Dagblaðið Vísir - DV - 28.07.2009, Blaðsíða 14

Hvað getur maður gert þegar maður hefur beðið ósig-ur? Búið að samþykkja að sækja um aðild að
Evrópusambandinu, þvert á vilja
manns, og útlit fyrir að nú hefjist
viðræður við þetta illa heimsveldi.
Hvað getur maður gert? Er nokkuð
annað hægt en að ganga fram sem
rödd skynseminnar og leggja til að
þessu verði nú öllu saman frestað?
Það sé auðvitað ekki hægt að vondir
Hollendingar hafi í hótunum við okk-
ur og að Icesave hangi yfir okkur. Þá er
nú betra að fresta þessu. Kannski fyrir
fullt og allt.
Svarthöfði hefur löngum fylgst með Evrópusambandsum-ræðunni þó hann viti kannski ekki hvort hagsmunum Ís-
lands sé best borgið með aðild eða
núverandi fyrirkomulagi. Einhverju
sinni var hann fylgj-
andi aðild og öðru
sinni andvígur.
En Svarthöfði
verður að
viðurkenna
að hann hef-
ur alltaf haft
lúmskt gam-
an af að fylgjast
með umræð-
unni um Evrópu-
málin. Bæði
rökum
þeirra sem hafa viljað sækja um aðild
strax og þeirra sem hafa alls ekki vilj-
að það, eða stundum kannski seinna
en bara alls ekki núna. Tafirnar hafa
nefnilega lengi verið helsta barefli
aðildarandstæðinga til að beita gegn
aðildarsinnum. Alltaf hafa þeir getað
bent á að best væri að bíða og skoða
málið betur, fara í ítarlega úttekt og
svo aðeins betri. Og þannig hafa árin
liðið þar til núna þegar Evrópusinn-
arnir höfðu eitt sinn betur.
Og þess vegna hlýn-ar Svarthöfða um hjartaræturnar við að sjá að Evrópu-
andstæðingar hafa ekki enn
gleymt biðleik sínum. Þegar
allt annað þrýtur er alltaf
hægt að bíða, bíða aðeins
lengur, og svo pínku pons
lengur. Þess vegna var svo vel
við hæfi að landbúnaðar- og
sjávarútvegsráðherrann Jón
Bjarnason skyldi rísa upp til
varnar með töfraorð-
ið „bíðum“ á
vörunum.
Maður-
inn sem
er ekki
aðeins
sjálfur andstæðingur aðildar heldur
líka fulltrúi þeirra tveggja þjóðfélags-
hópa sem berjast af mestri hörku gegn
aðild, nefnilega bænda og útgerðar-
manna.
Það var ekki síður til að kæta Svarthöfða að sjá að Björn Bjarnason, fyrrverandi ráð-herra og ötull ritari um utan-
ríkismál Íslendinga, skyldi ríða fram á
ritvöllinn (á bloggsíðu sinni) og koma
með hugmynd að því hvað væri best
að gera. Og hvað skyldi það nú vera?
„Nær hefði verið að fresta málinu um
fjögur til fimm ár.“ Jess.
Bíðum og Bíðum svo meir
Spurningin
„Já, það er að
sjálfsögðu skjálfti í
okkur. Við höfum
bjórinn Skjálfta
auk þess sem það
er skjálfti í fólki
vegna veðursins
um verslunar-
mannahelgina,“ sjónvarpsmaðurinn
góðkunni Magnús Hlynur Hreiðars-
son. Lára Ólafsdóttir sjáandi spáði því í
viðtali við Vikuna fyrir skemmstu að í
gær yrði stór jarðskjálfti á Íslandi.
magnús, er skjálfti
í sunnlendingum?
