Húnavaka - 01.05.1997, Side 167

HÚNAVAKA
165
þennan bústofn. Eftir að hún varð ein með dæturnar tókst henni með
nægjusemi, útsjónarsemi og dugnaði að framfleyta sér og börnunum á
búskapnum auk þess sem hún hafði um skeið löndunarmenn í fæði þeg-
ar togarar fóru að landa á Skagaströnd á sjöunda áratugnum. Vann hún
ein að búi sínu með börnunum og vinnudagurinn því oft langur hjá
henni. Hún lagði sig alla fram í starfi sínu og ljómaði yfir vel höldnum
skepnum og góðum heyjum. Er óhætt að segja að þessi hægláta kona,
sem bæði var fíngerð og smávaxin, hafi sýnt sérstakan dugnað í lífsbarátt-
unni. Sunnuhlíð var heimili hennar til haustsins 1992 að hún fluttist á
Dvalarheimilið Sæborgu.
Adda í Sunnuhlíð, en það var Arný jafnan kölluð af samferðafólkinu,
var ekki mannblendin og fór því lítið út á meðal fólks. En þeim mun bet-
ur hlúði hún að heimili sínu og búi. Það var hennar líf og yndi. Hún var
ekki fljót að kynnast fólki en var traust vinum sínum og óskipt í því sem
hún tók sér fyrir hendur. Dætur hennar voru hennar dýrustu perlur og
velferð þeirra skipti hana öllu máli. Auk þeirra dvaldi á hverju sumri hjá
henni Helga Karlsdóttir, dóttir Onnu uppeldissystur hennar úr Hallár-
dalnum og má segja að Helga hafi verið henni sem þriðja dóttirin. Hún
tengdist barnabörnum sínum einstaklega nánum böndum enda ekkert
málefni barnsins of lítilvægt í hennar augum. Illt umtal um aðra náði
ekki til hennar og hún mátti ekki sjálf vamm sitt vita í neinu. Viðmót Ar-
nýjar og framganga í lífinu einkenndist af látleysi, hlýju, öryggi og óbil-
andi trausti.
Utför hennar var gerð frá Hólaneskirkju 18. maí.
Sr. Egill Hallgrímsson.
Séra Pétur Þ. Ingjaldsson,
Skagaströnd
Fæddur 28. janúar 1911 - Dáinn 1. júní 1996
Pétur Þórður Ingjaldsson fæddist á Rauðará við Reykjavík. Foreldrar hans
voru hjónin, Guðrún Pétursdóttir og Ingjaldur Þórðarson, búfræðingur
frá Hvanneyri og verkamaður í Reykjavík. Rauðará var þá bújörð og
bjuggu foreldrar hans þar í litlu húsi skammt frá bæ bóndans. Þau voru
fátæk og fluttu milli hverfa í Reykjavík. Ólst Pétur upp hjá foreldrum sín-
um og var eina barn þeirra.
Þegar í barnæsku þótti Pétur bera það með sér að hann hefði rnikla
mannkosti að geyma. Hann gekk inn í Menntaskólann í Reykjavík árið