Dagblaðið Vísir - DV - 01.04.2009, Blaðsíða 13
miðvikudagur 1. apríl 2009 13Fréttir
Bandarískar unglingsstúlkur eru gripnar nýju æði:
Sex ms er málið
Nýtt æði hefur gripið um sig á með-
al bandarískra unglinga. Unglingar
senda nektarmyndir af sjálfum sér
með farsímum sínum og virðast ann-
aðhvort ekki gera sér grein fyrir því að
athæfið kann að leiða til ákæru um
dreifingu á barnaklámi, eða láta sér
afleiðingarnar í léttu rúmi liggja.
Þegar ungar stúlkur senda nekt-
armyndir af sér til kærasta sinna
eiga myndirnar það til að lenda í
höndum rangra aðila, en sex ms
er málið í dag.
Ein fjórtán ára stúlka var fyr-
ir nokkrum dögum handtekin fyrir
að hafa sent nektarmyndir af sér til
kærastans. Saksóknari einn er þeirr-
ar skoðunar að hún hafi dreift barna-
klámi og geti þar af leiðandi átt yfir
höfði sér fangelsisdóm.
Á síðasta ári sögðu 39 prósent
unglinga í bandarískri könnun að
þeir hefðu sent smáskilaboð með
kynferðislegum ljósmyndum.
Áhöld eru um til hvaða ráðstafana
sé best að grípa til að stemma stigu
við þessari tísku, og einn saksóknari
vill að fleiri stúlkur verði ákærðar fyr-
ir dreifingu á barnaklámi, en dómari
einn hefur sett honum stólinn fyr-
ir dyrnar. Að mati dómarans er
þetta spurning um ábyrgð
foreldranna á uppeldi
eigin barna og eigi
ekkert erindi inn í
dómsali lands-
ins.
Farsímar eru til margra hluta brúk-
legir unglingar í Bandaríkjunum gerast
óafvitandi sekir um dreifingu barnakláms.
Hæstiréttur Afganistans hefur úr-
skurðað að Hamid Karzai, forseti
landsins, geti verið við völd þar til nýr
leiðtogi verður kosinn síðar á árinu.
Samkvæmt stjórnarskrárákvæði renn-
ur valdatími hans opinberlega út 21.
maí, en ástæða þess að hæstiréttur tók
málið í sínar hendur er sú að upphaf-
lega var stefnt að kosningum í þess-
um mánuði, en kjörstjórn ákvað að
fresta þeim til ágústmánaðar af örygg-
isástæðum.
Úrskurðurinn er talinn mikill sigur
fyrir Karzai, sem nú hefur verið sak-
aður um tilraun til að tryggja sér at-
kvæði í komandi kosningum með því
að samþykkja lög sem þykja afar um-
deild.
Sameinuðu þjóðirnar telja að um-
rædd lög heimili nauðganir innan
hjónabands og banni eiginkonum að
stíga út fyrir dyr heimilis síns án leyfis
frá eiginmanninum.
Keyrt í gegn með hraði
Hamid Karzai skrifaði undir lögin í
mars þrátt fyrir fordæmingu mann-
réttindasamtaka og nokkurra þing-
manna sem segja að lögin brjóti í bága
við ákvæði stjórnarskrárinnar um
jafnrétti.
Jon Boone, fréttaritari breska dag-
blaðsins The Guardian í Afganistan,
stiklar á stóru í þessum nýju lögum
á vefsíðu dagblaðsins. Að sögn hans
voru lögin keyrð í gegn á mjög skömm-
um tíma og án mikillar umræðu.
Boone segir lögin eðlilega valda mikl-
um ugg bæði á meðal alþjóðlegra tals-
manna réttar kvenna og kvenmanna
úr röðum afganskra þingmanna sem
óttist að mæla gegn frumvarpinu op-
inberlega því með því baki þær sér
óvild áhrifamikilla trúarleiðtoga.
Lokaútgáfa laganna hefur ekki ver-
ið gerð opinber en Jon Boone segir að
um sé að ræða fjölskyldulög sem muni
eingöngu hafa áhrif á samfélag Sjía
í landinu. Lögin eru talin innihalda
ákvæði sem kveði á um að konur geti
ekki leitað vinnu, leitað til læknis eða
menntað sig án leyfis eiginmanns síns,
auk áðurnefndra hafta á ferðafrelsi
og kynlífsoks sem þær verða undir af
hálfu eiginmanns síns.
„Verri en á tímum talíbana“
Í skjali frá Sameinuðu þjóðunum er
einnig varað við því að forræði barna
verði eingöngu hjá feðrum og öfum.
Humaira Namati, þingmaður efri
deildar afganska þingsins, sagði að
lögin væru „verri en á tímum talíbana“.
„Hver sá sem mótmælti var sakað-
ur um að vera andvígur íslam,“ sagði
hún.
Samkvæmt afgönsku stjórnar-
skránni er Sjíum, sem eru um tíu
prósent þjóðarinnar, heimilt að hafa
sérstök fjölskyldulög sem byggjast á
réttarhefðum Sjía. En stjórnarskráin
og ýmsir alþjóðlegir samningar sem
afgönsk stjórnvöld hafa skrifað undir
og samþykkt tryggja konum jafnrétti.
