Morgunblaðið - 27.01.2015, Blaðsíða 6

6 FRÉTTIRInnlent
MORGUNBLAÐIÐ ÞRIÐJUDAGUR 27. JANÚAR 2015
20. febrúar vinnur heppinn
áskrifandi Morgunblaðsins
Volkswagen e-Golf.
Verulegir annmarkar voru á rann-
sókn embættis sérstaks saksóknara
í Al-Thani-málinu og sömu sögu er
að segja um dóm Héraðsdóms
Reykjavíkur sem féll í desember
2013. Þetta kom fram í máli verj-
enda við málflutning í Hæstarétti
sem hófst í gær. Saksóknari vill hins
vegar sjá þyngri dóma falla.
Hreiðar Már Sigurðsson, fyrrver-
andi forstjóri Kaupþings, Sigurður
Einarsson, fyrrverandi stjórnar-
formaður bankans, Magnús Guð-
mundsson, fyrrverandi forstjóri
Kaupþings í Lúxemborg, og Ólafur
Ólafsson hlutu allir þunga dóma í
héraðsdómi. Voru þeir sakfelldir
fyrir umboðssvik eða hlutdeild í um-
boðssvikum og fyrir markaðs-
misnotkun, með þætti sínum í sölu á
5,01% hlut til Mohameds Al-Thanis,
sjeiks frá Katar, rétt fyrir hrun.
Björn Þorvaldsson saksóknari hóf
málflutninginn í Hæstarétti í gær.
Hann vill að Hæstiréttur þyngi
fangelsisdómana og krafðist þess
þeir Hreiðar Már og Sigurður yrðu
dæmdir í sex ára fangelsi og þeir
Magnús og Ólafur í fjögurra ára
fangelsi, í stað fimm og hálfs árs og
þriggja ára dóms sem þeir fengu.
Krefst sýknu
Hörður Felix Harðarson, verjandi
Hreiðars Más, tók fyrstur verjanda
til máls í gær. Hann krafðist þess að
málinu yrði vísað frá, dómurinn
ómerktur eða skjólstæðingur sinn
sýknaður. Hann kom víða við í ræðu
sinni, ræddi um annmarka á rann-
sókn sérstaks saksóknara, gagn-
rýndi símahlustun embættisins á
trúnaðarsamtölum sakborninga við
verjendur og takmarkað aðgengi
sakborninga að málsgögnum.
Einnig gagnrýndi Hörður mat á
trúverðugleika vitna í dómi héraðs-
dóms. Vitni sem hafi gerið skýrslu
sem hafi verið Hreiðari Má í hag
hefðu verið metin ótrúverðug. Hins
vegar hefði skýrsla Halldórs Bjark-
ar Lúðvígssonar, fyrrverandi við-
skiptastjóri hjá Kaupþingi, verið
metin trúverðug en sakfelling
Hreiðars Más byggist á framburði
Halldórs sem hafði upphaflega rétt-
arstöðu sakbornings.
Þá sagði Hörður að víða vantaði
rökstuðning og úrlausnin í dómi hér-
aðsdóms. Hörður dró ennfremur
óhlutdrægni meðdómara í héraðs-
dómi í efa, en hann hefði orðið fyrir
skakkaföllum í gegnum félög sem
hann átti í vegna falls bankanna.
Ólögmæt handtökuskipun
Síðdegis tók Ólafur Eiríksson,
verjandi Sigurðar Einarssonar, til
máls. Hann sagði að engin sönn-
unargögn væru fyrir hendi sem
gætu sýnt beina aðkomu Sigurðar að
lánveitingunni auk þess að taka und-
ir málflutnings Harðar um ann-
marka á rannsókninni.
Þá vék Ólafur að því þegar Int-
erpol lét lýsa eftir Sigurði eftir að
héraðsdómur hafði gefið út hand-
tökuskipun á hendur honum í maí
2010. Ólafur sagði að þarna hefðu
menn ekki vandað til verka, m.a.
hefði rökstuðningurinn verið byggð-
ur á upplýsingum um lýsingar á
háttsemi Hreiðars Más. Einsdæmi
væri að slíkt væri gert.
