Morgunblaðið - 20.03.2015, Blaðsíða 31

MINNINGAR 31
MORGUNBLAÐIÐ FÖSTUDAGUR 20. MARS 2015
✝ Ester HuldaTyrfingsdóttir
fæddist í Reykjavík
13. desember 1932.
Ester lést á Land-
spítalanum 11.
mars 2015.
Ester var dóttir
hjónanna Karólínu
Maríu Karlsdóttur
húsmóður, f. 1909,
d. 1988, og Tyrf-
ings Magnússonar
sjómanns, f. 1905, d. 1934. Syst-
ur Esterar eru: Ester Hulda, f.
1930, d. 1931, Ásdís Minný, f.
1941, Sigríður Helga, f. 1950.
Hinn 1.10. 1960 giftist Ester
Hrafni Sæmundssyni prentara
og síðar starfsmanni Félags-
málastofnunar Kópavogs, f.
12.6. 1933, d. 10.12.2009. Dætur
1995; c) Fjölnir Þór, f. 2000. 3.
Berglind Hrönn Hrafnsdóttir
félagsráðgjafi, f. 1966. Maki
hennar er Ólafur Vignir
Björnsson verkfræðingur, f.
1965. Börn þeirra eru a) Sindri
Freyr, verkfræðingur, f. 1988.
Maki hans er Kristbjörg Helga
táknmálstúlkur. Börn þeirra
eru Daníel Aron og ónefnd
Sindradóttir; b) Hrafnhildur
nemi, f. 1994; c) Ester Hulda, f.
2000.
Ester ólst upp í Keflavík en
flutti ung til Reykjavíkur og
síðar í Kópavoginn þar sem
hún bjó til æviloka. Ester var
sjúkraliði að mennt og vann um
tíma við aðhlynningu. Auk þess
vann hún ýmis önnur störf en
lengst af á Bókasafni Kópa-
vogs. Eftir starfslok vann hún
sjálfboðaliðastarf hjá Rauða
krossinum. Ester var virk í fé-
lagsstarfi og var lengi félagi í
Sam-frímúrarareglunni.
Útför Esterar fer fram frá
Digraneskirkju í dag, 20. mars
2015, og hefst athöfnin kl. 11.
þeirra eru: 1.
Agnes Huld sál-
fræðingur, f. 1961.
Maki hennar er
Páll Breiðfjörð
Pálsson verkfræð-
ingur, f. 1958.
Börn þeirra eru a)
Eva María, lyfja-
fræðingur, f. 1983.
Maki hennar er
Hjalti lyfjafræð-
ingur. Börn þeirra
eru Alma Júlía og Agnes Ísa-
bella; b) Páll Elvar Pálsson við-
skiptafræðingur. Dóttir Páls
Breiðfjörð er Sandra Dögg við-
skiptafræðingur, f. 1978. 2.
Hulda María, f. 1962, d. 2013.
Synir hennar eru a) Viktor
Hrafn viðskipafræðingur, f.
1988; b) Zophanías nemi, f.
Mamma hefur kvatt okkur en
hún átti stefnumót í Sumarland-
inu. Vafalaust hafa móttökurnar
verið góðar. Mamma hefur alltaf
trúað á lífið í stærra samhengi
þar sem ævin okkar hér er hluti
af stærri heild. Trú mömmu var
eins og hún sjálf, án öfga og yf-
irgangs. Borin var virðing fyrir
öllum sjónarmiðum.
Mamma mun alltaf eiga stór-
an sess í hjörtum okkar. Fjöl-
skyldan var henni afar kær og
hún tók virkan þátt í lífi okkar
allra. Það verður skrítið að koma
ekki reglulega við í Gullsmár-
anum og eiga notalega stund yfir
kaffibolla og spjalli. Rætt var um
málefni líðandi stundar, fortíð og
framtíð.
Allt var undir og einhvern
veginn skorti aldrei umræðuefni.
