Dagblaðið Vísir - DV - 14.07.2009, Blaðsíða 4

4 þriðjudagur 14. júlí 2009 fréttir
Strætóbílstjórinn Jón Guðvarðarson varð fyrir árás á fimmtudaginn. Tveir farþeg-
ar voru með skæting og réðust síðan á bílstjórann. Ofbeldismennirnir kýldu hann
fjórum sinnum í andlitið. Hann segist ekki vera smeykur og var mættur í vinnuna
daginn eftir atvikið. Forstjóri fyrirtækisins segir málið litið alvarlegum augum.
FÓLSKULEG ÁRÁS
Á STRÆTÓBÍLSTJÓRA
„Sem betur
fór náði ég að
setja höndina
fyrir andlitið.“
„Maður verður auðvitað reiður og
fær sjokk. Þetta er ekki það sem
maður vill fá,“ segir Jón Guðvarð-
arson, strætóbílstjóri í Reykjavík.
Á fimmtudaginn varð hann fyrir
árás er hann keyrði strætó upp í
Efra-Breiðholt á ósköp venjuleg-
um degi. Þegar hann var að leggja
af stað frá Mjóddinni komu tveir
menn í annarlegu ástandi upp í
vagninn til hans og létu ófriðlega.
Ætluðu að borga með
barnamiðum
Jón segir að þeir hafi strax ver-
ið með stæla. „Þeir spurðu mig
hvort ég væri að fara upp í Efra-
Breiðholt og ég játti því. Þeir borg-
uðu þá með barnamiðum. Þetta
voru menn á milli tvítugs og þrí-
tugs. Ég spurði hvort þeir ætluðu
að borga með barnamiðum. Þá
byrjuðu lætin. Þeir borguðu með
sex barnamiðum og ég ætlaði að
láta það nægja og benti þeim á að
fara aftur í en þeir héldu áfram að
tuða í mér. Ég sagði þá við þá að
þeir þyrftu að borga með 8 barna-
miðum ef þeir vildu koma með.
Þá urðu þeir alveg vitlausir og ég
ætlaði að vísa þeim út úr bílnum.
Að lokum bætti annar þeirra við
tveimur miðum og spurði hvort ég
væri ánægður. Með það fóru þeir
aftur í.“ Jón ók þá af stað, áleiðis
upp í Breiðholt með þó nokkra
farþega í vagninum.
Kýldu hann fjórum sinnum
Þegar vagninn var kominn að
Vesturhólum komu farþegarnir
með barnamiðana fram í til bíl-
stjórans og þeim var mikið niðri
fyrir. „Þá sögðu þeir að ég hefði
verið að rífa kjaft við þá. Ég sagði
þá að þeir hefðu sjálfir verið með
kjaft.“
Jón hélt áfram akstrinum og
stoppaði við Vesturberg. „Ég hélt
að þeir ætluðu að fara út þar. Þá
heyrði ég annan þeirra segja:
„Láttu hann eiga sig.“ Því næst
vissi ég ekki fyrr en ég fékk hnef-
ann í andlitið. Það fauk í mig og
annar strákurinn sló mig svona
fjórum sinnum. Sem betur fór
náði ég að setja höndina fyr-
ir andlitið og lagðist fram á stýr-
ið til að verjast árásinni,“ segir
Jón. Mennirnir fóru út úr vagnin-
um eftir barsmíðarnar. Lögregl-
an kom fljótlega á staðinn og tók
skýrslu. Aðrir farþegar í vagnin-
um lýstu atburðarásinni fyrir lög-
reglunni.
Málið litið alvarlegum
augum
Jón segist hvergi nærri af baki
dottinn þrátt fyrir þessa nötur-
legu lífsreynslu. Hann var mætt-
ur í vinnuna strax daginn eftir.
„Ég reyni að láta þetta ekki hafa
áhrif á mig. Sem betur fer slasað-
ist ég ekkert alvarlega. Ég er bú-
inn að tala svo mikið um þetta
og hef enn ekki orðið óörugg-
ur eða hræddur,“ segir Jón. Að-
spurður um hvernig vinnufélagar
hans hafi brugðist við eftir árás-
ina segir Jón þá hafa orðið mjög
hissa. Hann segist ekki vita hvað
mönnum gangi til að gera svona
en hann grunar að þeir hafi verið í
vímu einhvers konar fíkniefna.
Gísli Jens Friðjónsson, for-
stjóri Hagvagna sem reka strætó,
segir að fyrirtækið líti svona brot
mjög alvarlegum augum. „Þetta
er sem betur fer ekki algengt en
auðvitað getur þetta komið fyrir.
