Húnavaka - 01.05.1997, Qupperneq 77

HÚNAVAKA
75
Valentína súperkokkur
Snemma þann 30. desember léttum við akkerum og siglum af stað eftir
Singapore sundi. Sama mikla skipaumferðin og hafði verið þegar við
komum. Töluvert er um litla fiskibáta sem koma illa fram á radar. Þurfti
því að vera vel á verði í brúnni.
Um kvöldið ákveðum við Siggi Bryn. að snúa á Valentínu súperkokk
og sjóða hangilærið um nóttina. Þóttumst við heldur góðir að losna
svona auðveldlega við nöldrið í henni. Við fórum vandlega eftir upp-
skriftinni á umbúðunum og þar stóð að kjötið ætti að kólna í soðinu.
Þessu fylgdum við út í ystu æsar en gerðum þau mistök að skilja potdnn
eftir á eldavélinni. Um morguninn bið ég Vladimir að segja Valentínu
súperkokk að hafa engar áhyggjur af matnum, við sjáum um hann og
það verði borðað klukkan sex.
Þennan dag er hiti á móti sól 38°C, í skugga 29 gráður og sjávarhiti sá
sami. Klukkan 15 erum við í Malacca sundi, milli Malasíu og Súmötru.
Rétt fyrir klukkan 18 kemur Vladimir til mín og segir að maturinn sé
tilbúinn og Valentína sé búin að sjóða kjödð okkar. „Sjóða kjödð“, hrópa
ég og æði inn í eldhús. Hafði þá Valentína súperkokkur soðið hangikjöt-
ið í annað sinn á fullum straum í tvo tíma. Var því lítið varið í kjödð. En
Valentína súperkokkur fékk ágætis sýnishorn af íslenskum blótsyrðum
frá mér. Gamlárskvöld leið tíðindalítið utan þess að Björn stýrimaður
taldi sig verða varan við dularfullar ferðir báta sem nálguðust okkur aftan
frá. Sneru þeir frá er hann hafði kveikt öll ljós á dekkinu. Aldrei
komumst við að því hvort þetta voru sjóræningjar eða einhverjir aðrir.
Mönnum leið nú miklu betur þar sem hægt var að senda og taka á
móti skeytum í gegnum Standard C tækið. Kom það í minn hlut að sjá
um það.
Þessa dagana var ég nokkuð áhyggjufullur þar sem olíuþrýstingur fyr-
ir kúplingu skrúfuássins hafði fallið nokkuð og var kominn niður undir
aðvörunarmörk. Sendi ég skeyti í land út af þessu og var sagt að hafa
ekki áhyggjur meðan olíuþrýsdngurinn félli ekki meira sem hann ekki
gerði. Astæðan var slit og einnig hinn mikli hiti sem var þarna.
Stórbaugssigling og 50°C
Siglum við nú þvert yfir Bengalflóa og alltaf virðist hitna. Fjórða janúar
förum við framhjá Sri Lanka í 20 mílna fjarlægð og siglum út á Indlands-
haf. Sigld er svokölluð stórbaugsigling en með því vinnst töluverð vega-