Tímarit Máls og menningar - 01.06.1993, Síða 84

Þórunn Valdimarsdóttir
Tröllasaga
í henni eru:
sauðir á hálendinu (hugsanir)
fiskar á djúpmiðum (draumar)
sandur (það sem hefur verið hugsað)
ferðamaður (sem segir söguna)
biskup
dalbúar
spíritisti
hvítur hestur
Sviðsetning
Það er vítt kringum þessa sögu. Enda er hún ekki í þessu tímariti, heldur
langt frá mannabyggðum. Saga þessi gerist inni í landinu, inni í landinu.
Uppi á hálendinu, í kyrrðinni, ganga sauðahjarðir sem hver og einn rekur.
Já, hugsanir manna í þessu landi eru eins og ær sem fai'a á fjall, sumar
mestu fjallvargar reyndar. Þetta kemur til af því að landið er óbyggt innan
við innsveitir. Fólkið býr við ströndina og veiðir fisk.
Kringum landið á djúpmiðum fara vöður fiska sem enginn nær að
fanga. Um landið synda draumfiskamir og kunna einir að varast togara.
Djúpmiðin og hálendið hittast í fólkinu. Þegar menn vakna hverfa
draumfiskamir upp í eyðilendur hugsananna. í svefnrofunum synda
þessir fiskar upp á hálendið eins og í frægri þjóðlegri öfugmælavísu. Þeir
deyja þegar fólk vaknar. Loftið góða svalt og blátt kæfir þá, en sjá, sumir

82
TMM 1993:2