Húnavaka - 01.05.1997, Qupperneq 64

62
HÚNAVAKA
Vandræði með skrúfuöxulinn
Við vöknuðum eldsnemma daginn eftir og fórum beint niður í skip.
Fylgdumst við með er skipið var flutt í flotkvína og gekk allt vel. Þegar
það var komið á þurrt skoðuðum við vandlega botninn og leit hann
ágætlega út. Voru þarna einnig menn frá rússneska flokkunarfélaginu
og Det Norske Veritas en það er flokkunarfélagið sem skipið yrði í með-
an Skagstrendingur ætti það. Umboðsmaður þess þarna var Kóreumað-
ur, ágætis náungi og gott að eiga við hann.
Þegar við skoðuðum skrúfuna kom í ljós að heljarmikil kaðaldræsa var
margvafm um skrúfuöxulinn. Var kaðallinn kominn undir hlíf sem er
yfír skrúfuásþéttingunni. Var allt saman olíublautt og virtist því einhver
leki. Olli þetta, bæði okkur og Rússunum, miklum áhyggjum.
Rússarnir vissu að ef hreyft yrði við skrúfuásnum þá sætu þeir uppi
með kostnaðinn. Vildu þeir sem minnst gera úr þessu. A móti vildum við
endilega að Rússarnir borguðu brúsann en einnig alls ekki stoppa þarna
lengur en nauðsyn krefði. Upptaka á skrúfuásnum myndi kosta viku-
vinnu og það leist okkur illa á. Eftir að kaðaldræsan hafði verið fjarlægð
þá var ekki olíuleka að sjá. Endirinn á þessu máli var sá að báðir aðilar
tóku helming kostnaðar á sig og þóttust hafa sloppið vel. Að vísu tókum
við þarna áhættu því við hefðum verið í slæmum málum ef byrjað hefði
að leka eftir að farið var af stað. Aldrei bar þó á neinum leka alla leiðina
heim.
Mér datt alltaf í hug Fagin gamli í sögu Dickens
Aðaltalsmaður Rússanna var náungi sem virtist vera einhver tæknilegur
ráðunautur. Þessi maður var með afbrigðum leiðinlegur og fór verulega
í taugarnar á okkur. Mér datt alltaf í hug Fagin gamli í sögu Dickens, Oli-
ver Twist, þegar ég sá hann. Viðurkenni ég að við Einar gerðum í því að
stríða honum. Sérstaklega æstist hann ef hann hélt að hann þyrfti að
borga eitthvað.
Fór ég nú að huga að því sem ég var ráðinn til að gera en það var að
taka upp strokk, mæla síðan slit í honum og einnig strokkfóðringu. Eg
fór að tína til verkfæri en gekk illa að finna þau. Eitt stykkið vantaði sem
nauðsynlega þurfti til að losa stangarleguboltana. Varð ég þess vegna að
fara á stúfana og láta smíða það. Gat ég teiknað það upp og gert mig
skiljanlegan um hvernig það ætti að vera. Fór ég með einum Kóreu-
manninum upp á verkstæði til að smíða stykkið. Gafst mér þarna ágætis