Dagblaðið Vísir - DV - 13.02.2009, Qupperneq 25

Þ
egar maður á sér draum
um framtíðina þarf mað-
ur að fórna ýmsu. Ég hef
frá 9 ára aldri verið und-
ir mikilli pressu og þurft
að vaxa hratt úr grasi,
enda segja sumir að ég hagi mér eins
og gömul kerling,“ segir söngkon-
an Jóhanna Guðrún Jónsdóttir sem
að sló í gegn aðeins níu ára gömul.
Það hefur margt breyst síðan þá og
nú er litla stelpan með kraftmiklu
röddina orðin að glæsilegri söng-
konu. Hún hefur vakið mikla athygli
undanfarið í ögrandi hlutverki sínu
sem Madonna í samnefndri sýn-
ingu á Broadway. Þá komst hún í úr-
slit Söngvakeppni Sjónvarpsins eins
og að drekka vatn og til alls líkleg í
keppninni.
En skemmtanabransinn er eng-
inn dans á rósum eins og Jóhanna
orðar það sjálf og hefur hún þurft
af hafa mikið fyrir sínu. Einmana-
leikinn var stundum skammt undan
þegar hún var á flakki um heiminn
og því fékk Jóhanna að kynnast þeg-
ar hún veiktist mikið þegar hún bjó
ein í Kaupmannahöfn á síðasta ári.
Jóhanna hefur þó alltaf haft gott fólk í
kringum sig sem hefur hjálpað henni
að ná markmiðum sínum.
Söng fyrstu orðin
„Ég byrjaði að syngja áður en ég
byrjaði að tala,“ segir Jóhanna sem
er fædd í Danmörku árið 1990 og
bjó þar fyrstu tvö ár ævi sinnar. „Það
kom aldrei neitt annað til greina hjá
mér en að syngja og ég hafði alltaf
mjög mikinn áhuga á því að syngja
fyrir aðra. Alveg frá því að ég var
pínulítil.“ Jóhanna fluttist svo til Ís-
lands með fjölskyldu sinni og bjó
í Reykjavík til átta ára aldurs. „Þá
flutti ég til Hafnafjarðar og hef búið
þar síðan.“
Það var um þetta leyti sem söng-
ferill Jóhönnu hófst. „Þegar ég var
átta ára tók ég þátt í söngvakeppni
sem María Björk stóð fyrir en hún er
umboðsmaðurinn minn í dag. “ Jó-
hanna var ein af um það bil hundr-
að krökkum sem tóku þátt en hún
lenti í sjötta sæti í keppninni sjálfri.
„Maríu leist vel á mig og ég fór í
söngnámskeið hjá henni í kjölfarið,“
en María Björk hefur rekið Söng-
skóla Maríu Bjarkar síðan árið 1993.
Sigga Beinteins hefur kennt við skól-
ann síðan 1997 og nú er Jóhanna
sjálf farin að kenna þar. „Skömmu
seinna fórum við að vinna að fyrstu
plötunni minni sem hét Jóhanna
Guðrún 9 og kom út þegar ég var
níu ára.“
Athyglin truflaði ekki
Í kjölfarið á plötunni sló Jóhanna
rækilega í gegn og hljómuðu lög
hennar á útvarpsstöðvum um allt
land. Ári seinna gaf Jóhanna svo út
plötuna Jóhanna Guðrún: Ég sjálf
sem var ekki síður vinsæl. Þegar
hún var tólf ára kom út platan Jól
með Jóhönnu og jafnframt hennar
þriðja plata. „Mér fannst athyglin
alltaf nokkuð eðlileg því ég þekkti
lítið annað. Þetta var það sem ég
vildi og stefndi að.“
Jóhanna þakkar það öllu því
góða fólki sem hún hafði í kring-
um sig að athyglin hafi ekki stigið
henni til höfuðs eða haft neikvæð
áhrif á æsku hennar. „Það var svo
mikil jákvæðni í kringum mig og
ég upplifði þetta eftir því. Foreldr-
ar mínir studdu mig alltaf hundr-