Fjörugar umræður með barna-
börnunum um allt mögulegt
voru skemmtun ein þó að gjarn-
an væri gripið tækifærið og
komið að góðum gildum og leið-
um til farsæls lífs. Hver á að
strjúka okkur um vangann og
segja, viltu nokkuð vera að þessu
eða hinu, sagði eitt barna-
barnanna og horfði á okkur í for-
undran þegar við buðumst til að
taka við hlutverkinu. Þetta gerir
nefnilega bara amma. Mömmu
þótti gaman að kíkja út í kaffi og
var kaffistofa IKEA í miklu
uppáhaldi. Þangað fór hún
gjarnan með okkur og þótti öll-
um gaman að fara með. Stund-
um var fjölmennt.
Djass og sving mun alltaf
minna mig á mömmu. Hún hlust-
aði á þessa gömlu góðu og stund-
um þurfti að lækka í græjunum
þegar við mættum á svæðið.
Gott lag eins og „In the mood“
með Glenn Miller kom bliki í
augun og gjarnan fylgdu létt
dansspor. Hún var trú tónlist-
arsmekk sínum en þó opin fyrir
nýjungum eins og hljómsveitinni
Sigur Rós.
Mamma var virk í áhugamál-
um sínum og var lengi félagi í
Sam-frímúrarareglunni. Hún var
traustur vinur og verður sárt
saknað. Ég er þakklát fyrir allt
það sem mamma hefur kennt
mér og sannfærð um að leiðsögn
hennar hefur gert mig að betri
manneskju. Í anda mömmu kveð
ég að sinni. Við sjáumst síðar.
Berglind Hrönn Hrafnsdóttir
Elsku amma mín. Ég sakna
þín. Það er skrýtið að hafa þig
ekki símtal í burtu eins og alltaf
áður og ég sakna þess að fá að
heyra góðu röddina þína aftur.
Ég er sorgmædd yfir að þú fórst
svona fljótt og þrátt fyrir það að
við sjáumst ekki meira á þessari
jörð er ég glöð að þú þjáist ekki
og ert komin í sumarlandið.
Það er gott að hugsa til tím-
ans í Bræðró þar sem við vorum
mest. Þaðan á ég svo margar
góðar barnaminningar. Þú varst
sú sem komst mér á sporið með
jóga og við lágum hlið við hlið á
stofuteppinu með fæturna upp í
loft að gera æfingar. Talandi um
að vera á undan samtímanum.
Það voru svo góðir tímar og ég á
margar góðar minningar frá
Bræðratungu með þér og afa.
Sunnudagslærið í hádeginu,
hversdagsísinn í frystikistunni
og smákökurnar sem þú reyndir
að fela fyrir okkur inni í búri.
Þú hefur komið tvisvar að
heimsækja mig og Hjalta til Sví-
þjóðar síðan við fluttum hingað
fyrir fjórum árum, það er ómet-
anlegt. Það var svo skemmtilegt
að fá að stjana við þig í útlönd-
um og leyfa þér að kynnast
Ölmu og Agnesi betur í sænska
umhverfinu sínu.
Við fórum fínt út að borða í
Stokkhólmi, ég sýndi þér höllina
og þú gekkst um borgina eins og
hver annar þrítugur túristi, þú
varst svo hraust alla tíð. Eins og
mamma sagði að þrátt fyrir að
þú hefðir fengið berkla tvisvar
fyrir tvítugt, þá fékkstu nánast
aldrei kvef og svafst betur en
unga fólkið. Þér var líka umhug-
að um heilsuna og ég var alltaf
stolt af því hvað þú varst dugleg
að stunda íhugun og hugsa vel
um þig. Einmitt svoleiðis eldri
kona ætla ég að verða – sem
stundar íhugun og jóga. Spurðir
alltaf hvort við tækjum ekki lýs-
ið og bættir við að þú hefðir
heyrt að það væri svo hollt fyrir
augun. Út frá þessu ræddum við
oft um alla heima og geima lyfja
og læknisfræði, þú varst alltaf
svo áhugasöm og gaman að
spjalla við þig, elsku amma.
