Húnavaka - 01.05.1997, Page 229

HUNAVAKA
227
Karl Einarsson til starfa úr sínu
veikindaleyfi þann 1. apríl.
Á skólaárinu 1995-1996 höföu
kennarar fjögurra skóla, Húnavalla-
skóla, Laugarbakkaskóla, Varma-
hlíðarskóla og Varmalandsskóla,
haft samvinnu um nýjung í skóla-
starfi sem gekk undir vinnuheitinu:
Sérstaða sveitaskóla. Unnið var að
því að skipuleggja skólastarf í sveita-
skólum með tilliti til þeirra að-
stæðna sem sköpuðust við lengingu
skólahalds til 31. maí. Til þessa
verkefnis fékkst styrkur úr Þróunar-
sjóði KI. Að afloknum vorprófum
var tilraunaverkefnið sett í gang. Er
skemmst frá að segja að starf þetta
tókst með eindæmum vel og nutu
þess allir er að komu. Niðurstaðan
var og sú að halda áfram á þessari
braut og þróa starfið enn frekar.
Skólanum var slitið 31. maí.
Allmiklar framkvæmdir voru við
skólann vorið 1996. Viðgerðir á
veggjum og gluggum, eins konar
andlitslyfting, sem framkvæmdar
voru á hluta skólans þóttu takast
afar vel.
Miklar hræringar voru í skóla-
málum Islendinga á árinu og ber
þar að sjálfsögðu hæst tilfærslu á
rekstri grunnskólans frá ríki til
sveitarfélaga. Það er almennt mál
manna að þessi flutningur hafi tek-
ist mjög vel en svo lítil reynsla er
komin af breytingunni að erfitt er
að draga ályktanir í þá átt hvort
starf skólans er betra eða verra.
Það er þó von allra að með því að
færa skólann nær „neytandanum“
eigi að ganga betur að koma mark-
miðum hans í framkvæmd.
Kennarar mættu til starfa að af-
loknu sumarleyfi fimmtudaginn
29. ágúst. Nokkrir þeirra höfðu
sótt námskeið á vegum Kennarahá-
skóla Islands, allir þeir sem komust
að. Það er að verða áberandi vandi
að kennarar komast ekki að á end-
urmenntunarnámskeiðum vegna
takmarkana á fjölda þátttakenda.
Skólinn var settur að nýju mánu-
daginn 2. september. Nemendur
voru skráðir 85 og kennarar 11 í
rúmlega níu stöðugildum. Hjörtur
Karl Einarsson hafði tilkynnt að
hann mundi ekki mæta til starfa
en leita réttar síns fyrir dómstólum
vegna niðurlagningar á stöðu hans
við tilfærsluna frá ríki til sveitarfé-
laga. Við stöðu hans tók Magnús
Hreinsson. Þá kom Friðgeir Jónas-
son kennari til starfa en hann lauk
námi á síðasta vetri. Inga Þórunn
Halldórsdóttir hafði sótt um eins
árs leyfi frá störfum sem henni var
veitt og sömuleiðis var framlengt
um eitt ár leyfi Guðrúnar Bjarna-
dóttur. Líney Árnadóttir aðstoðaði
skólastjóra og var sett í embætti að-
stoðarskólastjóra í janúar 1997.
Skólastarf fram til áramóta var
hefðbundið sem og félagsstarf.
Vert er þó að geta þess að nem-
endur 8.-10. bekkjar fóru í leikhús-
ferð til Reykjavíkur og einnig í
óvissuferð þar sem enginn vissi
hvert farið yrði. I þeirri ferð var
gist í leitarmannaskálanum Áfanga
á Auðkúluheiði. Þóttí vel til takast í
báðum tilfellum. Jólaleyfi var gefið
þann 20. desember.
Arnar Einarsson.