Fréttablaðið - 05.11.2015, Page 26

Raphael Schütz, sendiherra Ísraels á Íslandi, segir í viðtali við Fréttablaðið 28. október:
„Það sem ég get ekki sætt mig við
er að farið sé yfir rauðu strikin,
þegar notast er við lygar eins og
þjóðarmorð, aðskilnaðarstefnu,
þjóðernishreinsanir og nýlendu­
ríki. Öllu þessu ætti að útrýma
úr orðabók umræðunnar ef við
viljum taka af einhverri alvöru
þátt í uppbyggilegum samræðum.
Annars teljum við þetta vera hat­
ursherferð gegn Ísrael.“
Schütz vill „útrýma“ þessum
orðum til þess að umræð­
a n v e r ð i u p p b yg g i l e g r i .
En áður en við föllumst á það
skulum við skoða þessi orð og
merkingu þeirra.
Þjóðarmorð
Árið 1951 skilgreindi Allsherjar­
þing SÞ þjóðarmorð sem „aðgerðir
gegn hópi manna sem miða mark­
visst að því að skapa þeim lífs­
skilyrði sem leiða til útrýmingar
hópsins að hluta eða að fullu“.
Sameinuðu þjóðirnar ræða nú
í alvöru að með áframhaldandi
aðgerðum Ísraelshers verði Gaza­
ströndin nær óbyggileg eftir rúm
fimm ár.
Aðskilnaðarstefna
Sameinuðu þjóðirnar skilgreindu
aðskilnaðarstefnu 1973 sem
„ómannúðlegar aðgerðir sem miða
að því viðhalda yfirráðum eins
kynþáttar yfir öðrum kynþætti
með skipulagðri kúgun“.
Síonistar skilgreina gyðinga sem
kynþátt og í Ísrael gilda ýmis lög og
reglugerðir er veita gyðingum rétt­
indi umfram aðra. Þ. á m. eru lög
sem snúa m.a. að búsetu. Á Vestur­
bakkanum eru svæði þar sem her­
inn bannar Palestínumönnum
búsetu á grundvelli uppruna og þar
eru lagðir vegir sem gyðingar einir
fá að aka um.
S­Afrískir afkomendur gyðinga
sem hafa heimsótt Ísrael og her­
numdu svæðin, segja að það ríki
aðskilnaðarstefna í Ísrael, meira að
segja verri en sú sem þeir kynntust
í sínu heimalandi. Og þeir þekkja
ófreskjuna af eigin reynslu og segja
frá því óhikað. Þeir viðurkenna
ekki „rauðu strikin“ hans Schütz.
Þjóðernishreinsanir
Árið 1993 skilgreindu SÞ þjóð­
ernishreinsanir sem „skipulagða
og vísvitaða aðgerð til að fjarlægja
kynþátt með valdi eða ógnunum
með því markmiði að skapa eins­
leita búsetu á tilteknu svæði“.
Áður en Ísraelsríki var stofnað
í maí 1948 höfðu herir síonista
hrakið um 300.000 Palestínumenn
af heimilum sínum með hervaldi
og lagt fjölmörg þorp í rúst. Á þeim
tæpu sjö áratugum sem Ísrael hefur
verið við lýði hefur rúm ein millj­
ón Palestínumanna verið hrakin
burt. Og í staðinn hafa gyðingar
og afkomendur þeirra yfirtekið
landið.
Nýlenduríki
Oxfordorðabókin skilgreinir
nýlendustefnu sem stefnu er felur
í „sér yfirtöku ríkis á landi annarrar
þjóðar að hluta eða að fullu með
hernámi, innflutningi landnema
og nýtingu landsgæða“.
Ólöglegar landtökubyggðir
síonista á Vesturbakkanum þar
sem landtökumenn stela ræktar­
landi og vatnsbirgðum, falla vel að
þessari lýsingu.
Sendiherrann vill stjórna
umræðunni um Ísrael og framferði
Ísraelsmanna gagnvart Palestínu­
mönnum með „rauðum strikum“.
Hingað og ekki lengra segir Schütz.
Slík orð vekja mann auðvitað
til umhugsunar um hvaða „rauðu
strik“ gilda í árasarstríði Ísraelshers
gegn fólkinu sem býr innikróað
á Gaza? Kann einhver að segja
frá þeim „rauðu strikum“? Þegar
þúsundir Gazabúa, að meirihluta
börn, konur og óbreyttir borgarar,
liggja í valnum eftir fjórar stórárás­
ir á innan við áratug – þá er erfitt
fyrir okkur að sjá hvar Ísrael dregur
línuna.