Annars röbbuðum við líklega
mest um daginn og veginn, fjöl-
skylduna. Þú sagðir alltaf hvað
þú værir stolt af okkur barna-
börnunum og þér fannst ótrúlegt
að þú værir orðin langamma og
nú áttu fjögur langömmubörn.
Ég er svo glöð að stelpurnar
mínar fengu að kynnast þér,
elsku amma, og að við eigum
myndir og minningar. Þú verður
alltaf til staðar í hjarta mínu, ég
hlakka til að hitta þig næst.
Þín
Eva María.
Kveðja frá St. Ósíris
Í dag kveðjum við systur okk-
ar Ester Huldu Tyrfingsdóttur
með þakklæti og virðingu, en
hún lést 11. mars sl.
Ester Hulda vígðist inn í
Sam-frímúrararegluna árið 1984
og hafði því verið í reglunni í yfir
30 ár.
Hún gegndi ýmsum trúnaðar-
störfum fyrir stúku sína Ósíris
og sinnti þeim öllum af einstakri
alúð og trúmennsku. Ester var
ákaflega hæglát kona í allri
framkomu og frá henni geislaði
hógværð og hlýja.
Áföllum í lífinu tók hún af ein-
stöku æðruleysi sem var svo ein-
kennandi fyrir hana. Hún var
virk í reglustarfinu allt til loka
síðasta árs en þá varð hún að
draga sig í hlé sökum veikinda.
Þrátt fyrir veikindi fylgdist hún
vel með starfinu og sendi reglu-
lega kveðjur til systkina.
Við stúkusystkin í St. Ósiris,
sendum ástvinum Esterar Huldu
hugheilar samúðarkveðjur.
Þitt starf var farsælt, hönd þín hlý
og hógvær göfgi svipnum í.
Þitt orð var heilt, þitt hjarta milt
og hugardjúpið bjart og stillt.
(Jóhannes úr Kötlum.)
Blessuð sé minning Esterar
Huldu Tyrfingsdóttur.
Fyrir hönd St. Ósiris
Sigurbjörg
Vilmundardóttir.
Ester Hulda
Tyrfingsdóttir
✝ BryndísÁgústa Sig-
urðardóttir fædd-
ist í Reykjavík 28.
október 1929.
Bryndís lést á
hjúkrunarheimili
Hrafnistu í
Reykjavík 10.
mars 2015.
Foreldrar henn-
ar voru hjónin
Ágústa Hildi-
brandsdóttir og Sigurðar
Árnason.
Systkini Bryndísar voru Að-
alsteinn Sigurðsson, Árni Sig-
urðsson og Hjördís Þorbjörg
Sigurðardóttir en þau eru öll
látin.
Bryndís giftist Finni Eyj-
ólfssyni, f. 6.9. 1930, d. 6.8.
2014, 5. desember 1959.
Börn þeirra eru 1) Áslaug
Finnsdóttir, sonur hennar
Finnur Matthew Johnsson.
2) Sigrún Finns-
dóttir, maki Hauk-
ur Harðarson,
dóttir Sigrúnar,
Elín K. Linnet,
maki Hafsteinn
Steinsson, börn
þeirra Kári Haf-
steinsson, Tinna
Hafsteinsdóttir,
Tumi Hafsteinsson
og Örri Hafsteins-
son.
3) Eyjólfur Ágúst Finnsson.
Bryndís starfaði á yngri ár-
um hjá Sælgætisgerðinni
Freyju, en flutti svo um tíma
til Bandaríkjanna 1956 þar
sem hún bjó og starfaði.
Á árunum 1982-1998 starf-
aði hún á Hjúkrunarheimilinu
Droplaugarstöðum við Snorra-
braut.
Útför hennar fór fram frá
Fossvogskirkju í gær, 19.
mars 2015.
