Húnavaka - 01.05.2002, Blaðsíða 147

HÚNAVAKA
145
„sölumaðurinn" er staddur. Internetið er mjög gagnlegt og til þess að
eiga viðskipti við Bandaríkjamenn er mjög mikilsvert að vera duglegur
að halda sambandi.
I Bandaríkjunum er mikill áhugi á hestum og þar eru mörg hrossa-
kyn. Árlega eru haldnar fjölmargar sýningar og koma nokkrir tugir þús-
unda áhorfenda á hverja þeirra. Islenski hesturinn hefur oft vakið mikla
athygli á slíkum sýningum, þó hann þyki fremur smár og ekki við hæfí
fullvaxinna karlmanna að ríða honum. En það breytist oft við nánari
kynni.
Það kostar mikið að flytja hesta héðan til Bandaríkjanna. Þeir þurfa
eins og öll dýr sem flutt eru þangað að vera í sóttkví. Kostnaðurinn við
sóttkvína er verulegur og leggst við háan flutningskostnað vestur. Síðan
getur verið um verulegan flutningskostnað að ræða innan Bandaríkj-
anna.
Vegna þess hve íslenski hesturinn er dýr þegar hann er kominn til
Bandaríkjanna er það eingöngu vel stætt fólk sem kaupir íslenska hesta
en margir þeirra eru líka tilbúnir að eyða miklu meira fé, t.d. í ferðalög
til Islands. Það er því mjög mikilvægt að vanda val Jaeirra hesta sem út
eru fluttir og selja þangað fyrst og fremst geðgóð, vel tamin hross með
gott tölt. Mín reynsla er sú að þeir hestar selja fleiri hesta en fari þangað
gallagripir eru það rnjög slæmt.
I Bandaríkjunum er algengast að hver hestur hafi sitt beisli, sinn
hnakk og sinn múl. Oftast fylgir því sala á íslenskum hnakk og beisli þeg-
ar hestur er keyptur. Segja má frá konu sem á þrjá íslenska hesta. Henni
fannst ófært að þurfa að ríða út ef veður var vont. Byggði hún því stóra
reiðskemmu og þarf því ekki lengur að vökna þegar hún fer á hestbak. A
góð\ iðrisdögum fer hún oft í langa reiðtúra enda liggja frá hennar heim-
ili margra mílna langar reiðgötur en slíkt er algengt víða um Bandaríkin.
Kennslan mikilvæg
Bandaríkjamenn hafa takmarkaða kunnáttu á að sitja ganghesta. Það er
því mikilvægt að kenna þeim og leiðbeina á allan hátt. Það er t.d. upplagt
að senda vel hestfæra unglinga til dvalar hjá bandarískum eigendum ís-
lenskra hesta og aðstoða þá og um leið læra krakkarnir enskuna betur.
Með slíkum samskiptum komast oft á góð kynni sem geta leitt til stórra
viðskipta síðar.
í Bandaríkjunum hafa fjölmargir reiðkennarar fulla atvinnu af því að
leiðbeina eigendum hinna ýmsu hestakynja hvernig þeir eigi að ríða
hestinum til þess að ná sem mestum árangri. Mikilvægt er að auka þékk-
ingu þessara reiðkennara á hæfileikum íslenska hestsins.