Skinfaxi - 01.11.2013, Page 19

SKINFAXI – tímarit Ungmennafélags Íslands 19
Þ
riðjudaginn 19. nóvember sl. var
undirritaður samningur milli Hér-
aðsskjalasafns Austfirðinga og UÍA.
Með honum tekur Héraðsskjala-
safn Austfirðinga að sér vinnu við að flokka,
skanna og skrá ljósmyndir og filmur úr
safni UÍA.
„UÍA var búið að vinna mjög stórt ljós-
myndasafn sem var í möppum og ofan í
kössum og var því miður farið að skemm-
ast. Ákveðið var að semja við Héraðsskjala-
safn Austurlands um að taka að sér að
koma þessu efni í varanlegt ástand og
örugga geymslu. Myndirnar verða allar
skannaðar og komið í rafrænt form, þær
merktar og skráðar. Síðar í vetur er stefnt
að því að hleypa fólki inn á ljósmyndavef
þar sem hægt verður að fletta þeim upp
og þar með fáum við notendur í lið með
okkur til að þekkja myndir af fólki og við-
burðum. Með því aukum við þekkinguna
og varðveisla mikilvægra gagna verður
trygg. Þessi gögn hafa gríðarlega mikið
sögulegt gildi en þarna er um ræða mynd-
ir úr áratuga starfi UÍA,“ sagði Gunnar
Gunnarsson, formaður UÍA.
Bára Stefánsdóttir héraðsskjalavörður
sagði af þessu tilefni meginhlutverk Hér-
aðsskjalasafns Austfirðinga að taka við
Samningur milli Héraðsskjalasafns Austfirðinga og Ungmenna- og íþróttasambands Austurlands:
Ljósmyndasafninu komið í varanlegt ástand og örugga geymslu
skjölum skilaskyldra aðila (sveitarfélaga
og stofnana þeirra), skrá þau og varðveita.
„Skjalasafnið tekur einnig við einkaskjöl-
um, t.d. bréfasöfnum og ljósmyndum ein-
staklinga, félaga og fyrirtækja. Að slíku
efni er mikill fengur enda er oft að finna í
því upplýsingar um samfélög liðins tíma
sem ekki er að finna annars staðar. Ljós-
myndir úr safni UÍA eru því góð viðbót við
Ljósmyndasafn Austurlands, sem er varð-
veitt í Héraðsskjalasafninu, og bæta miklu
við þær heimildir sem til eru um íþrótta-
og ungmennafélagsstarf á Austurlandi,“
sagði Bára Stefánsdóttir héraðsskjalavörður.
LEIGJUM ÚT OG ÞJÓNUSTUM VATNSSALERNI
á íþróttamót og hverskyns mannam ót
Borgarflöt 15 :: 550 Sauðárkrókur
Sími: 891 9181 :: Fax: 453 5778
Netfang: okgam@simnet.is
NÝ
PR
EN
T
Bára Stefánsdóttir,
héraðsskjalavörður, og
Gunnar Gunnarsson,
formaður UÍA.