Dagblaðið Vísir - DV - 01.04.2009, Page 10
miðvikudagur 1. apríl 200910 Neytendur
50 erindi á dag
Neytendasamtökin halda úti leið-
beininga- og kvörtunarþjónustu
þar sem fólk getur komið ábend-
ingum um neytendamál á fram-
færi. Í Neytendablaðinu kemur
fram að í fyrra hafi 12.643 erindi
borist samtökunum. Nærri lætur
því að um 50 erindi berist á hverj-
um virkum degi. Fram kemur
að flest erindin hafi borist vegna
verðlags og auglýsinga, ferðalaga,
fjármálafyrirtækja og raftækja.
Einnig hafi margar borist vegna
bifreiða- og fjarskiptafyrirtækja.
Álagið var mest eftir bankahrun-
ið en alls hafði þjónustan milli-
göngu í 235 kvörtunarmálum.
Skýrslu kvörtunarþjónustunnar
má lesa á ns.is.
Kvartaðu
sKriflega
Á síðu Neytendasamtakanna, ns-
.is, er neytendum ráðlegt að bera
kvartanir sínar vegna samskipta
við seljendur fram skriflega, mik-
ilvægt sé að geta sannað hvað fer
fram í samskiptum við seljend-
ur. „Mjög algengt er að leiðbein-
inga- og kvörtunarþjónustunni
berist mál þar sem neytandinn
á að vísu rétt en erfitt getur ver-
ið að sanna hann. Atvik eru þá
þannig að kvörtun hefur átt sér
stað í síma og búið er að gleyma
nafni viðmælanda og hvenær
símalið fór fram. Þá er mjög erf-
itt að sanna eftir á hvað fer fram
í símtali. Til að draga úr sönn-
unarerfiðleikum eru neytendur
því hvattir til að senda kvörtun
frekar í tölvupósti sé þess nokkur
kostur.“
n Kona hafði samband
við DV og sagði
Hagkaup selja
kardimommur frá
Pottagöldrum á
31.200 krónur kílóið.
Hún benti hins vegar á
að í versluninni Asian á
Suðurlandsbraut væri kílóverð
af kardimommum á um 2
þúsund krónur og því ríflega
fimmt-
ánfalt
lægra.
n Lofið fær útistarfsmaður Shell í
Ábrænum. Ungur maður kom á bíl og
þurfti aðstoð með loft í dekkjum.
Hún var veitt með bros á vör.
Svo kom á daginn að bremsu-
vökva vantaði en viðskiptavin-
urinn var auralítill. Starfsmað-
urinn setti það ekki fyrir sig,
sótti bremsuvökva úr
eigin bíl og fyllti á hjá
manninum unga.
SENdið lOF Eða laST Á NEYTENdur@dv.iS
Dísilolía
algengt verð verð á lítra 147,3 kr. verð á lítra 154,1 kr.
skeifunni verð á lítra 145,8 kr. verð á lítra 152,6 kr.
algengt verð verð á lítra 147,9 kr. verð á lítra 154,9 kr.
bensín
Kænunni verð á lítra 145,6 kr. verð á lítra 152,4 kr.
fjarðarkaupum verð á lítra 145,3 kr. verð á lítra 152,5 kr.
algengt verð verð á lítra 147,3 kr. verð á lítra 154,1 kr.
umSjóN: Baldur guðmuNdSSON, baldur@dv.is / neytendur@dv.is
el
d
sn
ey
t
i
„Þetta er lélegur
brandari“ „Samfylkingin og vinstri grænir eru að reyna að búa til endalausar biðraðir þar sem fólk þarf að lýsa sig ómaga til að fá einhverja leiðréttingu.“
Ný lög um greiðsluaðlögun, sem taka gildi í dag eru einungis sett til að uppfylla kosn-
ingaloforð að mati Vésteins Gauta Haukssonar, stjórnarmanns í Hagsmunasamtök-
um heimilanna. Lögin geri ekkert fyrir þorra fólks. Gert er ráð fyrir að 100 til 200
manns muni fá að nýta sér greiðsluaðlögun á ársgrundvelli.
„Það er ekki verið að gera neitt annað
en að slá ryki í augu almennings. Þetta
er kjarninn í því sem Samfylkingin
kallar skjaldborg um heimilin og þeir
eru að gera ráð fyrir að hundrað til tvö
hundruð manns geti nýtt sér þetta á
ársgrundvelli. Þetta er lélegur brand-
ari,“ segir Vésteinn Gauti Hauksson,
varaformaður stjórnar Hagsmuna-
samtaka heimilanna.
Í dag taka gildi lög um greiðslu-
aðlögun, sem samþykkt voru með 46
samhljóða atkvæðum á Alþingi í fyrra-
dag. Eftir lögunum hefur verið beð-
ið með mikilli óþreyju en samkvæmt
þeim getur maður leitað nauðasamn-
ings til greiðsluaðlögunar ef hann
sýnir fram á að hann sé og verði um
fyrirséða framtíð ófær um að standa
í skilum með skuldbindingar sín-
ar, eins og það er orðað í lögunum. Í
nauðasamningum er það metið, með
aðstoð dómstóla, hversu hátt hlut-
fall af heildarskuldum einstaklingar
í greiðsluvandræðum geti greitt. Það
sem út af stendur er ýmist fellt niður
eða greiðslum frestað þannig að ein-
staklingar fari ekki í þrot.