Línan er vissulega rauð, roðin
blóði fórnarlambanna.
Það sem ekki má segja
Ágæti forstjóri!Mikil óánægja ríkir nú meðal ljósmæðra Landspítala
eftir að félagsdómur úrskurðaði nú
í október í máli sem Ljósmæðra­
félag Íslands höfðaði gegn ríkinu. Af
hverju kom þessi staða upp?
Ljósmæður tóku þátt í tíma­
bundnu verkfalli sem stóð á þriðju­
dögum, miðvikudögum og fimmtu­
dögum frá 7. apríl til 13. júní eða þar
til að ríkið setti á okkur lög og lauk
þannig verkfalli okkar. Um mánaða­
mót apríl­maí var fyrsti launafrá­
drátturinn staðreynd og ætluðum við
ljósmæður ekki að trúa okkar eigin
augum, þetta hlytu að vera mistök
sem yrðu leiðrétt strax en margar
hverjar voru þá búnar að vinna alla
sína vinnuskyldu. Mánaðamót maí­
júní gerist það sama, u.þ.b. 55% af
launum okkar eru dregin frá okkur
þrátt fyrir vinnu.
Okkur var brugðið, hvernig gat
spítalinn athugasemdalaust tekið
við vinnuframlagi okkar ef ekki
átti að greiða okkur laun? Sá háttur
samrýmist ekki þeirri grunnreglu
að starfsmaður á að fá laun fyrir þá
vinnu sem hann innir af hendi ef
hún fellur utan verkfalls. Ljósmæð­
ur sýndu áfram mikla þolinmæði
enda birtist frá þér tilkynning á vef
spítalans þann 3. júní 2015 um að
velferðarráðneytinu hefði verið sent
bréf þess efnis að það væri skoðun
Landspítala að starfsmenn fái greitt
fyrir þá vinnu sem þeir inna af hendi,
hvort sem það er á verkfallstíma eða
ekki og að ráðuneytið hafi tekið
undir þá afstöðu Landspítala
Ég spyr því hér, á hverju strandaði?
Þegar velferðarráðneytið tók undir
afstöðu Landspítala var það þá ekki
spítalans að greiða laun fyrir unnin
störf?
Áfram segir í tilkynningunni 3.
júní sl.: „Í framhaldinu hef ég, ásamt
framkvæmdastjórn spítalans, ákveð­
ið að allar launagreiðslur til starfs­
manna í verkfalli verði yfirfarnar og
lagfærðar eftir þörfum að teknu tilliti
til vinnufyrirkomulags starfsmanna á
stofnuninni.“ (Tilv. lýkur)
Þarna var ljósmæðrum létt enda
baðstu okkur um, kæri forstjóri, að
sýna biðlund þar sem flækjustigið
væri hátt og vinnsla málsins krefðist
tíma. Við biðum lengi, svo lengi að
félagið okkar fór með málið fyrir
félagsdóm. Flestir vita um úrskurð
félagsdóms en þar dæmdu þrír dóm­
arar af fimm okkur í óhag og eru
dómsorð þessara þriggja dómara
svo flókin að það er ekki fyrir venju­
legan mann að skilja. Tveir dómarar
skiluðu hins vegar séráliti og er það
álit auðskilið og einfalt og hvet ég
almenning til að lesa sérálit þeirra
http://www.urskurdir.is/Felagsmala/
Felagsdomur/nr/7962)
Hvert er hlutverk launadeildar?
Ég spyr hvert er hlutverk launa­
deildar Landspítala? Er það ekki
hennar hlutverk að reikna út laun
samkvæmt stimpilklukku og senda
til Fjársýslu ríkisins? Okkur hefur
verið sagt að Fjársýsla ríkisins hafi
sent Landspítala reiknireglu sem
eingöngu er hægt að nota fyrir dag­
vinnufólk. Var það þá ekki í höndum
Landspítala að senda hana til baka
þar sem hún var ónothæf til útreikn­
inga launa fyrir vaktavinnufólk?
Okkur finnst eins og allir
bendi  hver á  annan, þ.e. fjármála­
ráðuneytið, Fjársýsla ríkisins og
Landspítalinn.