Shinkai Zahine Karokhail lagði,
líkt og fjöldi annarra kvenmanna á af-
ganska þinginu, fram kvörtun eftir að
lögin voru samþykkt með hraða sem
átti sér engin fordæmi og fátæklegri
umfjöllun þrátt fyrir samkomulag um
annað. „Þeir vildu koma þeim í gegn
nánast líkt og um leynisamkomulag
væri að ræða. Það var fjöldi atriða sem
við vildum breyta, en þeir vildu ekki
ræða þau því Karzai vill þóknast Sjíum
fyrir kosningar,“ sagði Karokhail.
Til verndar kvenréttindum
Enn sem komið virðist margt á huldu
um nýju lögin og mannréttindasam-
tök hafa farið bónleið til búðar í við-
leitni sinni til að fá í hendur eintak af
þeim. Að sögn dómsmálaráðuneytis-
ins verða lögin ekki birt fyrr en búið er
að slípa af ýmis „tæknileg vandamál“.
Það er talið nokkuð ljóst að við
ramman reip verður að draga hjá
Hamid Karzai í komandi kosningum.
Eftir sjö ár í embætti glímir hann við
vaxandi óvinsældir bæði heima fyrir
og erlendis og hin nýju lög kunna að
tryggja honum stuðning á meðal Sjía-
klerka sem njóta mikilla áhrifa í land-
inu.
Leiðtogar minnihlutahóps Hazara
kröfðust einnig nýju laganna. Ustad
Mohammad Akbari, þingmaður og
leiðtogi Hazara, fór ekki leynt með að
Karzai hefði stutt lögin til að komast í
náðina hjá Hazara, en sagði þó að lög-
in vernduðu í raun réttindi kvenna.
„Samkvæmt íslam hafa karlmenn
og kvenmenn jafnan rétt, en það er
munur á hvernig karlar og konur eru
sköpuð. Karlmenn eru sterkari og
kvenmenn eru örlítið kraftminni; jafn-
vel á Vesturlöndum sérðu ekki konu í
slökkviliðinu,“ sagði Akbari.
Að sögn Akbaris veita lögin kon-
unni rétt til að hafna kynlífi með eig-
inmanni sínum ef henni líður ekki
vel eða ef hún getur komið með aðra
raunsæja „afsökun“. Að auki yrði kon-
unni ekki skylt að halda sig innan dyra
ef neyðartilvik yrði til þess að hún
þyrfti að yfirgefa heimilið án heimild-
ar.
Þögn Vesturlanda
Enn sem komið er hefur lítið borið á
spurningum af hálfu alþjóðasamfé-
lagsins vegna nýju laganna og vest-
rænn sendiráðsfulltrúi í Kabúl, höf-
uðborg Afganistans, viðurkenndi að
Vesturlönd ættu óhægt um vik með að
setja sig upp á móti þeim, því þá yrðu
þau sökuð um að vanvirða afganska
menningu.
Soraya Sobhrang, yfirmaður mál-
efna kvenna hjá mannréttindanefnd-
inni Afghanistan Independent Hum-
an Rights Commission, sagði að þögn
Vesturlanda hefði verið „hörmuleg
fyrir réttindi kvenna í Afganistan“. Sob-
hrang sagði að aðgerðir alþjóðasam-
félagsins væru skammarlegar og að ef
það hefði komið meira að ferlinu þeg-
ar lögin voru til meðferðar á þinginu
hefði verið hægt að stöðva frumvarp-
ið. „Vegna kosninganna er ég ekki viss
um að við getum breytt þeim núna.
Það er orðið of seint,“ sagði hún.
Nokkrar konur úr röðum stjórn-
málamanna líta málið raunsæisaug-
um og segja að barátta þeirra í neðri
deild þingsins hafi skilað ákveðnum
árangri. Þær hafi meðal annars haft
í gegn að giftingaraldur stúlkna var
færður úr níu árum upp í sextán og
að ákvæði um tímabundið hjónaband
var fellt niður.
„Þettar er ekki hundrað prósent
fullkomið, en miðað við fyrri drög er
um að ræða mikla framför. Fyrir voru
fjölskyldumál leyst samkvæmt hefð-
bundnum lögum, svo þetta er mikil
bót,“ sagði Shukira Barakzai þingmað-
ur.
eldinn
Afgönsk kona gefur lyf Ný lög meina meðal annars konum að mennta sig án leyfis eiginmanns síns.
30 days
Apótekin & Heilsubúðirnar
www.leit.is · Smellið á ristilvandamál
Á gamla gamla verðinu.
30 days
Losnið við hættulega kviðfitu og
komið maganum í lag með því
að nota náttúrulyfin Oxytarm og 30
days saman.
Smiðjuvegi 34 - gul gata Kópavogi • Sími 544 5151 • biljofur@biljofur.is
SÉRHÆFÐ ÞJÓNUSTA FYRIR
BIFREIÐAVERKSTÆÐI
Oxy tarm
Apótekin & Heilsubúðirnar
www.leit.is · Smellið á ristilvandamál
Á gamla gamla genginu.
Oxy tarm
Endurnærir og hreinsar ristilinn
Allir dásama oxy tarmið
Smáauglýsingasíminn er
515 5550
smaar@dv.is