Hafnað á ýmsum forsendum
Lögin sem taka gildi í dag ná þó ekki
til einstaklinga sem hafa borið ábyrgð
á atvinnustarfsemi undanfarin þrjú
ár, nema rekstrinum hafi verið hætt
og skuldirnar á honum séu tiltölulega
lítill hluti af heildarskuldum þeirra.
Beiðnin um greiðsluaðlögun þarf
að fara í gegnum héraðsdómara en
henni þurfa að fylgja mjög ítarleg
gögn um fjárhags- og skuldastöðu
þess sem eftir greiðsluaðlögun ósk-
ar. Dómarinn getur hafnað beiðninni
á ýmsum forsendum. Meðal annars
ef upplýsingarnar gefa ekki nægilega
glögga mynd af fjárhag skuldara eða
væntanlegri þróun fjárhags hans. Þá
er einnig hægt að hafna beiðninni ef
skuldari hefur hagað fjármálum sín-
um á verulega ámælisverðan hátt eða
tekið áhættu sem ekki var í samræmi
við fjárhagsstöðu hans á þeim tíma
eða ef skuldari hefur ekki staðið í skil-
um við lánardrottna þó hann hafi get-
að það að einhverju eða öllu leyti.
Einn til þrír að aðstoða
Í greinargerð fjármálaráðuneytisins
um lögin er gert ráð fyrir því að á bilinu
hundrað til tvö hundruð manns muni
fá heimild til að nýta sér greiðsluaðlög-
un á ársgrundvelli. Ragna Árnadóttir
dómsmálaráðherra hefur ákveðið að
Ráðgjafarstofa um fjármál heimilanna
veiti fólki aðstoð við gerð beiðnar um
greiðsluaðlögun, án endurgjalds. Ekki
er gert ráð fyrir miklum mannafla til
verksins, ef marka má greinargerðina.
„Gert hefur verið ráð fyrir að ráða þurfi
a.m.k. einn viðbótarstarfsmann og
jafnvel allt að þrjá ef spurn eftir þjón-
ustunni verður mjög mikil,“ segir þar
meðal annars.
Skelfilegur brandari
Lögin sem nú taka gildi ná ekki til
veðsettra eigna, svo sem skulda
vegna húsnæðis, en gert er ráð fyrir
því að lög um veðskuldir verði sam-
þykkt á Alþingi fyrir þinglok. Vé-
steinn segir almennt gott að setja lög
um greiðsluaðlögun en bætir við að
þessi lög séu einungis miðuð að því
að bjarga þeim sem eru komnir í svo
mikil vandræði að gjaldþrot blasi
við. Hann er ekki bjartsýnn á þau lög
sem eru sögð í bígerð. Hann segir að
með lögunum um innheimtukostn-
að hafi til dæmis ekki náðst sá árang-
ur sem almenningur vonaðist eftir.
„Lögin kváðu á um að innheimtu-
kostnaður mætti ekki vera hærri en
eitthvað ákveðið NEMA til kæmi út-
lagður kostnaður. Á bak við hvert
einasta fyrirtæki er lögfræðiskrifstofa
sem sendir fólki reikninga. Þeir mega
ennþá rukka að vild. Ég veit til dæmis
um mann sem hætti að geta borgað
af iðnaðarhúsnæði, sem á hvíldi er-
lent lán. Hann fékk bréf frá lögfræð-
ingi þar sem hann var krafinn um 13
milljónir í innheimtukostnað,“ segir
Vésteinn.
Hann segir að þessi lög séu bara
til að uppfylla einhver kosningalof-
orð. „Það er aldrei settur punktur á
bakvið setninguna sem skiptir máli.
Þetta er skelfilegur brandari og við
einfaldlega baulum á þetta. Samfylk-
ingin og vinstri grænir eru að reyna
að búa til endalausar biðraðir þar
sem fólk þarf að lýsa sig ómaga til að
fá einhverja leiðréttingu. Fólki verður
ekki hjálpað út úr vandræðum sín-
um með þessari lagasetningu,“ segir
hann og bætir við: „Það þarf að leið-
rétta þau svik sem framin voru gagn-
vart íslensku þjóðinni árin 2007 og
2008. Það verður ekki gert með þess-
um lögum, það er alveg klárt.“
BALDUR GUÐMUNDSSON
blaðamaður skrifar baldur@dv.is
Ryk í augu almennings vésteinn
gauti Hauksson, varaformaður í
Hagsmunasamtökum heimilanna, segir
ríkisstjórnina slá ryki í augu almennings.
MyND GUNNAR GUNARSSON
Fólk í biðröð vésteinn gauti
Hauksson segir ríkisstjórnina
búa til langar og niðurlægjandi
biðraðir með lagasetningum
sínum. Þær leysi engan vanda.
MyND SiGtRyGGUR ARi