Dagblaðið Vísir - DV - 30.11.2009, Blaðsíða 18

Allt frá því vökulögin voru sett á sínum tíma hefur verið vaxandi skilningur á því í samfélaginu að bæta starfs-
aðstöðu fólks og koma í veg fyrir að
því skuli vera þrælað út. Reyndar voru
vökulögin upphaflega felld á þingi og
sagði einn forystumaður Sjálfstæð-
isflokksins síðar að það sem hann
skammaðist sín mest fyrir á stjórn-
málaferlinum væri að hafa greitt at-
kvæði gegn þeim í fyrstu atrennu.
Eins vel og vökulögin og seinni tíma löggjöf hafa reynst okkur er því ekki að neita að sífellt meiri áhersla á góðar starfs-
aðstæður og stuttan vinnutíma eru
smám saman að breyta íslensku þjóð-
inni í hálfgerða aumingja. Eða hvað
kallar maður breytinguna frá þeim
tíma þegar fólk stóð í vinnu í upp und-
ir sólarhring án þess að kvarta til þess
að nú má ekki láta ungt fólk vinna að
ráði og þingmenn ryðjast hver á fætur
öðrum í pontu Alþingis til að gráta
það að þeir hafi ekki fengið að kýla
vömbina á tilsettum tíma?
Nei, Svarthöfða er vissulega ofboðið. Hann hefur hugsað margt og mikið síðan hann sá í kvöldfréttum Stöðv-
ar 2 á laugardag hversu vinnufælnir
þingmenn eru orðnir. Því miður er
sumt af því ekki prenthæft og annað
ófrumlegt. Þess vegna hefur Svart-
höfði ákveðið að prenta ummæli
þingmannanna eins og þau
féllu þegar svengdin fór
að segja til sín. Og þó
Svarthöfði skilji að
þingmenn sæki í
kræsing- arnar
sem bornar eru fram í einu glæsi-
legasta mötuneyti landsins, mötu-
neytis þingmanna, þá sér hann ekki
betur en að þingmenn hefðu getað
sýnt af sér meiri manndóm en að
væla undan því að þurfa einu sinni
að bíða fram yfir hádegismat eftir því
að fá sér að borða. Sérstaklega í ljósi
þess hversu oft hann hefur séð tóma
þingsali vegna þess að þingmenn hafa
ekki séð sig knúna til að fylgjast með
umræðunni í þingsal heldur getað
farið á skrifstofu sína, í hliðarherbergi
Alþingis og jafnvel á veitingastaði og í
verslanir í nágrenni Austurvallar.
Margrét Tryggvadóttir sagði: „Nú er klukkan tíu mínút-ur í þrjú og við höfum ekki fengið neitt matarhlé, hef-
ur ekki verið gert neitt hlé á fundinum
svo þingmenn gætu matast.“
Birgitta Jónsdóttir bætti þessu við: „Mér finnst ferlega skrít-ið, ferlega skringilegt að það sé ekki matarhlé. Ég til dæm-
is er ekki búin að borða neitt síðan í
morgun, er frekar svöng. En þá verð
ég bara að skrópa og fara á mótmæla-
fundinn og, ef við fáum ekki hlé, og
koma með matinn inn í sal og svona.“
Illugi Gunnarsson mætti í ræðu-stól og hafði þetta að segja: „Jafnvel mætti á þeim fundi ræða tilhögun fundarhléa þannig að...
nú er nú svo að það er löngu lið-
inn matartími en við getum
séð fyrir okkur hér í kvöld
ef á að funda hér fram á
kvöldið hvort það
verði ekki
örugglega
kvöldverð-
arhlé.“
Ólöf Nordal var ekki minni manneskja og frá henni mátti heyra þetta: „En það hlýtur að vera alveg maka-
laus undantekning að forseti hæstvirt-
ur skuli ákveða það að fella hér niður
matarhlé þegar engin fyrirmæli eru
ennþá til um það hversu lengi fundir
eigi að standa.“
Pétur Blöndal hefur hingað til lagt meiri áherslu á sjálfs-bjargarviðleitni fólks en væl og gert sitt til að einfalda
kerfið. Hann sagði: „Þetta er nú dáldið
mikil óvissa að menn viti ekki einu
sinni hvort það er matarhlé eða hvort
það eigi að vinna til klukkan fimm eða
til klukkan sjö eða átta eða til tólf eða
til tvö eða þrjú eða hvað.“
Jón Gunnarsson velktist í engum vafa um alvöru málsins: „Hér hefur ítrekað verið farið fram á það að eðlilegt matarhlé verði
gert á þingfundi. Og forseti ákveður
það, hæstvirtur forseti ákveður það að
misbeita valdi sínu.“
Þorgerður Katrín Gunnars-dóttir sýndi samúð sína með lítilmagnanum: „Ég mæli nú reyndar með því að forseti
gefi þá kannski þingflokksformönn-
unum eitthvað að borða og nýti þá
tímann sem þeir funda. Allavega
finnst mér ekki veita af að til dæmis
þingflokksformaður okkar sjálf-
stæðismanna fái sér að-
eins matarbita, honum
veitir ekki af.“
Ég er svangur
Spurningin
„Við eigum miklu
meiri séns heldur
en við gerum
okkur grein fyrir.
