Fréttablaðið - 16.07.2015, Qupperneq 40

16. júlí 2015 FIMMTUDAGUR| MENNING | 28
FIMMTUDAGUR
„Það er mikil tilhlökkun innan
sveitarinnar. Ég mun útskýra öll
lögin mjög vel þar sem að þetta
eru jú útgáfutónleikar,“ segir
Ingi Bjarni Skúlason, píanóleik-
ari hljómsveitarinnar Skarkala.
Sveitin hefur gefið út sína
fyrstu plötu og heitir hún ein-
faldlega Skarkali og verður
útgáfunni fagnað með tónleik-
um í Hannesarholti í Reykjavík.
Auk Inga Bjarna skipa sveit-
ina bassaleikarinn Valdimar
Olgeirsson og trommuleikarinn
Óskar Kjartansson. Hljómsveit-
in var stofnuð árið 2013. Áður
hafa liðsmenn spilað saman í
mörgum hópum við hin ýmsu til-
efni eftir að hafa kynnst í Tón-
listarskóla FÍH.
„Platan var tekin upp á tveim-
ur dögum í Amsterdam, þetta
gekk nokkuð vel. Auðvitað er
maður stundum ekki með sjálf-
um sér í hljóðverinu en þetta
hljómar mjög vel og við erum
mjög sáttir við plötuna,“ segir
Ingi Bjarni spurður út í plötuna.
Á disknum eru níu frumsamin
lög í fjölbreyttum djass-útsetn-
ingum.
Upptökur fóru fram í Amster-
dam í febrúar síðastliðnum
þar sem tveir meðlima tríósins
stunda tónlistarnám í Hollandi.
Skarkali hefur tvisvar komið
fram á Jazzhátíð Reykjavíkur
auk þess sem tríóið tók þátt fyrir
Íslands hönd í Young Nordic Jazz
Comets árið 2013 í Noregi. Sum-
arið 2014 ferðaðist tríóið til Fær-
eyja og hélt þar fjóra tónleika
sem voru hluti af tónleikaröðinni
Summartónar.
Útgáfa nýju plötunnar er
styrkt af Hljóðritasjóði STEF,
Menningarsjóði F.Í.H og Tón-
skáldasjóði Rásar 2.
Tónleikarnir í kvöld hefjast
klukkan 20.30 og að þeim lokn-
um gefst tónleikagestum kostur
á að kaupa plötuna á sérstöku
tónleikaverði. Skarkali kemur
fram á fleiri tónleikum í sumar
og verður til að mynda á Ísafirði
næsta þriðjudag. - glp
Ætla að útskýra öll lögin mjög vel
Hljómsveitin Skarkali fagnar útgáfu frumburðarins í kvöld í Hannesarholti.
TÖFF TRÍÓ Hljómsveitin Skarkali kemur fram á tónleikum í Hannesarholti í kvöld. MYND/AÐSEND
Platan var tekin
upp á tveimur dögum í
Amsterdam, þetta gekk
nokkuð vel. Auðvitað er
maður stundum ekki
með sjálfum sér í hljóð-
verinu en þetta hljómar
mjög vel og við erum
mjög sáttir við plötuna.
HVAÐ?
HVENÆR?
HVAR?
Gjörningar
16.00 Vængjasláttur, lokahátíð Listhópa og
Götuleikhúss Hins hússins fer fram í dag
á göngugötunni á Laugavegi frá klukkan
16.00 til 18.00. Allir velkomnir.
16.00 Sirkus Íslands verður á Húnavöku á
Blönduósi sem hefst í dag, og stendur alla
helgina. Verða þrjár sýningar í boði en um
ræðir fjölskyldusýninguna Heima er best,
krakkasýninguna S.I.R.K.U.S. og fullorðins-
kabarettinn Skinnsemi. Miðaverð 3.500 krón-
ur. Hvar: Sirkustjaldinu Jöklu á Blönduósi.
Leiklist
14.00 Söguleg gamansýning, Let’s Talk
Arctic. Farið yfir sögu Íslands með gaman-
semina að vopni. Hvar: Menningarsetrið
Hof, Akureyri. Aðgangseyrir 2.900 krónur.
Opnanir
12.00 Annar hluti er sýning á svarthvítum
ljósmyndum Dags Gunnarssonar, Á förnum
vegi, verður opnuð í dag. Hvar: Grófarhús-
inu Tryggvagötu.
Sýningar
17.00 Soffía Sæmundsdóttir og Heike
Liss opna sýninguna Wish you were here.
Sýningin er örsýning og póstkorta prójekt
málarans Soffíu Sæmundsdóttur og fjöl-
tæknilistakonunnar Heike Liss sem kynnt-
ust á námsárum sínum í Kaliforníu. Hvar:
Grafíksalnum Hafnarhúsinu, Tryggvagötu
17, hafnarmegin.
