Morgunblaðið - 27.01.2015, Síða 2

Þingflokksfundur Sjálfstæðismenn ræddu
stöðu Hönnu Birnu Kristjánsdóttur í kjölfar
álits umboðsmanns á þingflokksfundi í gær.
Viðar Guðjónsson
Hallur Már Hallsson
„Það er algjörlega í hennar höndum að koma
aftur til þingsins og halda áfram sínum stjórn-
málastörfum,“ sagði Bjarni Benediktsson, for-
maður Sjálfstæðisflokksins, í samtali við mbl.is í
kjölfar þingflokksfundar flokksins í gær. Á hon-
um voru málefni Hönnu Birnu Kristjánsdóttur,
fyrrverandi innanríkisráðherra, og álit umboðs-
manns Alþingis rædd. Bjarni telur engu að síð-
ur að traust þingflokksins til Hönnu Birnu sé
óskorað. „Það er hins vegar engum blöðum um
það að fletta að hún hefur borið skaða af þessu
máli og hún gerir sér grein fyrir því sjálf. Það
breytir því ekki að réttur hennar til að starfa
sem þingmanns er óbreyttur,“ sagði Bjarni að
fundi loknum.
Viðurkenndi mistök
Þetta er í fyrsta skipti sem formaður flokks-
ins tjáir sig eftir að umboðsmaður Alþingis birti
álit sitt á föstudag. Þar kom m.a. fram að um-
boðsmaður teldi samskipti Hönnu Birnu sem
þáverandi innanríkisráðherra og fyrrverandi
lögreglustjóra vera óeðlileg í ljósi rannsóknar
lögreglunnar á birtingu minnisblaðs um flótta-
manninn Tony Omos sem kom frá ráðuneytinu.
Hanna Birna viðurkenndi í bréfi til umboðs-
manns Alþingis 8. janúar sl. að það hefðu verið
mistök að sinni hálfu að eiga samskipti við lög-
reglustjóra meðan á rannsókninni stóð.
Ekkert um stöðuna að segja
Ragnheiður Ríkharðsdóttir, þingflokks-
formaður Sjálfstæðisflokksins, segir að nið-
urstaða þingflokksfundarins hafi verið sú að
flokkurinn hafi ekkert um stöðu Hönnu Birnu
innan flokksins að segja. „Né heldur stöðu
hennar sem þingmanns. Hún sækir umboð sitt
til að sitja á þingi til kjósenda. Svo hefur hún
sótt umboð til landsfundar Sjálfstæðisflokksins
til að vera varaformaður flokksins,“ segir Ragn-
heiður. Hún segir að samhugur hafi verið um
þessi sjónarmið innan flokksins.
„Það er algjörlega í hennar höndum“
 Telur Hönnu Birnu enn hafa traust innan Sjálfstæðisflokksins  „Hefur borið skaða af þessu máli“
Morgunblaðið/Árni Sæberg
2 FRÉTTIRInnlent
MORGUNBLAÐIÐ ÞRIÐJUDAGUR 27. JANÚAR 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Davíð Már Stefánsson
davidmar@mbl.is
„Við getum ekki annað en lýst von-
brigðum okkar með kröfur Starfs-
greinasambandsins,“ segir Þor-
steinn Víglundsson, framkvæmda-
stjóri Samtaka atvinnulífsins.
Samninganefnd Starfsgreinasam-
bands Íslands afhenti Samtökum at-
vinnulífsins í gær kröfugerð sína
vegna komandi kjarasamninga.
Meginkröfur eru þær að miða
krónutöluhækkanir á laun við að
lægsti taxti verði þrjú hundruð þús-
und krónur á mánuði innan þriggja
ára.
„Það er farið fram með kröfu um
tæplega 50% hækkun lægstu launa.
Jafnvel enn frekari hækkanir gagn-
vart útflutningsgreinum á borð við
sjávarútveig og ferðaþjónustu. Að
baki þessum kröfum liggur engin
greining eða mat á því svigrúmi sem
kynni að vera fyrir hendi, né heldur
mati á þeim áhrifum sem þetta
myndi hafa á verðbólgu eða hag-
kerfið í heild,“ segir hann og bætir
við að slíkar hækkanir myndu hafa
gífurleg áhrif á hagkerfið í heild.
Ábyrgðarlaus kröfugerð
„Þarna er verið að tala um að
hækka launakostnað samfélagsins
um um það bil fimm hundruð millj-
arða á ári. Það verður ekki tekið út
öðruvísi en með einhverjum boða-
föllum í hagkerfinu. Í raun og veru
finnst okkur þetta vera afskaplega
ábyrgðarlaus kröfugerð og með öllu
óraunhæf. Þessar kröfur geta aldrei
orðið grundvöllur að einhverjum
viðræðum á milli aðila, þær eru ein-
faldlega svo langt út fyrir það sem
raunhæft gæti talist,“ segir hann.
