Fréttatíminn - 30.01.2015, Qupperneq 33

 kvikmyndir Úrval bíómynda fyrir börn í kvikmyndahÚsunum
Barnabíó um helgina
Um helgina kennir ýmissa grasa í
bíóhúsunum og úrvalið af barna-
myndum nokkuð gott. Í Sambíó-
um er hægt að skella sér á nýjustu
myndina um Svamp Sveinsson,
annað hvort á ensku eða talsetta.
Myndirnar um Svamp Sveinsson
eru fínasta skemmtun sem allir
fjölskyldumeðlimir ættu að geta
haft gaman af.
Margir hafa beðið spenntir
eftir myndinni um Paddington,
vinalega bangsann frá Perú sem
fer til London í leit að nýju heim-
ili. Hún er nú komin í sýningar í
Laugarásbíói og er hægt að sjá
hana á ensku eða talsetta.
Í Bíó Paradís er jafnan hægt
að f inna skemmtilega viðbót
við oft einsleita barnabíóflóru
borgarinnar. Auk þess að bjóða
upp á bíóhátíð fyrir börn í mars
á hverju ári þá er þar hægt að
sjá evrópskar verðlaunamyndir
fyrir börn. Um helgina er þar
hægt að sjá myndina „Andri og
Edda verða bestu vinir“, fallega
mynd sem fjallar um vináttu leik-
skólabarna og ævintýrin sem þau
lenda í. Myndin, sem er talsett,
var tilnefnd sem besta barna-
myndindin á hinum norsku Am-
anda verðlaunum og sem besta
barnamyndin á kvikmyndahá-
tíðinni í Tallinn. Þar að auki er
núna í sýningu breska fjölskyldu-
myndin „Believe“, eða Fótbolta-
draumar, sem fjallar um dreng í
Manchester árið 1984 sem á sér
þann draum að keppa á stórmóti
í fótbolta. Myndin, sem er textuð,
hefur fengið einróma lof gagn-
rýnenda og valin besta barna-
myndin á Kvikmyndahátíðinni í
Zürich 2013. -hh
Um helgina er þar hægt að sjá myndina „Andri og Edda verða bestu vinir“ í Bíó Para-
dís. Fallega mynd sem fjallar um vináttu leikskólabarna og ævintýrin sem þau lenda
í. Myndin, sem er talsett, var tilnefnd sem besta barnamyndindin á hinum norsku
Amanda verðlaunum og sem besta barnamyndin á kvikmyndahátíðinni í Tallinn.
Stuðningur
til að feta sig
fram til nýs
lífs eftir áföll
Mannúðar- og mannræktarsam-
tökin Höndin fá styrk úr minn-
ingarsjóði Gunnars Thoroddsen,
fyrrverandi borgarstjóra og for-
sætisráðherra.
Dagur B. Eggertsson borgar-
stjóri afhenti styrk úr minning-
arsjóði Gunnars Thoroddsen
fyrrverandi borgarstjóra og for-
sætisráðherra í Höfða í byrjun
janúar. Styrkurinn var stofnaður
af hjónunum Bentu og Valgarði
Briem 29. desember 1985 þegar
liðin voru 75 ár frá fæðingu Gunn-
ars. Þetta er í tuttugasta og átt-
unda sinn sem veitt er úr sjóðn-
um og hafa styrkþegar bæði verið
félagasamtök og einstaklingar.
Að þessu sinni voru það mann-
úðar- og mannræktarsamtökin
Höndin sem hlutu styrkinn sem
nemur 350.000 krónum. Helga
Hallbjörnsdóttir, formaður sam-
takanna, tók við styrknum. Sam-
tökin hafa verið starfrækt í níu ár,
en þau voru stofnuð í nóvember
árið 2005. Megintilgangur starfs-
ins er að vera vettvangur fólks til
sjálfstyrkingar og samhjálpar.
Þeir sem leita til Handarinnar fá
aðstoð og liðsinni við hverja þá
raun sem viðkomandi getur átt
við að etja. Þeir fá stuðning og er
hjálpað við að feta sig áfram og
taka fyrstu skref til nýs lífs eftir
ýmis áföll. Starfsmenn Handar-
innar heimsækja aldraða einstak-
linga, öryrkja og sjúklinga sem
eiga ekki heimangengt eða eru
einmana. Spjallað er um daginn
og veginn, aðstoðað við einstaka
verkefni eða bara að hlusta.
Borgarstjóri sagði við afhend-
ingu styrksins í Höfða að sam-
tökin væru vel að
styrknum kom-
i n . Hönd i n
ha f i unn ið
þarf t verk í
samfélaginu í
gegnum árin
og óskaði sam-
tökunum vel -
farnaðar í starfi.
Leitið upplýsinga á auglýsingadeild
Fréttatímans í síma 531 3310 eða á
auglysingar@frettatiminn.is
Fréttatímanum er dreift á
heimili á höfuðborgarsvæðinu
og Akureyri auk lausadreifingar
um land allt.
Dreifing með Fréttatímanum
á bæklingum og fylgiblöðum
er hagkvæmur kostur.
Ert þú að huga
að dreifingu?
Helgin 30. janúar-1. febrúar 2015 viðhorf 33