Það er tekið á hverju tilviki fyrir
sig og það er skoðað rækilega inn-
andyra. En að sjálfsögðu lítum við
þetta mjög alvarlegum augum.“
Að sögn lögreglunnar á höf-
uðborgarsvæðinu er ekki vitað
hverjir árásarmennirnir eru.
Boði loGason
blaðamaður skrifar bodi@dv.is
Jón Guðvarðarson Mætti
ósmeykur til vinnu daginn eftir
að tveir farþegar kýldu hann
fjórum sinnum í andlitið.
Atvinnuleysi
minnkar enn
Skráð atvinnuleysi í júní var 8,1
prósent, eða að meðaltali 14.091
manns, og minnkar atvinnuleysi
um 3,5 prósent að meðaltali frá
maí, eða um 504 manns. Á sama
tíma í fyrra var atvinnuleysi 1,1
prósent. Hjöðnun atvinnuleysis
yfir sumarmánuðina skýrist að
stærstum hluta af árstíðasveiflu.
Búast má við að atvinnuleysi
aukist á nýjan leik með haust-
inu því þá dregst eftirspurn eftir
vinnuafli saman á nýjan leik
auk þess sem þá koma til fram-
kvæmda hópuppsagnir sem til-
kynnt hefur verið um nú í vor.
Kvartað undan
Valitor
Kortaþjónustan hefur sent
kvörtun til Samkeppniseftirlits-
ins vegna meintra margvíslegra
og ítrekaðra brota Valitors á
samkeppnislögum og nokkrum
tilteknum skilmálum þeirrar
sáttar sem fyrirtækið gerði við
Samkeppniseftirlitið á síðast-
liðnu ári. Kvörtunin snýr að mis-
notkun á markaðsráðandi stöðu,
ómálefnalegri beitingu hópað-
ildarfyrirkomulags ásamt fleiri
þáttum.
Slösuðust
í bílveltum
Tvær jeppabifreiðar ultu með
skömmu millibili á Mývatns-
öræfum í fyrradag. Tilkynnt var
um fyrra slysið um fimmleytið
og var fólkið flutt á sjúkrahúsið
á Akureyri með meiðsli sem þó
eru ekki lífshættuleg. Um það bil
fimmtán mínútum síðar var til-
kynnt um aðra bílveltu skammt
frá fyrri slysstaðnum en kona
sem var í bílnum reyndist lítið
slösuð.
Líklegasta leiðin til þess að samn-
ingurinn um ríkisábyrgð á Icesave-
samningnum verði samþykktur á Al-
þingi er að stjórnarliðar og jafnvel
andstæðingar samningsins komi sér
saman um fyrirvara sem hnykkir með
einhverjum hætti á endurskoðunar-
ákvæði hans.
Margir stjórnarliðar hallast æ meir
að því að þetta geti verið fýsilegt og
að fyrirvara megi gera við samning-
inn á grundvelli þess að nýjar upp-
lýsingar um skuldsetningu og skulda-
þol þjóðarinnar hafi komið fram eftir
að samningurinn var gerður. Þá hefur
einnig verið farið yfir athugasemdir
Ragnars H. Hall hæstaréttarlögmanns
sem í Morgunblaðsgrein hefur rök-
stutt að útreikningar á heildarkröf-
um Hollendinga og Breta og þar með
ábyrgðir Íslendinga vegna Icesave séu
rangt reiknaðar.
Fæstir telja nú orðið að unnt sé að
hafna Icesave-samningnum án ein-
hverrar útleiðar.
Á sameiginlegum fundi efnahags-
og viðskiptanefndar og fjárlaganefnd-
ar í gær voru lagðir fram útreikningar
Seðlabankans á skuldastöðu þjóðar-
innar að gefnum mismunandi for-
sendum. Lilja Mósesdóttir, VG, sem
varað hefur við miklum erlendum
heildarskuldum þjóðarinnar sagði í
samtali við DV í gær að í raun væri
staðan metin á sama hátt og gert hef-
ur verið hjá Alþjóðagjaldeyrissjóðn-
um. Hún segist jafn sannfærð og fyrr
um að skuldastaðan sé við efri þol-
mörk, eða um 240 prósent af vergri
landsframleiðslu. „Maður spyr sig
hvort samningsharkan geti átt ræt-
ur í því að menn vita af voldugum
lífeyrissjóðum hér á landi og sjái þá
sem baktryggingu. Það er grunsam-
legt að skuldahlutfall sem AGS taldi
ekki sjálbært í nóvember sé talið í
lagi nú.“
johannh@dv.is
Ekki hægt að hafna Icesave
Á Alþingi er nú til athugunar að gera fyrirvara við samninginn:
lilja Mósesdóttir VG Skuldastaða
Argentínu var aðeins um 140 prósent
af vergri landsframleiðslu þegar þjóðin
varð gjaldþrota.