Dagblaðið Vísir - DV - 01.04.2009, Blaðsíða 21

miðvikudagur 1. apríl 2009 21Fókus
á miðvikudegi
Eivör á Nasa
Færeyski söngfuglinn Eivör Pálsdóttir heldur tónleika á NASA næst-
komandi föstudag. Hún hélt síðast tónleika hér á landi í Langholts-
kirkju í byrjun ársins og komust þá færri að en vildu. Nú er Eivör
með hörkuband á bak við sig og hyggst spila ný lög af væntanlegri
plötu í bland við vel þekkta smelli. Tónleikarnir eru liður í tónleika-
ferð um Ísland sem Eivör er að leggja upp í. Miðasala er á midi.is.
EiNs kvölds
hátíð
Nokia on Ice-tónlistarhátíðin verður
haldin í annað sinn núna á föstu-
daginn í Listasafni Reykjavíkur og á
Sódómu Reykjavík. Bæði þekktustu
hljómsveitir landsins og björtustu
vonirnar koma fram á hátíðinni.
Í Listasafninu verða Bang Gang,
Dr. Spock, Jeff Who? og Sometime
sem hefur verið á tónleikaferð um
Evrópu og spilaði meðal annars á
Great Escape-tónlistarhátíðinni í
Brighton. Á Sódómu Reykjavík verða
hljómsveitirnar Mammút, Sudden
Weather Change, sem var valin von-
arstjarna ársins 2009, Cosmic Call,
Bárujárn og DJ Matti. Hátíðin hefst
kl. 22, miðinn kostar 2.500 krónur og
er miðasala á midi.is.
Blúshátíð
í rEykjavík
Blúshátíð í Reykjavík 2009 hefst
næstkomandi laugardag og
stendur til 9. apríl. Hátíðin hefst
með Blúsdegi – Blús í miðborg-
inn – á laugardeginum og að
vanda verða þrennir stórtónleik-
ar á Hilton Reykjavík Nordica.
Þeir fyrstu verða næstkomandi
þriðjudag þar sem hin lifandi
goðsögn, Pinetop Perkins, spilar
með Vinum Dóra. Perkins er einn
af síðustu blúsmönnum fyrstu
kynslóðar blúsmanna sem enn
lifa og enn spila, níutíu og fimm
ára að aldri. Á meðal annarra
tónlistarmanna sem spila á hátíð-
inni eru Willie „Big Eyes“ Smith
and the Blue Ice Band, Nordic All
Stars Blues Band, Deitra Farr, KK,
Blúsmenn Andreu og Mugison.
Nánar um hátíðina á blues.is.
sýNiNg um
íslENska kvik-
myNdagErð
Sýningin Ísland:Kvikmyndir var
opnuð í Þjóðmenningarhúsinu um
síðustu helgi. Þar er í fyrsta skipti
dregin upp mynd
af þróun kvik-
myndagerðar á
Íslandi á árabil-
inu 1904 til 2008.
Myndbrot sýnd á
skjáum endur-
spegla andrúms-
loft og umfjöllun-
arefni mikilvægra
kvikmynda. Á fjórum „kvikmynda-
eyjum“ er hægt að horfa á um
hundrað kvikmyndir að eigin vali í
fullri lengd og eru þær flokkaðar í
leiknar myndir, stuttmyndir, heim-
ildamyndir og myndir byggðar á
bókmenntaverkum. Sýningin stend-
ur til 10. janúar á næsta ári.
Rock Band-leikurinn varð að al-
gjörri sprengju á tölvuleikjamark-
aðinum þegar leikurinn kom út
árið 2008. Áður höfðu í mesta lagi
tveir vinir rokkað saman í Guitar
Hero en með komu Rock Band gat
heill vinahópur tekið lagið. Rock
Band er án efa einn af skemmti-
legustu leikjum síðari ára og gefur
í raun góða mynd af framtíð tölvu-
leikja, hvernig þeir verða og geta
þróast og svo framvegis.
Það eina sem háir þessum leik og
þá sérstaklega hér á landi og þá sér-
staklega í þessari bévítans kreppu
er verðið. Til þess að geta upplifað
allt sem Rock Band hefur upp á að
bjóða þarftu nefnilega míkrófón,
trommur og gítar, þú getur reynd-
að notað Guitar Hero gítarana en
skemmtilegast er að nota tvo slíka.
Þegar þú ert kominn með all-
an pakkann skaltu hugsa vel um
hann því fólk hefur lent í því að til
dæmis pedalinn á trommunum
brotni og þar fram eftir götunum.
En aftur að leiknum sjálfum.
