Morgunblaðið - 02.12.2014, Qupperneq 17

Þú getur hjálpað núna með því að greiða valgreiðslu í heimabanka.
Einnig:
• Frjálst framlag á framlag.is
• Gjafabréf á gjofsemgefur.is
• Styrktarsími: 907 2003 (2.500 kr.)
• Söfnunarreikningur:
0334–26–50886, kt. 450670-0499
Þinn stuðningur gerir kraftaverk
Skortur á drykkjarhæfu vatni og hreinlætisaðstöðu veldur banvænum sjúkdómum
en með aðgangi að hreinu vatni hefur allt líf möguleika á að vaxa og dafna.
Hjálparstarf kirkjunnar tryggir fólki aðgang að hreinu vatni í Úganda og Eþíópíu
– og þitt framlag skiptir sköpum.
FRÉTTIR 17Erlent
MORGUNBLAÐIÐ ÞRIÐJUDAGUR 2. DESEMBER 2014
Bogi Þór Arason
bogi@mbl.is
Franski hægrijaðarflokkurinn Þjóð-
fylkingin, undir forystu Marine Le
Pen, hefur fengið lán frá rússneskum
banka í eigu vinar Vladímírs Pútíns
Rússlandsforseta til að fjármagna
kosningabaráttu sína á næstu árum.
Lánið hefur vakið umræðu um vax-
andi tengsl
stjórnvalda í
Kreml við evr-
ópska jaðarflokka
sem eru andvígir
Evrópusamband-
inu og hafa gagn-
rýnt refsiaðgerðir
sambandsins
gegn Rússlandi
vegna átakanna í
Úkraínu.
Marine Le Pen hefur staðfest að
Þjóðfylkingin fékk lán frá rússneska
bankanum FCRB að andvirði níu
milljóna evra, jafnvirði 1,4 milljarða
króna. Hún hefur hins vegar neitað
því að samið hafi verið um að bank-
inn láni flokknum alls 40 milljónir
evra, 6,2 milljarða króna. Franski
netmiðillinn Mediapart hefur þó eftir
öðrum forystumönnum í Þjóðfylk-
ingunni að hún fái 40 milljónir evra
frá bankanum og níu milljónirnar
séu aðeins fyrsta greiðslan. 40 millj-
ónir evra eru um átta sinnum meira
en tekjur flokksins á einu ári.
Miklir aðdáendur Pútíns
FCRB er í eigu Romans Popovs,
sem tengist olígörkunum svonefndu,
fámennum hópi fjármálamanna sem
stórauðguðust á einkavæðingunni í
Rússlandi eftir hrun Sovétríkjanna.
Haft hefur verið eftir Jean-Luc
Shaffhauser, þingmanni Þjóðfylking-
arinnar á Evrópuþinginu, að flokk-
urinn hefði ekki fengið lánið án ná-
inna tengsla Le Pen og Pútíns.
Le Pen neitar því að lánið sé af
pólitískum rótum runnið. Hún segir
að flokkurinn hafi sótt um lán í
nokkrum löndum og rússneski bank-
inn sé sá eini sem hafi samþykkt lán-
veitingu. Le Pen hefur tvisvar farið
til Moskvu á einu og hálfu ári og lof-
samað Pútín sem „verjanda kristnu
arfleifðarinnar í evrópskri siðmenn-
ingu“. Hún hefur sagt að hún dáist
að Pútín og gagnrýnt refsiaðgerðir
Evrópusambandsins gegn Rúss-
landi.
Ungverska rannsóknastofnunin
Munkatársaink (Political Capital á
ensku) segir að af 24 „hægriöfga-
flokkum“ á Evrópuþinginu hafi
fimmtán tekið vinsamlega afstöðu til
stjórnarinnar í Kreml. Sumir þess-
ara flokka hafa verið sakaðir um að
hafa fengið peninga frá Moskvu.
Í Bandaríkjunum hafa komið fram
ásakanir um að ungverski hægri-
flokkurinn Jobbik, sem hefur alið á
útlendingahatri, og gríski flokkurinn
Gullin dögun, sem er sökuð um ný-
nasisma, hafi fengið fé frá Rússlandi.
Leiðtogar þeirra og fleiri hægriöfga-
flokka eru sagðir hafa farið til
Moskvu og rætt þar við háttsetta
embættismenn á síðustu árum.
Rússnesk hugveita, sem styður
stjórn Pútíns, hefur hvatt hana til að
leita leiða til að veita hægrijaðar-
flokkum fjárhagslegan stuðning,
m.a. annars þýska flokknum AfD.
Þetta kemur fram í skýrslu sem lekið
var í þýska fjölmiðla.
