Morgunblaðið - 25.06.2015, Page 16

16 FRÉTTIRErlent
MORGUNBLAÐIÐ FIMMTUDAGUR 25. JÚNÍ 2015
YOUR TIME IS NOW.
MAKE A STATEMENT WITH EVERY SECOND.
Pontos Day/Date
Sígild en engu að síður nútímaleg
hönnun sem sýnir það allra nauðsynlegasta.
Áreiðanlegt sjálfvindu úrverk sem sýnir
vikudaga og dagsetningu. Einfalt
og stílhreint úr sem sendir skýr skilaboð.
jonogoskar.is Sími 5524910 Laugavegi 6 1 Kringlan Smáralind
Meðal almennings í Bandaríkjunum
er vaxandi þrýstingur á opinbera að-
ila og einkafyrirtæki um að þau leggi
niður notkun fána sem flestir tengja
við gömlu suðurríkin. Í huga margra
er fáninn tákn þrælahalds og kyn-
þáttahaturs en í huga annarra er
fáninn aðeins vottur um arfleifð og
sögu íbúa í þeim ríkjum sem saman
mynduðu suðurríkin.
Fjöldamorð ungs manns á þel-
dökkum kirkjugestum í borginni
Charleston í Suður-Karólínu í síð-
ustu viku varð til þess að umræða
um fánann spratt upp af miklum
krafti, en hann hafði tekið margar
myndir af sér með fánann. Þing-
menn Suður-Karólínu hafa kallað
eftir því að fáninn verði fjarlægður
af byggingu ríkisþingins. Þá hafa að-
gerðir verið skipulagðar í fjórum
öðrum ríkjum, Texas, Mississippi,
Virginíu og Tennessee, þar sem
stjórnvöld eru hvött til að hætta
notkun fánans.
Fyrirtæki hafa þegar brugðist við
og hætt sölu á vörum sem merktar
eru fánanum, þar á meðal Walmart,
Sears, eBay og Amazon. Þá hyggjast
þingmenn Mississippi fjarlægja fán-
ann úr ríkisfánanum, þar sem hann
er áberandi í hægra horni hans.
Segja gamla fánann
tákna kynþáttahatur
AFP
Flaggað Fáninn blaktir enn í dag við hún margra opinberra bygginga.
Skúli Halldórsson
sh@mbl.is
Stjórnvöld í Hollandi ræða nú við
bandamenn sína um að koma á al-
þjóðlegum dómstól til að sækja þá
til saka sem skutu niður farþega-
þotu Malaysia Airlines yfir Úkraínu
á síðasta ári.
Litlir möguleikar eru taldir vera
á sakfellingu en stjórnvöld vonast
þó til að stofnun sérstaks dómstóls,
með stuðningi bandamanna á Vest-
urlöndum, verði til að þrýsta á
Rússa um að sýna samvinnu í verki.
Næstum ár er liðið síðan flugvélin
var skotin niður og er ríkisstjórn
Hollands því undir miklum þrýst-
ingi frá borgurum sínum, sem telja
Rússa bera ábyrgð á atvikinu.
Vænleg lausn fyrir flókið mál
Heimildarmenn breska dagblaðs-
ins The Guardian, sem vildu ekki
láta nafns síns getið, segja að frá
pólitísku og lagalegu sjónarhorni sé
málið gríðarlega flókið. Af því leiði
að alþjóðlegur dómstóll sé vænleg-
asta lausnin. „Það er besti kost-
urinn. Við vonum að með því fáum
við sem mesta samvinnu frá öllum
löndunum sem að málinu koma,“
hefur blaðið eftir heimildarmönnum
sínum.
Úkraínsk réttarhöld vonlaus
Vonlaust þykir að stofna til
réttarhalda í Úkraínu, þar sem upp-
reisnarmenn eru ólíklegir til að
mæta til þeirra. Og þótt hollensk
lög hafi alþjóðlega lögsögu vegna
stríðsglæpa er árás á farþegaþotu í
borgarastríði, mögulega fyrir slysni,
ekki talin falla vel undir lögin.
Rússar halda því enn fram að
þotan hafi verið skotin niður af
úkraínskri herþotu.
Árásin á MH17
gæti farið fyrir
alþjóðadómstól
 Hollendingar krefjast réttarhalda
AFP
Flugvöllur Þotan var skotin niður
yfir átakasvæði í Austur-Úkraínu.
17. júlí 2014
» Af 298 farþegum malasísku
þotunnar, sem er einnig þekkt
sem flugleið MH17, voru 193
Hollendingar.
» Vélin var á leið frá Amster-
dam í Hollandi til Kúala Lúmp-
úr í Malasíu.
» Flug var bannað í allt að 32
þúsund feta hæð yfir svæðinu
vegna átakanna í Úkraínu, en
vélin var í 33 þúsund fetum.
Breska ríkisstjórnin hefur gefið út
frekari upplýsingar um sérstakan
starfshóp sem ætlað er að taka á
þeim sem smygla fólki frá Afríku yfir
Miðjarðarhafið til Evrópu.
Í teyminu verða 90 manns, þeirra
á meðal fulltrúar frá landamæra-
gæslu Bretlands, innflytjendaeftir-
litinu og embætti ríkissaksóknara í
Englandi og Wales.
Verkefni hópsins verður að leita
uppi og rjúfa keðju aðgerða sem
smyglarar farandfólks notast við til
að koma fólkinu til Evrópu.
Búist er við að hópurinn muni
starfa með ríkjum bæði í Horni Afr-
íku og meðfram leiðum smyglaranna
til að styrkja þau í baráttunni við
vandann. Talsmaður forsætisráðu-
neytisins segir í samtali við The
Guardian að teymið muni nýta öll
tækifæri til að koma í veg fyrir ólög-
legt smygl á fólki.
„Við þurfum að gera meira til að
brjóta hlekki í þessari keðju, sem
hefst á því að fólk stígur upp í bát í
Afríku og endar á búsetu í Evrópu.
Annars heldur þessi mikli fjöldi bara
áfram að koma.“
Skammt er síðan fregnir bárust af
því að núverandi útvörður Breta á
Miðjarðarhafi, skipið HMS Bulwark
sem bjargað hefur þremur þúsund-
um farandfólks úr sjávarháska, sé á
leið heim aftur. Í stað þess mun
koma skipið HMS Enterprise, sem
er mun smærra og verður því ekki
ætlað að bjarga fólki.
Skipið á hins vegar að gegna hern-
aðarlegu hlutverki og áhöfn þess á
að bera kennsl á smyglbáta, taka þá
haldi og eyðileggja þá. Verður skipið
eitt af átta í sérstökum flota ESB
sem beint verður gegn smyglurum á
Miðjarðarhafinu. sh@mbl.is
AFP
HMS Bulwark Skipið hefur komið þrjú þúsund farandmönnum til bjargar en er nú á leið heim aftur til Bretlands.
Vilja rjúfa keðjuna
 Ríkisstjórn Breta kynnir starfshóp gegn smygli á fólki