Lífið er alltaf að
hvísla að okkur
spennandi
tækifærum og við
verðum bara að
hlusta,“ segir
Þorgrímur
Þráinsson rithöfundur.
Í nýjustu bók Þorgríms, 009, finnst Eva
Joly, ráðgjafi sérstaks saksóknara, myrt
í Bláa lóninu. Hún spilar stórt hlutverk í
rannsókninni á bankahruninu.
eigum við núna
einhvern sÉns?
„… höfum helst
viljað að hlutirn-
ir dyttu niður úr
skýjunum.“
n Kristján Jóhannsson stórsöngvari um
ófaglegt hugarfar Íslendinga oft á tíðum. Meðan
hann segir að frændur okkar Svíar skilji að
hlutirnir gerist ekki nema unnið sé í þeim.
„Þeir eru búnir
að sigla okkur til
helvítis þessi
kvikindi.“
n Kjartan „sægreifi“ Halldórsson sem hefur
ekkert sérstaklega mikið álit á útrásarvíkingum.
- DV
„Ég skal alveg
játa það að á
svörtustu
tímunum hafa
komið augnablik þar sem
ég hef íhugað sjálfsvíg.“
n Sverrir Jónsson sem talar opinskátt um
reynslu sína í helgarblaði DV. Hann er einn þeirra
fjölmörgu Íslendinga sem hafa misst allt sitt. - DV
„Hér hafa Sturluson og
Laxness og margir aðrir
skrifað og málað mikil og
stór verk.“
n Hosmany Ramos, dæmdi morðinginn sem
situr í gæsluvarðhaldi hér á landi, um að Ísland sé
land sköpunar. - DV
„… með nokkra lífverði
með sér og halarófu af
æstum aðdáendum.“
n Ásta Kristjánsdóttir sem rekur E-label en
stórsöngkonan Beyoncé keypti föt frá E-label í
Topshop nýlega. - Fréttablaðið
Skammastu þín, Steingrímur
Leiðari
Steingrímur J. Sigfússon fjármálaráð-herra og aðrir stjórnarliðar hafa ein-hliða ákveðið að afnema sjómanna-afslátt í áföngum. Þetta er dæmi um
valdníðslu af versta tagi og í anda þess sem
sjómenn hafa þurft að þola í gegnum tíð-
ina. Engin stétt í landinu hefur oftar þurft að
sæta því að lög hafa verið sett í vinnudeilum
þeirra. Þeir hafa ítrekað verið sviptir samn-
ingsrétti.
Ekki skal gert lítið úr því að um er að ræða
skattaafslátt. Og því verður heldur ekki hald-
ið fram að sjómenn eigi að njóta sérkjara í
þeim skilningi umfram aðrar stéttir í land-
inu. En það liggur fyrir að áratugum sam-
an hefur þetta kerfi verið við lýði. Sjómenn
hafa í dag afslátt sem nemur 1000 krónum
á dag. Hinn almenni skilningur er sá að það
sé vegna þess að þessi atvinnustétt er meiri-
hluta ársins fjárverandi frá heimilum sínum
og fjölskyldu. Sem einstaklingar nýta þeir
sér aðeins brot þeirrar samfélagsþjónustu
sem fólk í landi nýtur. Samt greiða þeir sömu
skatta og útsvar og allir aðrir.
Vandinn með sjómannaafsláttinn hef-
ur aftur á móti verið sá að stór hópur land-
krabba hefur notið hans til jafns við þá sem
eyða stórum hluta lífs síns á hafi úti. Þar er
um að ræða fólk sem lögskráð er á báta án
þess nokkru sinni að stíga um borð í skip.
Þetta er fólk sem starfar við að beita og er
verðlaunað eins og þeir sem á tyllidögum
kallast hetjur hafsins en eru þess í milli utan
þjónustusvæðis. Þarna hefði mátt taka til í
kerfinu.
Ruddaskapur fjármálaráðherra felst í til-
skipuninni. Hin lýðræðislega leið hefði ver-
ið sú að efna til þríhliða viðræðna um mál-
ið. Þar hefðu komið að borðinu sjómenn,
útgerðarmenn og stjórnvöld. Þá hefði ver-
ið hægt að ræða málin til hlítar. Hugsanlega
hefði útgerðin fallist á að fara sömu leið og
gerist í öðrum starfsgreinum og greitt sínum
mönnum dagpeninga vegna fjarvista. En á
það reynir ekki því ráðherrann ákveður að
traðka á rétti sjómanna og tekur áhættuna af
því að allsherjarverkfall skelli á.