Sandkorn
n Útrásarvíkingar Íslands eru
sumir nú í óða önn að pakka
saman til að flýja land. Á meðal
þeirra sem eru á förum er Hall-
dór J. Kristjánsson, fyrrverandi
bankastjóri
Landsbank-
ans, sem
ber þung-
ar byrðar
ábyrgð-
ar vegna
Icesave og
óhóflegra
lánveitinga
til fyrirtækja tengdum Björgólfi
Guðmundssyni og Björgólfi
Thor. Hermt er að Halldór hafi
fengið bankastjórastöðu í Kan-
ada og verði þar næstu árin.
n Kollega Halldórs J. Kristjáns-
sonar, Hreiðar Már Sigurðsson
fyrrverandi forstjóri Kaupþings,
er einnig á förum, en í hina átt-
ina. Hann er á leiðinni til Lúx-
emborgar að
sögn til að
reka ráðgjaf-
arfyrirtæki.
Grunsemdir
eru þó uppi
um að hann
og félagi
hans, Sig-
urður Ein-
arsson, séu innvinklaðir í kaupin
á útibúi Kaupþings í Lúx og björt
framtíð, fjarri íslensku hruni,
bíði þeirra þar. Mikil gleði hefur
verið undanfarna daga á heimili
Hreiðars í Smáíbúðahverfinu
þar sem hvert kveðjupartíið af
öðru hefur verið haldið.
n Þeir feðgar Jón Bjarnason sjáv-
arútvegsráðherra og Ásgeir Jóns-
son, forstöðumaður greining-
ardeildar Kaupþings, hafa verið
áberandi í fjölmiðlum, hvor á
sínu sviði. Ásgeir, sem er einn
ábyrgðarmanna hrunsins, hélt
úti óábyrgum greiningum og
spám fyrir
Kaupþing.
En nú hefur
hann séð
að sér og
vill kaupa
aflausn með
ritun bókar
um ástæð-
ur hruns-
ins. Ásgeir fullyrðir, ef marka
má fjölmiðla, að í lok árs 2007
hafi Glitnir verið gangandi lík af
banka. Óljóst er hvaða einkunn
greiningarmeistarinn gefur eigin
banka.
n Magnús Þorsteinsson, með-
eigandi Björgólfanna að Sam-
son, var einna fyrstur til að flýja
Ísland. Staða hans er sú að hann
hefur verið úrskurðaður gjald-
þrota eftir að hafa ekki getað
staðið í skilum á Íslandi. Magn-
ús flúði til
Rússlands
þar sem
ekki væsir
um hann.
Og hann er
þar að vinna
sinni gömlu
þjóð gagn
því utanrík-
isráðuneytið hefur hann á skrá
sem heiðurskonsúl Íslands í St.
Pétursborg.
LyngháLs 5, 110 ReykjaVÍk
Útgáfufélag: Útgáfufélagið Birtíngur ehf.
Stjórnarformaður: hreinn Loftsson
framkvæmdaStjóri: elín Ragnarsdóttir
ritStjórar:
jón Trausti Reynisson, jontrausti@dv.is
og Reynir Traustason, rt@dv.is
fréttaStjórar:
Brynjólfur Þór guðmundsson, brynjolfur@dv.is
og Þórarinn Þórarinsson, toti@dv.is
auglýSingaStjóri:
ásmundur helgason, asi@birtingur.is
dv á netinu: dV.is
aðalnÚmer: 512 7000, ritStjórn: 512 7010,
áSkriftarSími: 512 7080, auglýSingar: 512 7050.
SmáauglýSingar: 515 5550.
umbrot: dV. Prentvinnsla: Landsprent. dreifing: árvakur.
dV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
„Glitnir var
gangandi lík.“
n Fullyrðir Ásgeir Jónsson,
forstöðumaður greiningardeildar Kaupþings, í
nýrri bók sinni um efnahagshrunið. - Fréttablaðið
„Það er stöðugur
straumur í
hjónabandsráð-
gjöf.“
n Þórhallur Heimisson, prestur og
hjónabandsráðgjafi, en hann segir kreppuna hafa
mjög neikvæð áhrif á mörg hjónabönd.- DV.is
„Ég hefði getað
orðið stór-
stjarna í Holly-
wood hefði ég
viljað það.“
n Ásdís Rán Gunnarsdóttir, sem hefur ekki
getað tekið þeim tilboðum sem henni bárust frá
Hollywood fyrr en nú vegna þess að hún hefur
verið með ungbörn á arminum undanfarin ár.