Bryndís Ágústa Sigurðar-
dóttir var einhver sú yndisleg-
asta manneskja sem ég hef á
ævi minni hitt. Ég bjó hjá henni
um tíma þegar ég var í sambúð
með Sigrúnu dóttur hennar og
átti þar góða tíma. Hjá henni og
Finni bjuggum við við afskap-
lega gott atlæti ásamt Ellu
dóttur okkar. Sjaldan sá ég
hana öðruvísi en brosandi og
létta í lund. Hún var jákvæð og
bjartsýn að eðlisfari og með af-
skaplega þægilega nærveru.
Það var eiginlega ekki hægt
annað en láta sér líða vel þegar
maður var nálægt henni. Hún
var umhyggjusöm og vildi öllum
vel.
Í þau fáu skipti sem ég sá
hana leiða eða skipta eilítið
skapi var þegar einhverjir voru
að rífast eða með einhver leið-
indi. Slíkt átti hún erfitt með að
þola. Eftir að við Sigrún slitum
samvistum hittumst við reglu-
lega í afmælum dóttur okkar og
svo barnabarnanna og voru það
ávallt ánægjulegir endurfundir.
Ég er þakklátur fyrir að hafa
fengið að kynnast svona fallegri
sál og óska henni velfarnaðar í
sumarlandinu. Öllum aðstand-
endum votta ég mína dýpstu
samúð.
Kristján K. Linnet.
Ég veit ekki hvort þú hefur,
huga þinn við það fest.
Að fegursta gjöf sem þú gefur
er gjöfin sem varla sést.
Ástúð í andartaki,
augað sem glaðlega hlær,
hlýja í handartaki,
hjarta sem örar slær.
(Úlfur Ragnarsson.)
Elskuleg föðursystir okkar,
Bryndís eða Didda eins og við
kölluðum hana, er látin. Þetta
ljóð minnir okkur á hana og ást-
úð hennar til okkar systranna.
Hún gaf okkur þá stóru gjöf að
láta okkur alltaf finna að henni
þótti vænt um okkur.
Didda var yngst systkina
pabba, aðeins 17 ára þegar sú
elsta okkar fæddist, en Ágústa
var fyrsta barnabarn afa og
ömmu. Enda þótt foreldrar okk-
ar hafi skilið eftir stutt hjóna-
band entist vinátta mömmu og
Diddu ævilangt. Alla tíð sýndi
hún henni og okkur stelpunum
einstaka ræktarsemi og fylgdist
með okkur og okkar fólki af lif-
andi áhuga. Vinátta hennar við
mömmu var til þess að hún kall-
aði okkur oft „stelpurnar henn-
ar Möggu mágkonu“. Okkur
þótti afskaplega vænt um það.
Enda þótt samband okkar við
föðurfjölskylduna hafi ekki ver-
ið mikið voru tengslin þó góð.
Það getum við ekki síst þakkað
Diddu.
Didda og Finnur áttu mörg
erfið ár vegna veikinda hans. Í
baráttunni með honum stóð hún
sig eins og hetja og hann var
efst í huga hennar í hverju sam-
tali. Þó var okkur ljóst að hún
var sjálf ekki góð til heilsunnar.
Löng og skemmtileg símtöl átt-
um við og þá var hún kát og lét
sem ekkert amaði að sér, greip
jafnvel stundum í svartan húm-
or þegar það átti við.
Við kveðjum föðursystur okk-
ar með þakklæti í huga. Elsku
Áslaug, Sigrún og Eyjólfur,
mamma ykkar var afskaplega
heil og góð manneskja sem við
munum sakna. Ykkur og fólkinu
ykkar sendum við innilegar
samúðarkveðjur.
Ágústa, Anna Þóra, Sigrún
og Margrét Árnadætur.
Bryndís Ágústa
Sigurðardóttir
Smáauglýsingar
Gisting
Svefnpokagisting
Salarleiga
www.arthostel.is
Sumarhús
Sumarhús – Gestahús –
Breytingar
Framleiðum stórglæsileg sumarhús
í ýmsum stærðum.
