Húnavaka - 01.05.1997, Qupperneq 179

HÚNAVAKA
177
hreppsfélagsins og var í hreppsnefnd Höföahrepps sem oddviti í eitt kjör-
tímabil. Hann átti sæti í stjórn Verkalýðsfélags Skagastrandar um árabil
og gegndi fjölmörgum trúnaðarstörfum fyrir það félag. Hann tók þátt í
stofnun Sparisjóðs Skagastrandar og sat í stjórn sjóðsins. Einnig tók hann
þátt í að stofna Rækjuvinnsluna hf. og sat í fyrstu stjórn þess fyrirtækis.
Meðal helstu áhugamála Bernódusar var leiklistin enda hafði hann
mikla hæfileika á því sviði. Hann var lengi einn aðalforgöngumaður um
leiklist á Skagaströnd og beitti sér fyrir stofnun Leikfélags Skagastrandar.
Hann fór á námskeið í leiklist, setti upp verk og leikstýrði þeim, auk þess
sem hann lék sjálfur. Hann hafði einstakan frásagnarhæfileika og átti
auðvelt með að sjá og túlka spaugilegar hliðar mannlífsins. Hann var
næmur á sérkenni manna og gat dregið þau listilega fram en svo sönn og
fáguð var kímnigáfa hans að hún var laus við að vera særandi á nokkurn
hátt. Samofmn leiklistaráhuga Bernódusar var mikill áhugi á bókmennt-
um. Hann gjörþekkti Islendingasögurnar og las oft upphátt úr þeim fyr-
ir börn sín enda mikill upplesari.
Bernódus var náttúruunnandi sem hafði unun af útiveru. Hann var
áhugasamur veiðimaður hvort sem um var að ræða skotveiði eða að
draga flsk úr á eða sjó en var andvígur því að menn veiddu nema þeir
ætluðu að nýta það sem veitt var. Þessi virðing hans og nærgætni gagn-
vart náttúrunni, hinu lifandi umhverfi, kom fram á ótal vegu, til dæmis í
umgengni hans við öll dýr.
Bernódus var hlýr í viðmóti og glaðsinna. Jákvæð viðhorf til manna og
málefna einkenndu hann. Glaðværð hans og kímni voru sönn vegna þess
að þau voru samtvinnuð alvöru og hlýju í garð annars fólks. Hann var
mannvinur sem átti auðvelt með að umgangast alla menn. Hann var vin-
sæll maður og vinamargur því menn sóttu eftir félagsskap hans.
Utför Bernódusar fór fram frá Hólaneskirkju 28. september.
Sr. Egill Hallgrímsson.
Sigríður Lárusdóttir
frá Blönduósi
Fœdd 17. júlí 1908 - Dáin 6. október 1996
Sigríður var fædd að Grund á Blönduósi, dóttir hjónanna, Guðrúnar 111-
ugadóttur og Lárusar Gíslasonar. Hjónin á Grund eignuðust fjögur börn
og var Sigríður yngst systkinanna. Hún ólst upp í foreldrahúsum á
Blönduósi við hefðbundin störf og skólagöngu þess tíma. Hún veiktist
tólf ára gömul af lömunarveiki en náði smám saman allgóðri heilsu á ný.