Húnavaka - 01.05.1997, Page 86

84
HÚNAVAKA
Seinna um daginn komu svo fímm menn frá Skagstrendingi og einnig
Guðbjörg konan mín með þeim. Var hún þarna hjá mér í tvær vikur.
Næstu dagar fóru í vinnu við að fastsetja allt sem gera þurfti við skipið.
Var gerður samningur við skipasmíðastöð sem þarna var og hét hún Rod-
man Polyship og tel ég að við höfum verið mjög heppnir að lenda hjá
þeim. Stærstu verkefnin voru að brenna í burtu íbúðirnar sem Rússarn-
ir höfðu látið smíða og áður er lýst. Setja skyldi nýjar grandaravindur,
sandblása skipið utan og mála. Eldhúsið hennar Valentínu var allt rifíð
og útbúið nýtt og var lítil eftirsjá í því gamla. Einnig átti að lagfæra ótal
önnur atriði.
Valentína hafði verið send til síns heima með fyrstu ferð og ef ég á að
vera hreinskilinn þá sá ég ekkert eftir henni. Akveðið var að nýta vinnu-
kraft Rússanna áfram og einnig var ákveðið að Vladimir yrði allan tímann
með okkur á Spáni og sigldi svo með okkur til Islands.
Skagstrendingsmenn fóru svo eftir fímm daga og Siggi Bryn. og Björn
með þeim. Var ég því einn efdr af Islendingunum með fjórum Rússum
og Spánverjunum og átti að hafa eftirlit með þessu verki. Eftir um mán-
uð kom svo hluti áhafnarinnar sem verða átti á skipinu og þar á meðal
skipstjórinn. Voru þá tveir rússnesku vélstjóranna sendir heim til sín.
Á tilsettum tíma luku Spánverjarnir verkinu og voru menn sérstaklega
ánægðir með það þar sem að sjálfsögðu lá á að koma skipinu heim og á
veiðar.
Ljúffengir krabbar
Um veru mína þarna á Spáni gæti ég skrifað margar blaðsíður því þetta
var sérlega ánægjulegur tími þó vinnan væri mikil. Læt ég því nægja að
sdkla á stóru.
Vigo er nálægt landamærum Portúgals og skruppum við þangað einn
sunnudaginn eftir að félagar mínir voru komnir. Þarna kynndst ég
nokkrum Spánverjum allvel og átti ánægjuleg samskipd við þá. Var mjög
gott að eiga við þá og þeim sérlega umhugað að leysa þetta verkefni vel af
hendi.
Spánski maturinn þótti mér sérlega góður og þá sérstaklega fiskurinn
en hann át ég fyrsta hálfan mánuðinn þar sem ég hafði ekki lyst á kjöti