Húnavaka - 01.05.2002, Blaðsíða 153

H Ú N A V A K A
151
sumum tamningamönnum en hross frá öðrum eru alveg vonlaus vegna
rangrar tamningar,“ sagði Karen Brotzman sem býr nærri Washington
og hefur verið einn af stærstu innflytjendum á íslenskum hrossum til
Bandaríkjanna undanfarin ár. „Eg byrjaði á þessum innflutningi 1986 og
um tíma átti ég hesthús í Reykjavík og á Islandi á ég liross og hef stund-
að ræktun á hrossum þar. A Islandi er auðveldara að koma hryssunum
undir mjög góða stóðhesta því þar er úrvalið mun meira en hér. Nú á
ég 6 stóðhesta hér í Bandaríkjunum og þrír þeirra eru fyrstu verðlauna
hestar,“ sagði Karen.
Karen taldi að hross á Islandi væru tamin fyrir annan markað en þann
bandaríska. Hún sagðist hafa verið oft á Islandi og líkað mjög vel að ríða
út í mikilli víðáttu og ríða hratt. En í Bandaríkjunum þyrftu menn ör-
ugg hross. Hér væri svo mikið um hættur og menn yrðu að vera alveg
vissir um að geta komist fram hjá þeim og getað stoppað þegar á þyrfti að
halda.
„Kaupendur eru mest að leita að hrossum sem á Islandi eru kallaðir
góðir konuhestar. Flestir kaupendanna eru vel stætt fólk á miðjum aldri
og vill ekki fara á neitt nema það sem er alveg öruggt. Mínir uppáhalds-
hestar eru 10 ára geldingar sem hafa lilotið mikla tamningu. T.d. hestur
sem unglingur hefur notað í mörg ár til útreiða og í keppni. Þetta eru
einstaklega góð hross fyrir Bandaríkjamarkað. Hross sem kunna alla hluú
og geta kennt eiganda sínum mikið."
Karen sagðist hafa um hundrað hross á stóru Iandi og væri með mikil
umsvif. Ungt fólk kemur til þess að læra að ríða þessum hestum og hún
er oft með námskeið fyrir sína viðskiptavini. „Eg hef fengið marga góða
kennara á mitt bú frá Islandi eins og t.d. Magnús Lárusson sem er góður
vinur minn og kemur reglulega hingað og heldur námskeið.“
Persónuleg samskipti skipta miklu
„Bandarískir kaupendur íslenskra hrossa hafa mikinn áhuga að vita mik-
ið um land og þjóð og þetta sérstaka lnossakyn sem þeir hafa tekið ást-
fóstri við. Það er mjög mikilvægt fyrir þann sem vill selja hross á
Bandaríkjamarkað að skilja að þetta er markaður sem er frábrugðinn
öllu öðru sem menn hafa kynnst. Hér skipta persónuleg samskipti mjög
miklu og kaupendur leggja mikið upp úr því að læra sem allra mest um
hrossin, reiðmennsku, tamningu, ræktun, uppeldi og einnig um land og
þjóð. Bandarískir kaupendur íslenskra hrossa eru upp til hópa fólk sem
hefúr góð fjárráð og leggur áherslu á að fá það sem það borgar fyrir. Fólk
er ekki hrifið ef það kemst að því að einhver hafi verið að pretta það í
viðskiptum," sagði Sara Conklin sem býr í New York.