Ég tel að málið hefði ekki þurft að
ganga svona langt ef það hefði verið
útskýrt á einfaldan hátt varðandi
vinnuskipulag vaktavinnufólks. Þeir
sem „ráða“ virðast ekki hafa skilið
það að stærsti hluti ljósmæðra á LSH
vinnur vaktavinnu, þ.e. allan sólar­
hringinn sjö daga vikunnar. Vinnu­
vikan er því ekki 8­16 mánudaga
til föstudaga eins og þegar um dag­
vinnumenn eru að ræða. Það var því
ekki hægt að nota þá reiknireglu sem
Landspítali segir að Fjársýsla ríkisins
hafi sent spítalanum til að nota við
útreikninga launa.
Ótrúleg þrautseigja
Ljósmæður hafa verið með lang­
lundargeð mikið og hafa sýnt ótrú­
lega þrautseigju og sýnt spítalanum
traust, þær hafa hlaupið til dag sem
nótt, helgar sem virka daga þegar
kallað er á aukamannskap vegna
álags á deildinni til að sinna konum
í barnsnauð.
Ófremdarástand er nú að skapast
á kvennadeild Landspítala þar sem
langlundargeð ljósmæðra er á þrot­
um. Kæri forstjóri, það verður að
finnast lausn á málinu hið snarasta
áður en í óefni kemur, það má ekki
taka neinar áhættur hvorki varð­
andi starfsfólk né skjólstæðinga.
Fæðingar vakt Landspítala er sú deild
sem er með hæsta þjónustustigið á
landinu og á þeirri deild verður alltaf
að vera fullmannað. Ljósmæður eru
ekki tilbúnar til að taka á sig auka­
vinnu umfram vinnuskyldu meðan
þær hafa ekki fengið greitt fyrir þá
vinnu sem þær hafa þegar skilað af
sér til spítalans.
Opið bréf til forstjóra Landspítala
Guðrún I.
Gunnlaugsdóttir
ljósmóðir
Ráðstefna Sameinuðu þjóð­anna um loftslagsbreytingar í París (COP21) hefst nú í
nóvember. Mikið er í húfi. Þessi
samkoma mun leggja línurnar fyrir
stefnumótun um loftslagsbreyting­
ar frá árinu 2020. ESB er staðráðið
í að tryggja að fallist verði á laga­
lega bindandi, metnaðarfullt og
sanngjarnt alþjóðlegt samkomulag
sem heimfæra megi á öll lönd, geti
haldið meðalhlýnun á hnettinum
undir 2°C og haldið skaðlegum
loftslagsbreytingum í skefjum. Hin
28 aðildarríki sambandsins, sem
bera ábyrgð á um 9% af allri losun
lofttegunda, hafa skuldbundið sig
til að draga úr þeirri losun um 40%
fyrir árið 2030. Langtímamarkmið
ESB er að draga úr losuninni um
80­95% fyrir árið 2050.
Fjórir lykilþættir
Við lítum svo á að árangursríkt
samkomulag byggi á fjórum lykil­
þáttum. Þeir eru: samstaða um
metnaðarfulla minnkun losunar,
sameiginlegt langtímamarkmið,
fimm ára endurskoðunartímabil til
að taka losunarmarkmiðin til athug­
unar og styrkja þau, og strangar
reglur um gegnsæi til að tryggja að
löndin muni standa við skuldbind­
ingar sínar. Ásamt því að draga úr
losun gróðurhúsalofttegunda mun
nýja samkomulagið kveða á um að
þjóðir undirbúi sig fyrir neikvæð
áhrif loftslagsbreytinga og um fjár­
mögnun loftslagsaðgerða.
Árangur vegna stuðnings
Raunverulegur árangur hefur þegar
náðst: um 150 aðilar sem saman­
lagt bera ábyrgð á um 90% losunar
á heimsvísu hafa nú lagt fram fyrir­
hugaðar skuldbindingar sínar. Þetta
er veruleg breyting, frá fáliðuðum
aðgerðum til stórátaks, og til marks
um sterka samstöðu um marghliða
kerfi til viðureignar við loftslags­
breytingar, sem hér og nú kallar
á metnaðarfullar aðgerðir allra
ríkja. Evrópusambandið sýnir því
skilning að sum lönd munu þurfa
stuðning við að útfæra markmið
sín og er staðráðið í að veita þann
stuðning, einkum við þróunar­
lönd. Við munum halda áfram
að leiða baráttuna gegn loftslags­
breytingum.