Tökum að okkur stækkun og
breytingar á eldri húsum.
Smíðum gestahús – margar
útfærslur.
Sjáum um almennt viðhald á
sumarhúsum og sólpöllum.
Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Námskeið
Skráning
í Polar Beer deildina
fyrir sumarið 2015 er hafin.
Þau lið sem hafa áhuga eru vin-
samlega beðin um að hafa sam-
band í síma 697 8526 eða e-mail
runarstefansson@gmail.com
Stjórn Polar Beer
deildarinnar í knattspyrnu.
Til sölu
Rafmagnsreiðhjól, eldri árgerð
seld með allt að 50% afslætti,
verð nú frá 75.000, takmarkað
magn. www.el-bike.is
Hvaleyrarbraut 39, 220
Hafnarfirði, opið virka daga
8–16, sími 864 9264.
Óska eftir
Staðgreiðum gull, demanta og úr
Hringar, hálsmen, armbönd, Rolex,
Cartier, Patek Philippe o.fl.
Hringdu núna og fáðu tilboð þér að
kostnaðarlausu!
www.kaupumgull.is
Opið alla daga 11–18.
Kringlan – 3. hæð
(Hagkaupsmegin)
Upplýsingar í síma 661 7000.
Ýmislegt
TILBOÐ - TILBOÐ - TILBOÐ
Einstaklega mjúkir og þægilegir
dömuskór úr leðri, skinnfóðraðir.
TILBOÐSVERÐ: 3.500 kr.
Komdu og líttu á úrvalið
hjá okkur!
Sími 551 2070.
Elsku Steini
frændi/bróðir. Við
Nadía Líf kveðjum
þig með tárum og
sorg í hjarta en við vitum að þú
ert kominn á stað þar sem þján-
ing og sorgir hverfa og líkn tekur
við. Þú varst einstakur maður,
með einstaka nærveru og gafst
þeim sem stóðu þér næst ávallt
umhyggju og ómældan tíma. Að
kvöldi andláts þíns lét systir þín
og móðir mín mig vita að tíminn
væri kominn og á meðan ég
kveikti á kerti með tár á hvarmi
gekk litla Nadía Líf dóttir mín
fram og horfði á mig og um leið
hvíslaði hún: „Steini bróðir.“
Samband litlu dóttur minnar og
þín var einstakt en dóttir mín
hefur verið svo einstaklega lán-
söm að vera mikið í kringum
móðurömmu sína frá fæðingu og
varðst þú svo stór hluti af hennar
lífi í kringum ömmu hennar. Hún
kallaði þig Steina bróður frá því
hún lærði að tala og þótti fólki
Bergsteinn Ragnar
Magnússon
✝ BergsteinnRagnar Magn-
ússon fæddist 1.
mars 1941. Hann
lést 20. febrúar
2015. Útför Berg-
steins fór fram 5.
mars 2015.
alltaf gaman að því
hversu glöð hún
varð í hvert skipti
sem hún fékk að
heyra að þú værir
að koma til Íslands.
Þið áttuð ófá sam-
tölin á netspjallinu
og varðveitir hún
ávallt fallega bangs-
ann sinn, Skunk,
sem þú gafst henni í
einni ferðinni.
Elsku Steini frændi, við kveðj-
um þig með þakklæti og ást fyrir
þá gjöf að hafa fengið að þekkja
þig. Við vitum að amma Elín, afi
Maggi og Malla frænka breiða
faðminn á móti þér og hjálpa þér
að takast á við nýtt hlutverk á
himnum.
Við kveðjum þig með bæninni
sem Elín amma, móðir þín,
kenndi öllum barnabörnum sín-
um.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sigurður Jónsson)
Við sendum þínum allra nán-
ustu innilegar samúðarkveðjur
en um leið sendum við þeim birtu,
ást og hlýhug.
Lilja og Nadia Líf.