Dagblaðið Vísir - DV - 30.11.2009, Síða 23

viðtal 30. nóvember 2009 mánudagur 23
hann pólitískur oddviti Sjálfstæðis-
flokksins þar á bæ. En hvernig hef-
ur þessi tími verið? „Hann er bú-
inn að vera blanda af erfiðleikum
og árangri. Þessi tími er búinn að
vera með þeim erfiðari fyrir okkar
svæði. Ég kem ári eftir snjóflóðin
miklu á Súðavík og Flateyri. Þegar
ég byrja sem bæjarstjóri erum við
enn að takast á við það. Þá eru líka
sex sveitarfélög nýbúin að samein-
ast og Guðbjörgin sem hafði verið
tákn á Ísafirði var þá nýfarin. Það
voru miklir erfiðleikar í atvinnu-
lífi og staðan gríðarlega þung hjá
þessu sameinaða sveitarfélagi,“
segir hann.
Mætti láta
landsbyggðina í friði
„Mér finnst alveg með ólíkindum
hversu vel hefur tekist til,“ segir
Halldór þegar hann lítur yfir tím-
ann sinn í bæjarstjórastólnum.
„Þarna var ofboðsleg fækkun starfa.
Fyrirtækin sem hafa orðið til síðan
þá í sjávarútvegi eru að gera gríðar-
lega góða hluti hjá okkur. Það hefur
hjálpað mikið ásamt öðrum verk-
efnum. Ég er til dæmis mjög stolt-
ur af þróunnarsetri og háskóla-
setri Vestfjarða. Þar vinna um 50-60
manns og ætli nemendur séu ekki
um 120-130. Því höfum við náð við-
spyrnu á mörgum sviðum.“
Hann segir að vænlegur kostur
fyrir framtíðina væri að landsbyggð-
in mætti vera meira í friði. „Eins og
til dæmis með sjávarútveginn. Það
er alltaf verið að hræra í honum. Að
þurfa að glíma við sífellda duttlunga
á Alþingi er ekkert gott fyrir okkur.
Í dag eru nú einfaldlega of marg-
ir á Alþingi sem eiga ekkert erindi
þangað inn og gera meiri skaða en
gagn. Svo er það miðstýringin sem
er meiri á Íslandi en þekkist annars
staðar. Mestöllu er stjórnað úr bæn-
um sem er að mörgu leyti eðlilegt
því við erum svo lítil þjóð. Það kem-
ur sér samt illa fyrir landsbyggðina
að mínu mati.“
Vestfirðir eiga
fraMtíðina fyrir sér
Það er ekkert launungarmál að
flóttinn frá Vestfjörðum hefur verið
mikill. Sífellt er talað um að byggð-
inni sé að hnigna og Halldór er ekki
blindur fyrir því. „Ég held að við höf-
um einhverntíma verið með 15% af
íbúm landsins á Vestfjörðum en í
dag eru ekki nema um 3% þjóðar-
innar þarna. Þar komum við aftur
að miðstýringunni. Mér finnst við í
sveitarfélögunum ekki hafa fengið
næg tækifæri til þess að takast á við
okkar eigin mál sjálf. Þess vegna er
ég til dæmis mjög hlynntur samein-
ingu sveitarfélaga,“ segir hann en er
viss um að hlutirnir eigi eftir að snú-
ast við.
„Uppbygging háskólaseturs og
betri samgöngur eru samt eitthvað
sem mun efla byggðina mikið. Ég
er á því að byggð á Vestfjörðum eigi
framtíðina fyrir sér. Ég tel að við
komum að þeim punkti að dæmið
eigi eftir að snúast við. Búsetuskil-
yrði þarna eru góð með tilliti til svo
margs að ég tel að fólk muni sækja í
að búa þarna,“ segir Halldór.
tólf ár alVeg nóg
Í maí á næsta ári ganga landsmenn
til sveitarstjórnakosninga en þar
mun vanta nafn Halldórs á lista
Sjálfstæðisflokksins í Ísafjarðarbæ.
Hann verður þá búinn að vera bæj-
arstjóri í tólf ár og það finnst honum
nóg í bili. „Ég tel að tólf ár séu alveg
nægur tími í þessu. Þetta er ekki eitt-
hvað sem maður á að reyna að gera
að ævistarfi. Stundum á maður bara
að standa upp, loka einum dyrum
og opna nokkrar aðrar. Ég útiloka
samt ekkert í pólitík. Hvort sem það
sé að bjóða mig fram til Alþingis eða
fara í bæjarstjórastarf annars staðar.
Meira að segja fara bara í eitthvað
allt, allt annað,“ segir hann.
Hann verður alvarlegur á brún
aðspurður hvort hann sé að flýja.