Að sögn Independent er UKIP,
Breski sjálfstæðisflokkurinn, ekki á
meðal þeirra sem hafa fengið fé frá
Moskvu. Leiðtogi flokksins, Nigel
Farage, sagði fyrr á árinu að Pútín
væri sá maður sem hann hefði
„mesta aðdáun á“.
Hægriöfgamenn
halla sér að Pútín
 Franska Þjóðfylkingin fékk lán frá
Moskvu  15 jaðarflokkar styðja Pútín
Marine Le Pen
Lögreglumaður gengur í skrokk á
mótmælanda nálægt höfuðstöðvum
stjórnarinnar í Hong Kong. Lög-
reglumenn beittu kylfum og pipar-
úða gegn mótmælendum sem
reyndu að ráðast inn í höfuðstöðv-
arnar í fyrrinótt. Um 40 mótmæl-
endur voru handteknir og 39
manns fengu aðhlynningu á sjúkra-
húsi eftir átökin. Leung Chun-ying,
æðsti embættismaður Hong Kong,
gaf til kynna að gripið yrði til frek-
ari aðgerða til að binda enda á mót-
mælin sem lýðræðissinnar hófu fyr-
ir rúmum tveimur mánuðum til að
krefjast frjálsra og lýðræðislegra
kosninga. „Ég hef sagt að mótmæl-
in séu ekki aðeins ólögleg heldur
einnig tilgangslaus,“ sagði hann.
„Hér eftir framfylgir lögreglan lög-
unum án þess að hika.“
AFP
Boðar meiri hörku gegn mótmælendum
Bogi Þór Arason
bogi@mbl.is
Kim Kielsen, formaður jafnaðar-
mannaflokksins Siumut, hóf í gær
viðræður við leiðtoga annarra flokka
um myndun nýrr-
ar landstjórnar
eftir þingkosn-
ingarnar á Græn-
landi á föstudag-
inn var. Siumut
fékk þá mest fylgi
og sigraði vinstri-
flokkinn Inuit
Ataqatigiit (IA)
með aðeins 326
atkvæða mun.
Kielsen kvaðst
halda öllum möguleikum opnum, léði
m.a. máls á stjórnarsamstarfi við IA,
systurflokk VG á Íslandi. Sara Ols-
vig, leiðtogi IA, sagði að slíkt sam-
starf kæmi til greina en flokkurinn
legði fram skýrar kröfur sem Siumut
þyrfti að samþykkja, einkum í efna-
hagsmálum.
Poul Krarup, ritstjóri grænlenska
blaðsins Sermitsiaq, hvatti vinstri-
flokkana tvo til að taka höndum sam-
an eftir kosningarnar. Hann sagði að
slík stjórn væri best til þess fallin að
rétta efnahaginn við og laða erlenda
fjárfesta að Grænlandi. Siumut og
IA fengu 11 sæti hvor af alls 31 þing-
sæti.
Ask Rostrup, stjórnmálaskýrandi
danska ríkisútvarpsins, telur lík-
legra að Siumut myndi stjórn með
tveimur minni flokkum, Naleraq og
Atassut. Þessir þrír flokkar fengu
samtals 16 þingsæti og meirihluti
þeirra yrði því mjög naumur.
Ræður vináttan úrslitum?
Atassut var í stjórn með Siumut á
síðasta kjörtímabili þar til hún
sprakk vegna ásakana um að Aleqa
Hammond, þáverandi formaður
landstjórnarinnar, hefði notað rúm-
ar 106.000 danskar krónur (2,2 millj-
ónir íslenskra) af opinberu fé í eigin
þágu. Atassut hefur verið skilgreind-
ur sem miðju- og hægriflokkur en
hefur færst til vinstri í nokkrum
málaflokkum.
Naleraq er undir forystu Hans
Enoksen, sem var leiðtogi Siumut og
formaður landstjórnarinnar frá 2002
og þar til flokkurinn beið ósigur fyrir
IA árið 2009. Enoksen sagði sig úr
Siumut í janúar sl. og stofnaði þá
Naleraq. Hann er náinn vinur Kim
Kielsen sem varð formaður Siumut í
byrjun október þegar Aleqa Hamm-
ond sagði af sér. Ask Rostrup telur
líklegt að þessi vinátta ráði úrslitum
í viðræðunum um myndun næstu
landstjórnar.
Naleraq-flokkurinn fékk þrjú
þingsæti (11,6% fylgi) og Atassut tvö
(6,5%). Lýðræðisflokkurinn, sem er
til hægri, fékk fimm sæti (11,8%).
Inúítaflokkurinn, klofningshópur
úr IA, fékk aðeins 1,6% fylgi og ekk-
ert þingsæti.
Kielsen kveðst
vera til í allt
 Reynir að mynda stjórn á Grænlandi
Kim Kielsen, for-
maður Siumut.