Dagblaðið Vísir - DV - 28.07.2009, Blaðsíða 12
12 þriðjudagur 28. júlí 2009 fréttir
30 days
Apótekin & Heilsubúðirnar
www.leit.is · Smellið á ristilvandamál
Á gamla gamla verðinu.
30 days
Losnið við hættulega kviðfitu og
komið maganum í lag með því
að nota náttúrulyfin Oxytarm og 30
days saman.
Hamborgarabúlla
í Norður-Kóreu
Norður-Kóreumenn eru kannski
ekki bestu vinir Bandaríkjanna-
manna á pólitíska sviðinu en
þeir virðast kunna að meta mat-
argerð þeirra. Nú hefur fyrsti
hamborgarastaðurinn verið
opnaður í höfuðborginni Pjong-
jang. Heimamenn verða þó að
passa sig á því að biðja ekki um
hamborgara þar sem það þykir
of vestrænt. Í staðinn þurfa þeir
að panta „nautahakk í brauði“.
Þótt yfirleitt sé ekki mikill lúxus
yfir bandarískum hamborgara-
búllum er nýi hamborgarastað-
urinn ekki fyrir alla. Einn ham-
borgari kostar um 215 krónur
en það er um helmingur þeirrar
upphæðar sem meðaljóninn í
Norður-Kóreu þénar á dag.
Óhollir
kaffidrykkir
Dæmi eru um að kaldir kaffi-
drykkir innihaldi jafnmargar
hitaeiningar og heit máltíð.
Þetta er niðurstaða breskrar
rannsóknar sem unnin var af
krabbameinssamtökunum
The World Cancer Research
Fund. Í rannsókninni kom
fram að allt að 561 hitaein-
ingu væri að finna í sum-
um drykkjanna. Langflestir
drykkjana innihéldu yfir 200
hitaeiningar. Eru það sykur,
fiturík mjólk og rjómi, sem
eru vinsæl innihaldsefni í
kaffidrykkjunum, sem gera
þá óholla. Benda samtökin á
að 19 þúsund einstaklingar
sem greinast með krabba-
mein árlega gætu komið í veg
fyrir það með því að léttast og
borða hollari mat.
Afhöfðaði
son sinn
Þrjátíu og þriggja ára kona, bú-
sett í San Antonio í Bandaríkj-
unum, var handtekin í fyrradag
vegna gruns um að hafa myrt
þriggja vikna gamlan son sinn.
Konan stakk barnið til bana áður
en hún hjó höfuðið af því með
sveðju. Konan veitti sjálfri sér
áverka eftir ódæðið með hnífi
og var flutt á sjúkrahús. Líkam-
legt ástand hennar var ekki sagt
alvarlegt en talið er að hún eigi
við geðræn vandamál að stríða.
Sagði konan að morðið hafi ver-
ið skipun frá djöflinum.
Búist er við að svínaflensan geti haft
slæmar afleiðingar í för með sér fyr-
ir efnahagskerfi heimsins, svo ekki sé
talað um manntjón af völdum henn-
ar. En einn maður mun þó örugglega
græða dágóða fúlgu en það er doktor
Norbert Bischofberger – maðurinn
sem fann upp flensulyfið Tamiflu.
Tamiflu er eina lyfið sem gagnast í
baráttunni við svínaflensuna en það
var Bischofberger sem þróaði lyfið á
tíunda áratug síðustu aldar. Hann er
varaforseti Gilead, sem er bandarískt
lyfjafyrirtæki, og á fyrirtækið einka-
réttinn á Tamiflu. Fyrirtækið áfram-
selur það til svissneska lyfjarisans
Roche sem framleiðir og dreifir lyf-
inu.
Talið er að Bischofberger hafi
þénað tugi milljarða á hverju ári síð-
an lyfið kom fyrst á markað. En nú,
þegar flestar þjóðir í heiminum hafa
pantað tugi þúsunda skammta af lyf-
inu, fer auður hans aðeins stækk-
andi.
Bischofberger kann þó sjálfur
ekki að meta þá kenningu að hann
græði á svínaflensunni ef marka má
ummæli hans í þýsku blaðaviðtali.
Hann segir að það hafi verið blessun
að finna upp lyfið og vonast hann til
þess að það gagnist í baráttunni við
svínaflensuna. Hann segir vísindin
hafa hvatt sig áfram þegar hann fann
upp lyfið og peningar séu algjört
aukaatriði þegar líf þúsunda jarðar-
búa séu í hættu.
Sjö hundruð manns hafa látist
af völdum svínaflensunnar og býst
Bischofberger við að enn fleiri muni
láta lífið. „Ég held að ógnin sem staf-
ar af svínaflensunni sé meiri en ógn-
in sem stafar af mögulegri kjarnorku-
styrjöld.
einar@dv.is
Norbert Bischofberger þróaði flensulyfið Tamiflu:
Þénar vel á svínaflensu
Uppfinningamaður Bischofberger
þénar tugi milljarða á hverju ári í
gegnum uppfinningu sína, Tamiflu.
