
und tonnum árið 2008 en
töluverður samdráttur í sölu
varð við fjármálahrunið það
haust og mun minni vinnsla
árið eftir en magnið hefur
heldur verið að aukast á nýj­
an leik,“ segir Þröstur.
Olíuverðið er hindrun
Að undanförnu hefur hráefni
af Íslandsmiðum lítið eitt
aukist hjá Dögun en ljóst má
vera að himinhátt olíuverð í
heiminum er ekki að hjálpa
til í rækjuveiðum og ­vinnslu.
„Hráefnisverð hefur verið
heldur á uppleið og samhliða
því verið líflegra yfir sókn og
veiðum hér á heimamiðum.
Vandinn er hins vegar að
samhliða hækkar olíuverðið
stöðugt og það hefur mikil
áhrif í rækjuveiðunum því
þær eru mjög orkukrefjandi.
Olíukostnaðurinn er breyta
sem hefur haldið rækjuveið­
unum niðri undanfarin ár og
flest bendir til að áhrifin af
háu olíuverði muni áfram
verða mikil á rækjuveiðar,“
segir Þröstur en þessi misser­
Rækjuiðnaðurinn er heldur að rétta úr kútnum eftir erfiðan áratug:
Hátt olíuverð heldur aftur
af rækjuveiðunum
Framkvæmdastjóri rækjuverksmiðjunnar Dögunar segir að jafnvel þótt veiðar á innfjarðarrækju glæðist þá muni uppbygging
rækjuvinnslna ekki verða með þeim hætti sem var þegar best lét í rækjuiðnaðinum.
Hér má sjá hvernig rækjuaflinn hefur þróast frá árinu 1993. Niðursveiflan varð mjög hröð.