að prósent sem og bræður mínir
og fjölskylda.“ Jóhanna segir líka
Maríu Björk alla tíð hafa reynst
sér mjög vel. „Hún passaði mjög
vel upp á mig og að ekkert færi úr-
skeiðis hjá mér.“
Þó svo að skólaganga Jóhönnu
hafi ekki verið með hefðbundnum
hætti út af tónlistinni voru aldrei
nein vandamál sem fylgdu frægð-
inni. „Ég átti alltaf mikið af vinum
og það voru aldrei nein vandamál
í skólanum. Auðvitað er alltaf ein-
hver aukaleg athygli og einhver
slæm athygli sem fylgir þessu en
ég náði alveg að útiloka hana.“
Barnastjörnustimpillinn
Þegar Jóhanna komst á unglings-
árin tók hún sér meðvitað frí frá
sviðsljósinu. „Það var meðvituð
ákvörðun að draga mig í hlé á með-
an ég væri að þroskast og þróa mig
sem söngkona. Það var sameig-
inleg ákvörðun Maríu og foreldra
minna að ég myndi taka mér þetta
frí og snúa aftur þegar ég væri til-
búin.“
Jóhanna segir ástæðuna ekki
síst hafa verið þá að hún vildi ekki
brenna út sem barnastjarna. „Ég
er mjög heppin að hafa fengið
þennan tíma til þess að þróa mig
og vinna í mínum málum. Maður
vill auðvitað ekki að barnastjörnu-
stimpillinn festist við mann og ég
er meira að segja ennþá með hann
svolítið á mér. Það er rosalega erfitt
að losna við hann og ég vildi ekki
að fólk myndi alltaf sjá mig sem
litlu stepluna með tíkóið. Það er
mjög oft sem fólk brennur upp í
tónlistinni og nær ekki að losa sig
við þennan stimpil.“
Jóhanna segist þó skilja vel að
fólk tali um hana sem barnastjörnu
og tekur það ekki nærri sér. „Það er
ekkert feimnismál fyrir mér að vera
kölluð barnastjarna. Ég skil það vel
enda man fólk auðvitað eftir mér
mjög ungri að syngja. Ég er hins
vegar orðin fullorðin núna, ég er
að verða 19 ára, og það getur verið
svekkjandi þegar maður er í viðtali
og á forsíðunni stendur „Barna-
stjarnan Jóhanna Guðrún“.“
Ekkert frí
Þó svo að Jóhanna hafi tekið sér frí
frá kastljósinu í nokkur ár er langt
frá því að söngkonan unga hafi set-
ið heima aðgerðarlaus. „Ég var á
fullu. Ég var inn í stúdíói nánast all-
an tímann að taka upp, æfa mig og
þróa sönginn.“ Jóhanna segir þetta
hafa verið mikilvægan tíma til þess
að vinna í sjálfri sér og þróa sig sem
listamann.
„Það tekur mjög langan tíma fyr-
ir tónlistarmenn að þróa sig, finna
rétta tóninn og réttu stefnuna. Töl-
um nú ekki um ef þú ert svona
ungur. Annars eru tónlistarmenn í
stöðugri þróun og ég er ennþá ekk-
ert með hundrað prósent hvað ég vil
gera í tónlistinni. En ég fékk mjög
gott svigrúm til þess að finna mig og
það er það sem skipti mestu máli.“
föstudagur 13. febrúar 2009 25Helgarblað
Framhald á
næstu opnu
Jóhanna Guðrún Keypti hest
fyrir ágóðann af fyrstu plötu
sinni þegar hún var níu ára.
Mynd JoSEph hEnry rittEr
„Ég er mjög heppin að hafa fengið þenn-
an tíma til þess að þróa mig og vinna í
mínum málum. maður vill auðvitað ekki
að barnastjörnustimpillinn festist við
mann og Ég er meira að segja ennþá með
hann svolítið á mÉr.“