Tímarit Máls og menningar - 01.06.1993, Page 83

Um Anne Sexton og Mark Strand
Anne Sexton fæddist árið 1928 í Newton í Massachusetts og bjó
mestalla ævina í grennd við Boston í sama fylki. Hún var um skeið
nemandi Roberts Lowells, sem talinn er upphafsmaður hins svokall-
aða játningaskóla í bandarískri ljóðagerð. Samtíða henni var Sylvia
Plath hjá Lowell, og aðhylltust báðar játningastefnu hans sem fyrr var
nefnd. Snemma fór að bera á miklu þunglyndi hjá Sexton og stytti
hún sér aldur árið 1974. Fyrsta ljóðabók hennar kom út árið 1974 og
heitir To Bedlam and Part Way Back. Sexton hlaut Pulitzer-verðlaun-
in fyrir þriðju bók sína, Live or Die (1966) og sendi hún frá sér margar
bækur aðrar. Síðasta bók hennar kom út árið 1975 að henni látinni.
Mark Strand fæddist árið 1934 í Summerside á Prince Edward Island
í Kanada. Hann fluttist til Bandaríkjanna árið 1938 og stundaði
háskólanám þar, á Bretlandi og Ítalíu. Frá 1981 hefur hann verið
prófessor í ensku við University of Utah í Salt Lake City. Strand gaf
út fyrstu ljóðabók sína, Sleeping with One Eye Open árið 1964 og
hefur síðan sent frá sér einar ellefu í viðbót, auk þess barnabækur,
smásagnasafn og bækur með listgagnrýni (hann nam málaralist um
skeið). Strand hefur hlotið fjöldann allan af viðurkenningum.
— HH
TMM 1993:2
81