Hann sagði að þetta hefði verið
ólögmæt handtökuskipun, en emb-
ætti sérstaks saksóknara hefði kraf-
ist þess að láta lýsa eftir Sigurði sem
sakamanni. Sigurður hafði á þessum
tíma hvorki verið ákærður né verið
höfðað sakamál á hendur honum.
Þarna hefði saksóknari ekki farið
rétt með sínar heimildir, því þarna
hefði einfaldlega átt að taka skýrslu
af Sigurði. Hins vegar hefði verið
lýst eftir honum sem flóttamanni.
Gefnar hefðu verið upp rangar upp-
lýsingar til að ná fram ólögmætri
handtöku. Málflutningi lauk um kl.
16 í gær. Seinni dagur málflutnings
Al-Thani-málsins í Hæstarétti held-
ur áfram klukkan í dag. Þá munu
verjendur Ólafs Ólafssonar og
Magnúsar Guðmundssonar taka til
máls, að því búnu verður málið dóm-
tekið.
Vill að Hæsti-
réttur þyngi
refsidómana
 Annmarkar á rannsókn voru miklir
að mati verjenda í Al-Thani-málinu
Morgunblaðið/Þórður
Hæstiréttur Hreiðar Már Sigurðs-
son og Sigurður Einarsson í gær.
Björn Jóhann Björnsson
bjb@mbl.is
„Þetta gekk alveg eins og í sögu, hér
voru allir sáttir og sælir með að hafa
skjól í skálanum. Við höfðum birgt
okkur vel upp og áttum nóg til af
öllu. Hér í sveitinni eru engin vanda-
mál, bara lausnir,“ segir Svanhildir
Hlöðversdóttir, stöðvarstjóri N1
Staðarskála, um annríkið á sunnu-
dagskvöld þegar Holtavörðuheiðin
lokaðist vegna óveðurs.
Ófærð og leiðindaveður var víða
um land á sunnudag og fleiri fjall-
vegir lokuðust; eins og fram kom í
Morgunblaðinu í gær.
Um 340 fengu gistingu
Talið er að á bilinu 400-450 manns
hafi verið í og við Staðarskála þegar
mest var og um kvöldið þurfti að út-
vega gistingu fyrir um 340 manns, að
sögn Svanhildar.
Holtavörðuheiði lokaðist upp úr
klukkan fjögur á sunnudag en það
varð ekki endanlega ljóst fyrr en um
ellefu um kvöldið að heiðin yrði ekk-
ert opnuð. Því var gengið í það að út-
vega strandaglópunum gistingu og
fengu þeir inni á nokkrum stöðum í
grenndinni, eins og í Reykjaskóla,
Borðeyrarskóla, Gauksmýri og á
Staðarflöt, gistihúsi á Borðeyri,
Laugarbakka, Hvammstanga og
sveitabæjum. Ferðalangar voru af
ýmsu tagi: háskólanemar í skíðaferð,
íþróttafólk, þorrablótsgestir, erlend-
ir ferðamenn og ráðherrar, en
menntamálaráðherra og utanríkis-
ráðherra voru á meðal þeirra sem
ekki komust leiðar sinnar.
Að sögn Svanhildar hefur líklega
ekki skapast sambærilegt ástand frá
því að nýr Staðarskáli var opnaður
árið 2008. Heiðin hafi oft lokast áður
en ekki þegar jafn margir voru á
ferðinni og á sunnudaginn.
„Við vorum vel undirbúin eins og
við þurfum að gera þegar von er á
hverju sem er í veðrinu. Það var
nægur matur til handa öllum og
heiðin hefði getað verið lokuð ein-
hverja daga í viðbót. Helst voru það
samlokur og skyr sem kláruðust.
Það var nóg til af ástarpungum
og pylsum, við höfðum
varla undan við að steikja
fleiri punga,“ segir Svan-
hildur en ræsa þurfti út
aukamannskap á
sunnudaginn. Vaktir
annarra lengdust og
allt gert til að
koma fólkinu til
aðstoðar.
Strandaglópar Fjöldi ferðalanga varð að dvelja í Staðarskála á sunnudag, m.a. háskólanemar í skíðaferð.