Stuðningur ESB
Á árabilinu 2010 til 2012 hét ESB
því að veita 7,2 milljarða evra til að
mæta þörfum þróunarlanda á sama
tímabili. Við stóðum við þau heit. Á
árinu 2013 veittu ESB og aðildarríki
þess 9,5 milljarða evra fjármögnun
til loftslagsverkefna í þróunar­
löndum. Í fjárhagsáætlun ESB verða
markverðar upphæðir veittar (sem
viðbót við framlög aðildarríkjanna)
til loftslagsverkefna fram til ársins
2020. Fimmtungur af framlögum
okkar til þróunarmála snertir lofts­
lagsmál. Samanlagt gerir þetta yfir
níu milljarða evra fjármögnun lofts­
lagsmála yfir árabilið 2014­2020.
Það er meira en tvöfalt framlag
tímabilsins 2007­2013. Evrópusam­
bandið breytir þó ekki heiminum
eitt síns liðs.
Mikilvægir félagar
Ísland hefur stutt baráttu ESB í lofts­
lagsmálum á alþjóðavettvangi og er
aðili að kerfi bandalagsins um við­
skipti með losunarheimildir. Vegna
legu landsins rétt undir heimskauts­
baug er Ísland einn þeirra staða sem
munu verða fyrir hvað mestum
áhrifum loftslagsbreytinga. Ég get
nefnt möguleg áhrif á sýrustig sjávar
sem eitt dæmi. Við erum þakklát
Íslandi, og öðrum mikilvægum
samstarfsþjóðum, fyrir að starfa
svo náið með okkur að takmörkun
hnatthlýnunar við tvær gráður.
Við skulum ekki gleyma því að
málið varðar ekki umhverfisáhrif
ein sér. Loftslagsbreytingar geta haft
neikvæð áhrif á hagkerfi heimsins
í heild og á baráttuna gegn fátækt.
Stöðugleiki og öryggi í stærra sam­
hengi eru í húfi, aðgangur að mat­
vælum og drykkjarvatni er í hættu.
Þess vegna erum við svo staðráðin
á þessari vegferð. París 2015 verður
veigamikill tímapunktur fyrir kyn­
slóðir framtíðar.
Síðustu forvöð
Ljósmæður eru ekki tilbúnar
til að taka á sig aukavinnu
umfram vinnuskyldu meðan
þær hafa ekki fengið greitt
fyrir þá vinnu sem þær hafa
þegar skilað af sér til spítal-
ans.
Matthias
Brinkmann
sendiherra Evr-
ópusambandsins
á Íslandi Ásamt því að draga úr losun
gróðurhúsalofttegunda mun
nýja samkomulagið kveða
á um að þjóðir undirbúi sig
fyrir neikvæð áhrif loftslags-
breytinga og um fjármögnun
loftslagsaðgerða.
Hjálmtýr Heiðdal
kvikmyndagerðar-
maður
Tjaldbúðir Palestínamanna á Gaza. Í baksýn eru rústir heimilis þeirra.
MyNd/HjÁlMTýr HEiðdAl
Á þeim tæpu sjö áratugum
sem Ísrael hefur verið við
lýði hefur rúm ein millj-
ón Palestínumanna verið
hrakin burt. Og í staðinn
hafa gyðingar og afkomend-
ur þeirra yfirtekið landið.
5 . n ó v e m b e r 2 0 1 5 F I m m T U D A G U r26 s k o ð U n ∙ F r É T T A b L A ð I ð
0
6
-1
1
-2
0
1
5

0
9
:3
6
F
B
0
7
2
s
_
P
0
4
7
K
.p
1
.p
d
f
F
B
0
7
2
s
_
P
0
4
2
K
.p
1
.p
d
f
F
B
0
7
2
s
_
P
0
2
6
K
.p
1
.p
d
f
F
B
0
7
2
s
_
P
0
3
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
6
D
6
-6
3
F
C
1
6
D
6
-6
2
C
0
1
6
D
6
-6
1
8
4
1
6
D
6
-6
0
4
8
2
7
5
X
4
0
0
.0
0
1
8
B

F
B
0
7
2
s
_
4
1
1
2
0
1
5
C
M
Y
K