Húnavaka - 01.05.1995, Blaðsíða 205

HÚNAVAKA
203
Ragnheiður Jónsdóttir
frá Skagaströnd
Fœdd 20. febrúar 1907 - Dáin 13. október 1994
Ragnheiður Jónsdóttir fæddist að Gilsstöðum í Vatnsdal. Voru
foreldrar hennar hjónin, Jón Jónsson og Teitný Jóhannesdóttir,
sem voru húshjón á Gilsstöðum á þessum tíma. Ekki kom Ragn-
heiður ein í heiminn því Haraldur bróðir
hennar varð henni samferða. Auk þeirra
tvíburanna áttu Jón og Teitný saman
þrjár dætur. Þær voru; Álfheiður sem
fluttist til Vesturheims, Laufey sem síðar
bjó í Bakkakoti og Helga Sigríður sem
lést á barnsaldri.
Æskuár Ragnheiðar einkenndust nokk-
uð af tíðum búferlaflutningum foreldr-
anna en á þessum tíma var algengt að
efnalítið fólk hrektist víða um í leit að
jarðnæði og atvinnu. Um tíma var fjöl-
skyldan búsett í Kálfshamarsvík en síðar í
Skagastrandarkauptúni. I desember 1915
dóJón faðir Ragnheiðar úr krabbameini, tæplega fertugur að aldri.
Stóð þá Teitný ein uppi með börnin og aðstæður heldur óblíðar.
Kom það sér þá vel að hún var óvílin og lét ekki erfiðleikana buga
sig. Fóru mál svo, hvað Ragnheiði snerti, að hún var tekin í fóstur
af Sigurjóni Hallgrímssyni, hinum mætasta manni, sem reyndist
henni í alla staði vel. Var hann ættaður frá Meðalheimi á Asum og
bróðir Hallgríms bónda í Hvammi í Vatnsdal. Um þessar mundir
mun Sigurjón hafa verið ekkjumaður og bjó hann við ráðskonur
um skeið, voru þær sumar ekki nema í meðallagi geðgóðar og
snupruðu oft þá stuttu sem snemma vildi hafa nokkurt svigrúm til
sinna þarfa. Kom þá þegar í ljós vilji Ragnheiðar til að vera sjálf-
stæð og halda sitt strik þó aðrir vildu beygja braut hennar.
Ekki veit ég til fulls hvað dreif á daga hennar eftir að hún kom til
aldurs en árið 1929 tók hún saman við Björn Jóhannesson frá
Vatnsenda, hinn vaskasta mann. Giftust þau og áttu síðan samleið í
blíðu og stríðu í meira en 60 ár. Björn lést 5. nóvember 1993 og er
hans einnig minnst í þessu riti.