Húnavaka - 01.05.2001, Qupperneq 45

H UNAVAKA
43
Birgitta H. Halldórsdóttir, Syhi-Löngumýri:
Ný öld hefur gengið í garð. Við fögnum um leið og við þökkum þeirri
gömlu fyrir þá reynslu og lærdóm sem hún veitti okkur. í mínum huga
eru það einstök forréttindi að lifa svo merk tímamót og það á besta aldri.
Margir hafa ntiklar væntingar til nýrrar aldar og svo er einnig um mig. A
tímamótum sem þessum er einnig gaman að líta
til baka og minnast þess sem gamla öldin færði
okkur.
Hér í Húnavatnssýslu hafa orðið miklar og
merkar breytingar á liðinni öld. Það sem mér
fínnst eftirminnilegast úr bernsku minni var er
rafmagnið kom. Það er undarlegt til þess að
hugsa að kona sem rétt losar fertugt skuli muna
eftir sólóvél til upphitunar og olíulömpum sem
lýstu upp húsakynnin. Það er skemmtilegt en þó
um leið óraunverulegt er maður hugsar til tækn-
innar sem við njótum í dag.
Kynslóð foreldra minna hefur eflaust upplifað mestu breytingatímana
en við börnin þeirra höfum notið góðs af fræðslu hins liðna tíma frá
þeim og svo öfum okkar og ömmum. Það hafa orðið miklar breytingar í
búskaparháttum og það er vel. Hin neikvæðasta breyting nútímans finnst
mér þó vera að fjölskyldur hafa breyst. í rninni bernsku ólst ég upp með
ömmu minni og öfúm en í dag er meira um að eldra fólkið sé sér og ég
tel að börn missi af miklu við að hafa ekki þann aðgang að öfum og
ömmum sem við höfðum. Sem betur fer er ég sjálf svo heppin að börnin
mín hafa kynnst eldra fólki og tel ég það mikið lán fyrir þau. Þekking
fortíðarinnar og reynsla er afar dýrmæt og hinir öldnu geta frætt börnin
um svo margt sem þau annars misstu af.
I huga mínum er Blöndudalurinn einn fegursti staður hér um slóðir.
Eflaust er það vegna þess að hér er ég alin upp og sveitin mín er mér
afar kær enda mannlíf gott og vinátta ríkjandi. A fallegum sumardögum
finnst mér sjónarhornið frá Tungunesmúlanum afar fallegt og gaman að
horfa fram dalinn minn frá þeim stað. En þótt ég nefni þetta útsýni vil ég
taka fram að í Húnavatnssýslu eru margir mjög fagrir staðir og erfitt að
gera upp á milli þeirra.
Markverðasta breyting hér í Blöndudal var tilkoma Blönduvirkjunar.
Með henni fengum við breytt vegakerfi og í raun annan stað á kortinu.
Við komumst meira í alfaraleið og Blanda gamla skipti um svip. Hún er
ekki lengur þessi dyntótta jökulá sem ávallt sagði til um veðurbreydngar.