- DV
„...hélt að hjartað ætlaði út
úr bringunni á tímabili.“
n Valdís Þóra Jónsdóttir, 19 ára kylfingur úr
golfklúbbnum Leyni á Akranesi og nýkrýndur
Íslandsmeistari kvenna í höggleik. - Morgunblaðið
„Ég fer að grenja nánast á
fimm mínútna fresti.“
n Helga Margrét Þorsteinsdóttir, frjálsíþrótta-
kona sem var komin langleiðina með að landa
Evrópumeistaratitili unglinga þegar hún meiddist
um helgina. - Morgunblaðið
„Það er voða
pressa á manni
núna.“
n Lára Ólafsdóttir sjáandi
aðspurð um það nokkrum
klukkustundum fyrir 23.15 á mánudagskvöldi
hvort hún stæði enn við spá sína um mikinn
jarðskjálfta á sunnanverðu landinu. - DV.is
Friðhelgi heimila
Leiðari
reynir traustason ritstjóri skrifar. Björgólfur og fjölskylda hans eiga að hafa frið heima hjá sér.
14 þriðjudagur 28. júlí 2009 uMræða
bókStafLega
Áríðandi er að fólk missi ekki stjórn á sér í hita hrunsins og ofsæki fólk á heimilum þess. Undanfar-ið hefur verið algengt að unnin
hafi verið skemmdarverk á húsum stjórn-
málamanna, bankafólks og auðmanna.
Mótmælendur hafa skvett málningu og
kastað eggjum eða úrgangi að heimilum
fólks úr þessum stéttum. Auðvitað er það
öllum ljóst að margir þeirra sem um ræð-
ir bera mikla ábyrgð á hruninu. Það breyt-
ir þó ekki því að enginn hefur leyfi til þess
að rjúfa friðhelgi heimila þeirra. Þótt fyr-
irliggjandi sé að Davíð Oddsson, fyrrver-
andi forsætisráðherra og seðlabanka-
stjóri, sé höfundur þess kerfis sem hrundi
hefur enginn leyfi til þess að fara heim til
hans og valda skemmdum eða hafa uppi
ógnanir. Sama er uppi á tengingnum hvað
varðar Björgólf Guðmundsson, fyrrver-
andi aðaleiganda Landsbankans. Björg-
ólfur og fjölskylda hans eiga að hafa frið
heima hjá sér. Birna Einarsdóttir, banka-
stjóri Íslandsbanka, lýsti í helgarblaði DV
þeim ógnunum sem hún hefur sætt. Fólk
verður að huga að því að allir þeir ein-
staklingar sem um ræðir eiga fjölskyldur
sem verða fyrir barðinu á þeim sem sækja
að heimilum þeirra. Dómstóll götunnar
má ekki verða viðurkenndur. Þetta þýðir
ekki að það eigi að láta þá í friði sem lík-
legir eru til að eiga sök á hruninu. Eins og
sæmandi er í réttarríki á að fjalla um sem
flestar hliðar mála og rannsaka mál til hlít-
ar og leiða þá sem sekir virðast fyrir dóm.
Fólk verður að finna reiði sinni annan far-
veg en þann að vega að friðhelgi einka-
lífsins. Um leið og þjóðin fellst á annað er
siðrof orðið að veruleika á Íslandi. Reið-
in er ekki síst vegna þess að fólki ofbýður
aðgerðarleysið og tekur þá til eigin ráða.
Það verða þó að finnast aðrar leiðir til að
slökkva elda reiði og haturs. Stjórnvöld
geta lagt sín lóð á vogarskálarnar með því
að létta byrðar almennings með niðurfell-
ingu skulda. Þá getur réttarkerfið gert sitt
með því að taka markvisst á þeim málum
óráðsíumanna sem hæst ber.