Tekjur sjómanna eru afar misjafnar. En
ofurlaunum þeirra sem eru á aflahæstu skip-
unum er jafnan haldið á lofti. Færri tala um
þá láglaunamenn sem þurfa að framfleyta
sér á kauptryggingu. Fyrir lægstlaunuðu sjó-
menninna er kjaraskerðing upp á 300 þús-
und krónur á ári reiðarslag. Sjómannafslátt-
urinn er smámál með tilliti til sparnaðar
ríkisins. En hann er stórmál þegar litið er til
þess að hann er órofa hluti af kjörum stétt-
arinnar sem allajafna á ekki heimangengt
til að verjast. Um þessa grímulausu árás á
launakjör sjómanna er aðeins eitt að segja:
Skammastu þín, Steingrímur.
reynir TrausTason riTsTjóri skrifar. Þeir hafa ítrekað verið sviptir samningsrétti.
bókStafLega
18 mánudagur 30. nóvember 2009 umræða
Sandkorn
n Með kosningu Einars Skúla-
sonar sem oddvita Framsóknar-
flokksins í komandi kosningum
eru vonir sjálfstæðismanna um
áframhaldandi samstarf innan
meirihluta
borgar-
stjórnar
nánast að
engu orðnar.
Einar er af
flestum tal-
inn strang-
heiðarlegur
stjórnmála-
maður án þess að það skipti
máli í samhenginu. Hitt er verra
að hann er Reykjavíkurlistamað-
ur og mun leita til vinstri. Dagur
B. Eggertsson, leiðtogi Samfylk-
ingar, getur því fagnað.
n Í þessu liggja einnig þau
skilaboð að forysta Sigmundar
Davíðs Gunnlaugssonar, for-
manns Framsóknarflokksins,
veikist. Sigmundur var talinn
harður stuðningsmaður Óskars
Bergssonar,
sem mætti
pólitískum
örlögum
sínum á
laugardags-
morguninn
þegar stór-
sigur Einars
Skúlasonar
var staðfestur. Grasrótin hefur
því talað. Sigmundur Davíð er
hægra megin í Framsóknar-
flokknum og miklir kærleikar
milli hans og Bjarna Benedikts-
sonar, formanns Sjálfstæðis-
flokksins. Staða hans veikist í
réttu hlutfalli við sigur Einars.
n Skylmingar þeirra gömlu vina,
Jóns Baldvins Hannibalssonar,
fyrrverandi ráðherra, og Styrm-
is Gunnarssonar, fyrrverandi
ritstjóra, í Silfri Egils í gær voru
með hressilegra móti. Styrm-
ir hélt sig
við þann
málflutning
öfgaarms
Sjálfstæðis-
flokksins, að
með aðild að
ESB myndu
auðlindir
Íslendinga
falla í hendur útlendinga. Jóni
Baldvin var lítið skemmt undir
þeim málflutningi og sagði það
vera hið versta bull.
n Sérfræðingar í kremlarlóg-
íu kunna að telja að Þorgerður
Katrín Gunnarsdóttir hafi óbeint
skotið á Bjarna Benediktsson í
þætti Sigurjóns M. Egilssonar á
Bylgjunni á
sunnudag.
Hún sagði
að allir vissu
að formenn
fastanefnda
réðu engu
um Icesave
heldur réðu
Steingrímur
J. Sigfússon og Jóhanna Sigurð-
ardóttir. Minnti þetta á að Bjarna
hefur verið talið til tekna að stýra
allsherjarnefnd af festu á tím-
um fjölmiðlafrumvarpsins. En
kannski bara sem framlenging
Davíðs Oddssonar.
LyngHáLs 5, 110 REykJavÍk
Útgáfufélag: Útgáfufélagið Birtíngur ehf.
Stjórnarformaður: Hreinn Loftsson
framkvæmdaStjóri: sverrir arngrímsson
ritStjórar:
Jón Trausti Reynisson, jontrausti@dv.is
og Reynir Traustason, rt@dv.is
fréttaStjórar:
Brynjólfur Þór guðmundsson, brynjolfur@dv.is
og Þórarinn Þórarinsson, toti@dv.is
auglýSingaStjóri:
Elísabet austmann, elisabet@birtingur.is
dv á netinu: dv.is
aðalnÚmer: 512 7000, ritStjórn: 512 7010,
áSkriftarSími: 512 7080, auglýSingar: 512 7050.
SmáauglýSingar: 515 5550.
umbrot: dv. Prentvinnsla: Landsprent. dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.