Uppákomur
17.30 Júníus Meyvant ætlar að spila fyrir
gesti og gangandi í 12 Tónum við Skóla-
vörðustíg í dag. Allir hjartanlega velkomnir.
21.30 Ljóðakvöld verður haldið á Gaukn-
um í kvöld. Allir velkomnir.
Uppistand
22.00 Tilraunauppistand á Rokkbarnum
í Hafnarfirði í kvöld. Hér fá óreyndir að
prófa sig áfram og reynsluboltar geta
prófað nýtt efni. Aðgangur ókeypis.
Tónlist
12.00 Guðný Einarsdóttir heldur orgel-
tónleika í Hallgrímskirkju, en tónleikarnir
eru hluti af Alþjóðlegu orgelsumri í Hall-
grímskirkju 2015. Á efnisskrá tónleikanna
eru Magnificat eftir Matthias Weckmann,
Prélude, fugue et variation eftir César
Franck og Tokkata eftir Jón Nordal. Miða-
verð 2.000 krónur. Hvar: Hallgrímskirkju.
19.30 Í kvöld leiðir Elfa Rún Kristinsdóttir
Barokkbandið Brák á sínum fyrstu tón-
leikum. Frumflutt verður nýtt verk eftir
staðartónskáld Sumartónleika í Skálholti,
Finn Karlsson, leikin verða kammer- og
hljómsveitarverk eftir Rameau, de la
Guerre og Muffat ásamt splunkunýjum
útsetningum Gregoire Simon á Les Dom-
inos eftir Couperin. Hvar:Skálholti.
20.00 DJ Lazybones mun skemmta
gestum Boston í kvöld. Aðgangur ókeypis.
20.00 Anna Jónsdóttir sópran mun í dag
halda áttundu tónleikana í tónleikaröðinni
„Uppi og niðri og þar í miðju“ í Stefáns-
helli í Borgarfirði í kvöld. Aðgangur er
ókeypis en frjáls framlög vel þegin.
20.00 Arnljótur leikur fyrir gesti og gang-
andi á Hlemm Square í kvöld. Aðgangur
ókeypis.
20.30 Útgáfutónleikar Skarkala tríós verða
haldnir í kvöld, og því spilað efni af nýju
plötunni. Hvar: Hannesarholt, Grundar-
stíg 10.
21.00 DJ Introbeats þeytir skífum á Prik-
inu í kvöld. Aðgangur ókeypis.
22.00 Magnús R. Einarsson, Karl Pétur
Smith og Tómas Magnús Tómasson halda
tónleika á Ob-La-Dí-ObLa-Da, Frakkastíg 8.
Aðgangur ókeypis.
Leiðsögn
20.00 Helgi Máni Sigurðsson sagnfræð-
ingur mun í kvöld leiða áhugaverða göngu
í Öskjuhlíð þar sem sagt verður frá ýmsum
minjum sem þar er að finna. Skoðaðar
stríðsminjar frá 1939-1945. Lagt verður
af stað frá inngangi í Perluna og gangan
hentar öllum. Aðgangur ókeypis.
Listamannaspjall
16.00 Listamannaspjall með mynd-
listarkonunni Ástu Óladóttur. Mun hún
sýna gvassmyndir, og að sjálfsögðu verður
Gallerí Gestur (Ferðagallerí í tösku) einnig
á staðnum. Hvar: Iðnó.
Samkoma
20.00 Spilakvöld hjá Spilavinum. Spiluð
verða alls konar borðspil og fullorðnir,
og börn eldri en tólf ára í fylgd með full-
orðnum eru velkomin. Hvar: Spilavinir,
Bláu húsunum við Faxafen.
Upplýsingar um viðburði sendist á hvar@
frettabladid.is og einnig er hægt að skrá þá
inni á visir.is.
SIRKUS ÍSLANDS
Á FÖRNUM VEGI
0
3
-1
2
-2
0
1
5
2
3
:0
0
F
B
0
5
6
s
_
P
0
4
0
K
.p
1
.p
d
f
F
B
0
5
6
s
_
P
0
2
9
K
.p
1
.p
d
f
F
B
0
5
6
s
_
P
0
1
7
K
.p
1
.p
d
f
F
B
0
5
6
s
_
P
0
2
8
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
7
5
5
-5
1
A
C
1
7
5
5
-5
0
7
0
1
7
5
5
-4
F
3
4
1
7
5
5
-4
D
F
8
2
8
0
X
4
0
0
4
A

F
B
0
5
6
s
_
1
5
_
7
_
2
0
1
5
C
M
Y
K