Húnavaka - 01.05.1997, Síða 183

HUNAVAKA
181
Þann 23. febrúar 1936 gekk hún að eiga Ásgeir Kristjánsson Blöndal
frá Gilsstöðum í Vatnsdal. Fyrstu búskaparárin bjuggu þau í Reykjavík
þar sem maður hennar stundaði bifreiðaakstur.
Um 1940 flytjast þau búferlum til Blöndu-
óss. Var Asgeir flutningabílstjóri m.a. hjá
Kaupfélagi Húnvetninga um nokkurt skeið.
Einnig kenndi hann á bifreið á þessum árum.
Árið 1944 fluttu þau að Blöndubakka og
bjuggu þar til ársins 1967 er þau flytja aftur til
Blönduóss. Þau eignuðust flmm börn og eru
þrjú þeirra á lífi en þau eru: Kristján, múrara-
meistari á Blönduósi. Hann var kvæntur
Svövu Leifsdóttur en er látinn fyrir mörgum
árum. Guðrún Birna, búsett á Breiðavaði en
hún var gift Frímanni Hilmarssyni. Jósefína
Elín, búsett á Blönduósi en maður hennar var
Olafur Þórðarson. Þorvaldur en hann lést í
barnæsku og Jóhanna Rósa, búsett á Blöndubakka en maður hennar var
Sigurður Sigurðsson. Mann sinn missti Steinunn árið 1968.
Eftir það dvaldi hún nokkur ár hjá dóttur sinni og tengdasyni á
Blöndubakka þar til hún flutti til Reykjavíkur árið 1976 og bjó þar til hún
flytur aftur norður og dvaldi eftir það lengst af hjá dótturdóttur sinni,
Ásgerði.
Á liðnu vori fór hún á Héraðssjúkrahúsið á Blönduósi og lést þar 88
ára að aldri.
Með Steinunni Guðmundsdóttur Blöndal er genginn fulltrúi eldri
kynslóðarinnar er hertur var í deiglu harðfenginnar og mikillar vinnu.
Eins og áður er sagt vann hún að fiskiþvotti í byrjun togaraaldar í
Reykjavík. Var líf þessara þvottakvenna mjög erfitt og kalsamt þar sem
þær stóðu úti við vinnu sína fyrir lág laun.
Er þessi þáttur í atvinnusögu okkar Islendinga einn sá átakanlegasti
fyrir margra hluta sakir, einkum harðneskjulegra aðstæðna er konurnar
urðu að sæta.
Eftir að Steinunn hóf búskap reyndist hún mikil og dugleg búkona er
ól börn sín upp við vinnusemi og ráðdeild. Ræktunarkona var hún mik-
il og ræktaði m.a. grænmeti til heimilis síns.
Hún var lesin og fróð um marga hluti, ljóðelsk og söngelsk.
Steinunn Blöndal þekkti vel annir jarðlífs og mótdrægni. Það var
hennar hlutskipti öðrum þræði, eins og svo margra landsins barna. En
þrá bjó henni í brjósti að leita birtu er sigrað gæti myrkur vonbrigða og
gert hugann heiðan á erfiðum stundum. Þess vegna gafst henni kærleiki
og fegurð þótt sorgin hefði um garð hennar gengið. Og þess vegna var