Dagblaðið Vísir - DV - 28.07.2009, Blaðsíða 9
fréttir 28. júlí 2009 þriðjudagur 9
Umboðs- og söluaðili
Birkiaska ehf.
sími: 551 9239
www.birkiaska.is
Birkilauf
Herbert Guðmundsson tónlistarmaður er furðu lostinn eftir
að lögmanni var falið að ná sáttum við hann eða höfða nýtt
dómsmál gegn honum. Málið er framhald af deilum hans við
nágranna sína sem staðið hafa í viðgerðum á raðhúsalengju.
Því máli var vísað frá og vonar Herbert að nágrannarnir láti
hann í friði svo hann geti haldið áfram með líf sitt.
HÚSFÉLAGIÐ
HJÓLAR Í HERBERT
„Mér finnst þetta sárt, á ekki Hæsti-
réttur lokaorðið í landinu? Mér finnst
að þetta fólk eigi að hætta þessu rugli
og láta mig í friði. Þetta eru orðnar
einhverjar furðulegar hvatir,“ seg-
ir Herbert Guðmundsson tónlistar-
maður. Húsfélagið í raðhúsalengj-
unni Prestbakka 11-21 þar sem
Herbert býr hefur falið lögmanni að
ganga til uppgjörs við Herbert vegna
ógreidds hluta kostnaðar vegna
framkvæmda á húsi hans. Herbert
segir málið vera það sama og Hæsti-
réttur vísaði frá.
Annað dómsmál
Eins og fram hefur komið í fjölmiðl-
um hefur Herbert átt í deilum við
nágranna sína frá því að húsfélagið í
raðhúsalengjunni þar sem hann býr
réðst í framkvæmdir á þökum rað-
húsanna. Herbert og frú voru búin
að gera við þakið sitt og neituðu að
taka þátt í kostnaði hjá öðrum. Málið
endaði fyrir dómstólum. Herbert var
dæmdur í héraðsdómi til að greiða
húsfélaginu 3,9 milljónir króna í við-
gerðarkostnað og einnig fjórar millj-
ónir fyrir málskostnað þeirra beggja.
Hann áfrýjaði málinu til Hæstaréttar
sem sneri dómi héraðsdóms við og
var málinu vísað frá dómi. Nú hef-
ur húsfélagið að Prestbakka 11 til 21
falið lögmanni að ganga til uppgjörs
við Herbert vegna ógreidds hluta
kostnaðar vegna framkvæmda á húsi
hans. Þetta kemur fram í tillögu sem
borin var fram á húsfundi hjá húsfé-
laginu í byrjun þessa mánaðar. Þar
segir einnig að umboð lögmannsins
nái til þess að gera samkomulag við
Herbert og eftir atvikum, reynist þess
þörf, að höfða nýtt dómsmál sam-
bærilegt við það sem dómur féll í fyr-
ir Hæstarétti.
Í mál gegn sjálfum sér
Herbert var á umræddum húsfundi
þar sem tillagan var borin fram. Þar
samþykktu hana allir íbúar lengj-
unnar, nema Herbert. „Þetta var bara
sirkus, þetta er eins og sápuópera
úr amerísku sjónvarpi.“ Hann segir
kostnað húsfélagsins vera kominn í
30 milljónir króna. Þar af fóru þrjár
milljónir í að borga lögfræðistofu
fyrir mál gegn honum og svo 1,2
milljónir í málskostnað í Hæstarétti.
„Þau eru búin að eyða 4,2 milljónum
gegn mér og ætla að halda áfram,“
segir Herbert sem segist hafa verið í
furðulegum sporum síðustu þrjú ár.
„Ég er meðlimur í þessu húsfélagi
svo ég er búinn að vera og var óbeint
í málaferlum við sjálfan mig núna í á
þriðja ár.“
Á fimmtu milljón í málskostnað
Herbert skilur ekki hvers vegna fólk-
ið ætlar að halda áfram því hann taldi
að eftir dóm Hæstaréttar væri málinu
lokið. „Þetta mál vil ég meina að hafi
rústað mínu lífi, þetta hefur staðið
yfir í þrjú ár og þau eru enn að. Það
engin lógík í þessu. Þau eru komin
á fimmtu milljón í lögfræðikostnað
gegn mér. Hvað vill þetta fólk? Vill
það ekki bara krossfesta mig? Það er
einhver voðaleg heift þarna á bak við,
ég veit ekki hvað ég hef gert þessu
fólki. Eina sem ég gerði þessu fólki
var að ég gerði við húsið mitt sextán
árum á undan þeim. Svo þegar fór að
leka inn á þau sextán árum eftir að ég
gerði við mitt hús stofnuðu þau allt í
einu húsfélag. Það hafði aldrei verið
rekið húsfélag þarna í lengjunni fyrr
en þá,“ segir Herbert furðu lostinn.
Biður fyrir nágrönnunum
Aðspurður hvernig stemming sé í
götunni segir Herbert: „Þú getur rétt
ímyndað þér það.“ Hann talar ekki
við nágranna sína. „Ég bið fyrir þessu
fólki og bið fyrir því að þetta fólk sjái
að sér og hætti þessu rugli, það er
það eina sem ég get gert,“ segir Her-
bert. Hann segist að sjálfsögðu hafa
hugsað um það að flytja burt en það
sé ekki hlaupið að því í þessu árferði.
„Núna vil ég bara fá frið og halda
áfram með mitt líf með nýju kon-
unni,“ segir Herbert að lokum.
Boði loGAson
blaðamaður skrifar bodi@dv.is
Prestbakki 11 til 21 Málið virðist engan
enda ætla að taka eftir að ákveðið var á síðsta
aðalfundi að höfða nýtt mál gegn Herbert.
Vill fá frið Herbert
Guðmundsson vill fá
frið frá nágrönnum
sínum.
„Þetta mál vil ég
meina að hafi rústað
mínu lífi, þetta hefur
staðið yfir í þrjú ár og
þau eru enn að.“