„Ég hef ekkert að flýja. Fólk þarf ekki
annað en að skoða stöðu Ísafjarðar-
bæjar. Ef menn gera samanburð á
henni miðað við þegar ég tók við og
í dag þá er ekki hægt að segja annað
en ég og við höfum gert mjög góða
hluti. Þrátt fyrir fólksfækkunina
erum við að halda uppi sömu þjón-
ustu og jafnvel betri. Sveitarstjórn-
arfólk um allt land treystir mér til
þess að leiða Samband íslenskra
sveitarfélaga sem formaður en ég er
fyrsti landsbyggðarmaðurinn í rúm-
lega 60 ára sögu sambandsins. Fólk
í öðrum sveitarfélögum hefur einn-
ig fylgst með okkur hvernig við ger-
um hlutina og nokkrir hafa sýnt því
áhuga að ég komi til þeirra,“ segir
hann ákveðinn en svo gæti farið að
konan hans taki við af honum. „Það
hefur allavega verið skorað á hana af
sjálfstæðisfólki á í Ísafjarðarbæ. Ég
er samt ekkert að víkja fyrir henni.
Ég tók ákvörðunina um að hætta
við upphaf þessa kjörtímabils þótt
ég segði ekki neinum frá því nema
mínum nánustu samstarfsfélögum.
Að vera áfram á Ísafirði er samt allt-
af fyrsti valkostur þótt ég sé þakklát-
ur fyrir það traust sem menn eru að
sýna mér með því að hafa samband
við mig úr öðrum sveitafélögum að
bjóða mér að koma þangað,“ segir
Halldór.
Hefði Viljað
fraMkVæMa Meira
Að lokum er spurt um eftirsjána.
Hvað er það sem hefði betur mátt
fara í hans bæjarstjóratíð? „Ég hefði
viljað að það hefði tekist betur til í
enduruppbygginu atvinnulífs-
ins. Þá sérstaklega að halda þeim
aflaheimildum eftir þau áföll sem
urðu. Þá sérstaklega hefðum við
viljað halda þeim aflaheimildum í
byggðarlaginu sem tilheyrðu Bása-
felli á sínum tíma. Við gátum ekki
og höfðum engin áhrif á það því við
áttum bara einhvern sjö prósenta
hlut. Mér fannst það samt fara allt
of illa,“ segir Halldór og viðurkenn-
ir einnig að hann hefði viljað geta
gert meira í framkvæmdum.
„Það er mikil framkvæmdaþörf
í Ísafjarðarbæ og þar hefði ég vilj-
að gera meira. Við áttum að klára
viðbyggingu við Grunnskólann á
Ísafirði 1998 en gerðum það ekki
fyrr en í fyrra. Við fórum þar bráða-
birgðaleiðir. Þegar öllu er á botninn
hvolft er samt betra að fara varlega í
fjármálum heldur en að geta bennt
á eitthvað risamannvirki og sagt
þetta gerðum við og vera svo með
skuldir úti um allt,“ segir Halldór
Halldórsson, bæjarstjóri Ísafjarð-
arbæjar
tomas@dv.is
„Ég hef ekkert að flýja“
„Í dag eru nú
einfaldlega of
margir á alþingi
sem eiga ekkert
erindi þangað
inn og gera meiri
skaða en gagn.“
„Ég tel að tólf ár sÉu alveg
nægur tÍmi Í þessu. þetta er ekki
eitthvað sem maður á að reyna
að gera að ævistarfi.“
Betulic birkilaufstöflurnar innihalda 98% birkilaufsduft
og eru framleiddar af natni með aðferð sem varðveitir
upprunalega eiginleika birkilaufs sem allra best.
Það er mikil og gömul hefð fyrir því að nota birkilauf sem
fæðubótarefni til að hraða efnaskiptum og losa vatn úr
líkamanum, draga úr bólgum og afeitra líkamann (detox).
Birkilauf hefur góð áhrif á bæði vökvajafnvægi líkamans og húð,
auk þess sem það örvar starfsemi nýrna og þvagfæra.
Ráðlagður dagskammtur 2 til 4 töflur er samsvarar 980 - 1960 mg. af
birkilaufi. Betulic inniheldur hvorki laktósa, glúten, sætuefni né ger.
BETULIC - BIRKILAUF
www.birkiaska.is
Endurnærir og hreinsar
ristilinn Allir dásama
OXYTARM - Í boði eru
60-150 töflu skammtar
Betri apótekin og Maður lifandi www.sologheilsa.is
OXYTARM
OXYTARM
Betri apótekin og Maður lifandi www.sologheilsa.is
30 days
Losnið við hættulega
kviðfitu og komið maganum
í lag með því að nota
náttúrulyfin Oxytarm og
30 days saman
120 töflu skammtur
30days
Umboðs- og söluaðili
Birkiaska ehf.
sími: 551 9239
www.birkiaska.is
Birkilauf