„Við höfum ítrekað að líkt og í ná-
grannalöndum okkar þurfum við að
horfast í augu við það að svigrúm til
launahækkana á hverjum tíma er
alltaf takmörkunum háð. Í öllum ná-
grannalöndum okkar er horft til
launabreytinga á bilinu 2% til 4% á
ári. Það er alveg ljóst að það er tak-
markað svigrúm í augnablikinu,
framleiðniaukning hefur verið lítil
og aukin verðmætasköpun, mæld í
landsframleiðslu á mann, verið tak-
mörkuð. Við teljum að það sé ekkert
sem bendi til annars en að hækkanir
geti í besta falli verið einhvers staðar
á því bili. Það er líka svipað og Seðla-
bankinn hefur talað um,“ segir hann.
„Við skoruðum á Starfsgreinasam-
bandið að leggja sjálfstætt mat á
efnahagsleg áhrif krafnanna fyrir
hagkerfið í heild,“ kveður Þorsteinn.
Óskar eftir samningaviðræðum
Björn Snæbjörnsson, formaður
Starfsgreinasambands Íslands, er á
öðru máli en hann segir menn þurfa
að ræðast við.
„Við ætlumst til þess að það fari
fram samningaviðræður. Það virð-
ist vera sem svo að þeir telji að þeir
þurfi ekki að tala um þetta við okk-
ur en einhvern tímann þurfum við
að ná kjarasamningi,“ segir hann en
kveður þó að næsti fundur hafi ekki
enn verið boðaður.
„Við erum að reyna að stuðla að
því að fólk geti einhvern veginn lif-
að af dagvinnulaunum sínum. Við
teljum þetta því ekki óraunhæft.
Ýmsir hópar hafa verið að fá gríð-
arlegar hækkanir, til að mynda
kennarar og læknar. Ekki fór sam-
félagið á hliðina þótt þeir fengju
góða hækkun. Ég get því ekki séð
að þetta fari með okkur á hausinn,“
segir hann.
„Það virðist alltaf vera til pen-
ingur þegar þeir sem eru á hærri
launum ná sér í launabætur. Það
virðist aldrei vera til peningur þeg-
ar fólkið á lægstu laununum ætlar
að fá launahækkun,“ segir Björn en
þess má geta að núverandi kaup-
taxtar Starfsgreinasambands Ís-
lands eru 201 til 238 þúsund krónur.
Himinn og haf á milli SGS og SA
 Starfsgreinasamband Íslands krefst þess að lægstu laun verði 300 þúsund krónur innan þriggja ára
 Framkvæmdastjóri Samtaka atvinnulífsins segir kröfugerðina vera ábyrgðarlausa og óraunhæfa
Morgunblaðið/Eggert
Kröfur lagðar fram Samninganefndir SGS og SA komu saman í gær.
Sjöundubekk-
ingar í Flata-
skóla liggja
margir í rúm-
inu þessa dag-
ana, en 60%
tilkynntu sig
veika í gær.
Ólöf Sigurð-
ardóttir, skóla-
stjóri Flata-
skóla, sagði í samtali við
Morgunblaðið í gær, að krakk-
arnir í sjöunda bekk hefðu verið í
skólabúðum á Reykjum í Hrúta-
firði í fimm daga í síðustu viku, og
þegar þau komu til baka á föstu-
dag hafi sum verið orðin lasin, ým-
ist með hálsbólgu eða einhverja
flensu.
Einhver pest í gangi
„Sennilega hefur einhver verið
orðinn lasinn þegar farið var í
búðirnar. Það er að ganga einhver
flensa,“ sagði Ólöf í samtali við
Morgunblaðið í gær.
Ólöf leggur áherslu á að veik-
indin hafi ekki haft neitt að gera
með aðbúnaðinn í skólabúðunum –
hann hafi verið til fyrirmyndar.
„Það er bara einhver pest í
gangi, og eðlilegt að einhverjir
smitist við svona nána samveru,“
sagði Ólöf. agnes@mbl.is
60% veik-
indaforföll
Fyrsta malbikun ársins fór fram við nýbygg-
ingar í Stakkholti í gær. Verktakafyrirtækið
Fagverk var þar að verki og að sögn eins starfs-
manna fyrirtækisins gafst í gær í fyrsta skipti í
tvo mánuði tækifæri á að malbika. Að sögn hans
er vel gerlegt að malbika þegar úrkoma er lítil
og hæglætisveður eins og var í gær. Almennt er
hins vegar ekki malbikað á veturna sökum þess
hve jarðvinna er erfið vegna frosts í jörðu.
Fagverk malbikaði í Stakkholti í gær
Morgunblaðið/Árni Sæberg
Fyrsta malbikun ársins