Bretland er það land í heiminum sem einna verst hefur farið út úr svínaflensunni
hingað til. Verði faraldurinn jafn mikill og spár gera ráð fyrir gætu læknar þurft að
vísa veiku fólki frá þar sem sjúkrahús í Bretlandi taka einungis við ákveðnum fjölda
fólks. Þetta þýðir að þeir sem eru veikir fyrir, svo sem krabbameinssjúklingar, gætu
þurft að deyja drottni sínum án þess að fá meðferð.
læKNAr ráði
Hverjir fá Að lifA
Yfir hundrað þúsund tilfelli svína-
flensu greindust í Bretlandi í síðustu
viku. 30 hafa látist en enn sem komið
er hafa einkenni flestra sem veikjast
verið tiltölulega væg; kvef, hiti og
hósti.
Breskir heilbrigðissérfræðingar
óttast þó að vírusinn geti stökkbreyst
með skelfilegum afleiðingum. Heil-
brigðisyfirvöld í Bretlandi hafa gert
viðbragðsáætlun sem gerir ráð fyr-
ir að helmingur Breta smitist. Ef allt
fer á versta veg gætu þúsundir Breta
látið lífið af völdum flensunnar og
margir þeirra án þess að fá meðferð.
Líknandi meðferð
Samkvæmt viðbragðsáætluninni
myndu 6.600 sjúklingar berjast um
aðeins 4.000 hjúkrunarpláss á gjör-
gæsludeildum. Er um að ræða deild-
ir með sérstakri loftræstingu fyrir
hvern og einn sjúkling og stöðuga
umönnun.
Til að leysa úr þessu vandamáli
þyrftu læknar því að meta hvern og
einn sjúkling og fengju þeir allra
veikustu ekki pláss og þar með enga
meðferð. Þeir fengju þá aðeins líkn-
andi meðferð og verkjatöflur til að
lina þjáningar sínar. Þarna er þó að-
eins verið að tala um þá einstaklinga
sem eru veikir fyrir, svo sem með
krabbamein, eða hjarta-, lungna-,
eða lifrarbilun.
Siðfræðilegt álitamál
Viðbragðsáætlunin var gefin út í
apríl, eða þegar fyrstu tilfelli svína-
flensunnar voru greind í Bretlandi.
Síðan þá hefur mikið vatn runnið til
sjávar og eru sérfræðingar enn að
átta sig á því hvernig vírusinn hegðar
sér. Enn sem komið er hafa einkenni
flestra sem veikjast verið væg en þeir
sem eru með undirliggjandi heilsu-
farsvandamál eru í meiri hættu en
þeir sem eru heilsuhraustir.
Carl Waldmann, sem er yfirmað-
ur gjörgæsludeilda sjúkrahúsa í Bret-
landi, segir að jafnvel þó fjöldi sjúkra-
rýma á gjörgæsludeildum í Bretlandi
yrði tvöfaldaður myndi ekki vera nóg
pláss handa öllum. „Það vill enginn
hugsa til þess að þetta gerist og sem
betur fer er enn langt þangað til, ef
þetta gerist á annað borð. Þetta er
mikið siðfræðilegt álitamál og hefur
vakið margar spurningar hjá lækn-
um.“
Rétt að búast við því versta
Tony Calland, formaður siðanefnd-
ar breska læknafélagsins, segist ef-
ast um að raunin verði eins og lýst er
í skýrslunni. En hann segir að jafn-
vel þó 25 prósent bresku þjóðarinn-
ar veikist myndi það valda miklum
vandræðum fyrir breska heilbrigðis-
kerfið. „Það er alveg rétt að gera ráð
fyrir því versta og það verður að taka
áætlunina alvarlega. En það verður
mjög óþægilegt fyrir lækna ef þeir
þurfa standa frammi fyrir slíkum
ákvörðunum. Að velja hver eigi að
lifa eða deyja,“ segir Calland.
Flugu með sjúkling til Svíþjóðar
Þó vandamálið, sem lýst er hér að
ofan, virðist fjarlægt hefur þurft að
flytja einn sjúkling úr landi vegna
plássleysis. Flogið var með Sharon
Pentleton, sem er ólétt, til Svíþjóðar
þar sem hún fékk sérhæfða meðferð
vegna sýkingar í öndunarfærum sem
rekja má til flensunnar. Ekki var pláss
fyrir hana á sjúkrahúsinu í heimabæ
hennar, Leicester, og því var þessi
ákvörðun tekin. Læknar telja helm-
ingslíkur á að hún nái sér að fullu.
EiNaR ÞóR SigURðSSoN
blaðamaður skrifar einar@dv.is
„Það er alveg rétt að
gera ráð fyrir því versta
og taka áætlunina al-
varlega.“
Svínaflensa Svo gæti
farið að læknar þurfi að
ákveða hverjir fá að lifa og
hverjir deyja.
MyNd aFP
Flutt til Svíþjóðar Sharon var flutt til
Svíþjóðar þar sem ekki var pláss fyrir
hana á sjúkrahúsinu í Leicester.
Oxy tarm
Apótekin & Heilsubúðirnar
www.leit.is · Smellið á ristilvandamál
Á gamla gamla genginu.
Oxy tarm
Endurnærir og hreinsar ristilinn
Allir dásama oxy tarmið