„Það var nóg til af ást-
arpungum og pylsum“
 Hátt í 450 strandaglópar voru í Staðarskála þegar mest lét
„Það má segja að Staðarskáli
hafi breyst í félagsheimili. Menn
tóku í spil og það gekk vel á
spilastokkana hjá okkur. Fólk
fékk sér osta og með því og
hafði það bara huggulegt,“ seg-
ir Svanhildur stöðvarstjóri um
stemninguna á sunnudaginn.
„Síðustu ferðalangar fóru
héðan út um eittleytið í nótt
[fyrrinótt] og okkar starfsmenn
hættu um tvöleytið. Við vorum
síðan mætt hérna kl. hálfátta í
morgun [gærmorgun] og um
leið og heiðin var opnuð þá
jókst traffíkin á ný. Fólk kom
hérna við og fékk sér nýbakað
með kaffinu, áður en það fór yf-
ir heiðina. Við urðum að halda
áfram að steikja pungana,“
sagði Svanhildur við
Morgunblaðið um há-
degisbil í gær.
Breyttist í
félagsheimili
FJÖR Í STAÐARSKÁLA
Svanhildur
Hlöðversdóttir
Ljósmynd/Gísli Viðar Eggertsson
Davíð Már Stefánsson
davidmar@mbl.is
„Við erum algjörlega á móti því að
setja rúmar tvö hundruð milljónir í
það að þrengja Grensásveg og Háa-
leitisbraut með þessum hætti,“ segir
Júlíus Vífill Ingvarsson, borgar-
fulltrúi Sjálfstæðisflokksins, en til
stendur að þrengja Grensásveg sunn-
an Miklubrautar og gera þar hjóla-
stíg til að auka umferðaröryggi veg-
farenda.
Umferðarmódel nauðsynlegt
„Fækkun akreina og þrengingar á
tveimur götum, Grensásvegi og Háa-
leitisbraut, mun kosta borgarbúa 205
milljónir króna. Á sama tíma standa
margir tónlistarskólar í Reykjavík
frammi fyrir gjaldþroti en borgar-
fulltrúar meirihlutans finna enga
peninga í sjóðum borgarinnar til að
tryggja framboð á
tónlistarnámi svo
dæmi sé tekið um
verkefni sem ætti
frekar að hafa for-
gang. Önnur lög-
mál virðast gilda
um tilgangslausar
þrengingar á
gatnakerfinu,“
segir m.a. í bókun
sjálfstæðismanna
í umhverfis- og
skipulagsráði Reykjavíkur.
„Við verðum að horfa til þeirrar
staðreyndar að umferð er að aukast.
Því er það undarlegt ef við ætlum á
sama tíma að þrengja að umferðinni
og setja í það mikinn pening eins og
þarna stendur til,“ segir Júlíus Vífill.
„Það er vel þekkt að þegar verið er
að þrengja eina götu þá færist um-
ferðarþunginn yfir á aðrar götur og
oft á tíðum inn í íbúðarhverfi. Þetta
getur því skapað enn meiri hættu fyr-
ir vegfarendur,“ segir hann og nefnir
þrengingarnar í Hofsvallagötu sem
dæmi. Júlíus kveður nauðsynlegt að
gera umferðarmódel áður en farið
verður í framkvæmdir og að slíkt hafi
ekki verið gert. Þá leggja sjálfstæðis-
menn til að miðeyjan á götunni verði
mjókkuð.
„Með því móti er hægt að koma
fyrir hjólastíg án þess að það hafi
áhrif á umferðarflæði götunnar. Aðal-
atriðið er að tryggja öryggi gangandi
vegfarenda af yngri kynslóðinn sem
eiga þarna leið um. Við höfum lagt
fram tillögur um hvernig það er hægt
t.d. með ljósastýrðum gangbrautum.
Okkar tillögur til að auka umferðar-
öryggi á þessum spotta hafa einfald-
lega allar verið felldar,“ segir hann en
fulltrúar Sjálfstæðisflokks hafa lagt
fram þá tillögu.
Vilja ekki þrengja Grensásveg
 Segir 205 milljónum króna betur varið í tónlistarskóla
Júlíus Vífill
Ingvarsson