Nú er kominn út nýr Rock Band-
leikur með fullt af nýjum lögum.
Flestir sem spiluðu þennan leik
eitthvað að ráði voru eflaust komnir
með nóg af lögunum í fyrsta leikn-
um. Þeir sem líta á Rock Band sem
lífsstíl voru eflaust búnir að endur-
nýja lagalistann í gegnum netversl-
anir PS3 og X360 en alls ekki allir.
Í kringum 84 lög eru í leiknum
en lagalistinn er frekar fjölbreytt-
ur og því ættu allir tónlistaraðdá-
endur að geta fundið eitthvað fyr-
ir sinn snúð. Meðal laga er Chop
Suey með System of a Down, Ev-
erlong með Foo Fighters, Livin’
on a Prayer með Bon Jovi og You
Ouchta Know með Alanis Morris-
ette.
Litlar breytingar hafa verið
gerðar á leiknum sjálfum fyrir utan
eina breytingu í netspiluninni. Í
nýja leiknum getur þú hoppað inn
í hljómsveitir hjá öðrum og aðrir
geta hoppað inn í hljómsveitina
þína og spilað með þér leikinn.
En svona heilt á litið er þetta
eflaust einn skemmtilegasti partí-
leikur sem hefur komið út á leikja-
tölvur. Það jafnast ekkert á við það
að grípa í leikinn á föstudags- eða
laugardagskvöldum og þá sér-
staklega í góðra vina hópi. Mæli
eindregið með honum en verð að
taka af honum stjörnu vegna þess
hve dýr Rock Band-pakkinn er hér
á landi.
Atli Már Gylfason
Frábær partíleikur
Fyrir um fimmtán árum stökk
Happy Madison-klíkan fram á sjón-
arsviðið, með Adam Sandler í far-
arbroddi, í gamanmyndunum Billy
Madison og Happy Gilmore. Flestir
komu þeir úr gamanþáttunum Sat-
urday Night Live. Þeir voru óhemju-
sniðugir, hæfilega öðruvísi en um-
fram allt voru þeir eiturferskir.
Síðan þá hefur margt breyst. Meðal
annars hefur Adam Sandler ving-
ast við hinn gáskafulla Kevin James
með hræðilegum afleiðingum fyrir
heimsbyggðina.
Nýjasta myndin úr smiðju þess-
ara pilta er Paul Blart: Mall Cop.
Dæmigerð saga um hjartahlýjan lús-
er eins og Bandaríkjamenn vilja sjá,
aftur og aftur. Paul er ógiftur, starf-
ar sem öryggisvörður í verslana-
miðstöð, vill verða lögga en þjáist
af sjaldgæfum sjúkdómi sem veldur
því að hann sofnar ef hann innbyrð-
ir ekki sykur. Hlæ hlæ í poka. Þegar
svo hallærislegustu og mest ósann-
færandi glæpamenn kvikmynda-
sögunnar gera árás á verslanamið-
stöðina færist fjör í leikinn.
Paul Blart: Mall Cop er skelfileg
kvikmynd. Hún er illa skrifuð og af
slíku metnaðarleysi að maður nán-
ast gleymir dýrðardögum Happy
Madison. Kevin James er góður
gamanleikari, með hresst látbragð
og svo er hann vaxinn eins og nas-
hyrningur. Þarna tekst honum að
grínast nett, en hann nær aldrei
flugi. Einhver drullusokkurinn sagði
mér að grínistar væru eins og ávext-
ir. Ferskir fyrst en rotna svo með tím-
anum. Ömurleg spakmæli. En Paul
Blart er vond mynd og bara til vitnis
um hvað endurnýjun þeirra Happy
Madison er léleg. Ef fólk vill sjá grín
í verslanamiðstöð með ferskum blæ,
mæli ég heldur með Observe & Rep-
ort sem frumsýnd verður seinna í
mánuðinum á Íslandi. Þar eru Seth
Rogen og Jody Hill í fararbroddi, en
þeir eru ferskustu eplin í körfunni
um þessar mundir.
Dóri DNA
EpliN sEm
otNu
Kevin James Úr
sjónvarpsþáttunum The
king of Queens leikur
aðalhlutverkið í paul
Blart: mall Cop.
Paul Blart: Mall CoP
Leikstjóri: Steve Carr
Aðalhlutverk: kevin James, Jayma
mays, keir O’donnell, Bobby Cannavale
kvikmyndir
roCk Band 2
Tegund: Hljómsveitar- og partíleikur
Spilast á: X360 og pS3
tölvuleikir
Dýr pakki Það eina sem háir rock
Band er hversu dýr pakkinn er.