Húnavaka - 01.05.1997, Page 70

68
HÚNAVAKA
Á þessari siglingu fórum við öðru hvoru fram hjá heljarstórum flot-
um af fiskiskipum.
Sjávarhitinn 24° C
Þann 21. desember skrái ég í véladagbókina að lofthiti sé 26° C og sjávar-
hiti 24 gráður og óþægilega heitt í skipinu. Fór ég að reyna að koma
kælivél loftræstingarinnar í gang en hún var eitthvað biluð. Endaði það
með því að ég reif alla vélina í sundur og kom í ljós að hún var úrbrædd
á einni stangarlegu. Gat ég skafið hana þannig til að hún varð nothæf
og setti svo allt saman. Vélin gekk allan þann tíma sem við þurftum á
henni að halda. Var þetta besta jólagjöfm sem menn gátu hugsað sér þar
sem alltaf hitnaði meir og meir í lofti
Við förum milli Taiwan og Filippseyja 22. desember, eftir svokölluðu
Luzon sundi og komurn frá okkur skilaboðum hvar við værum og
hvenær við yrðum í Singapore. Það getum við gert í gegnum stórt flutn-
ingaskip sem sendir skilaboðin áfram. Töluvert er um skipaumferð og
sjáum við skip allt að 280.000 tonnum. Sigurður segist þekkja hvert skip
og nefnir sum með nafni.
Heldur betur voru farnar að renna á okkur Islendingana tvær grímur
út af kokknum því þvílíkt óæti sem hún gat brasað úr annars ágætu hrá-
efni var með ólíkindum. Rússunum virtíst líka þetta vel og voru ágætlega
haldnir. Var alveg sama hvað hún eldaði, alltaf skyldi hún sjóða súpu úr
öllu saman og hana skyldum við borða meðan birgðir entust. Þá var eld-
uð ný súpa.
Aðfangadagskvöld
Menn fóru nú að huga að jólahaldi og fannst manni mjög einkennilegt að
vera svona útí á rúmsjó í allt öðrum heimshluta. Hiti úti á aðfangadag var
32°C en 25 gráður í sjó. Vildu Rússarnir endilega sjá um jólamatinn á að-
fangadag og samþykktum við það með blendnum huga með því skilyrði
að við sæjum um matínn á jóladag. Var þetta ákveðið og tókst nokkuð vel.
Valentína og Liliya útbjuggu einhvern þjóðarrétt Rússa sem smakkaðist
bærilega. Ymislegt annað var á boðstólum frá Rússlandi. Höfðu Rússam-
ir sett upp jólatré og hengt upp skraut þannig að nokkuð jólalegt var um
að litast. Allir fengu jólakort frá Vladimir og Liliyu og var skrifað á þau á
rússnesku og líka á íslensku, Liliya hafði beðið mig að þýða með milli-
göngu Vladimirs og á hans sérstöku ensku. Var athyglisvert að lesa jóla-
kveðjuna þar sem hún var frábrugðin okkar kveðjum hér á landi.