Dagblaðið Vísir - DV - 16.12.2009, Blaðsíða 18

18 MIÐVIKUDAGUR 16. desember 2009 JÓLAGJAFIR
ÍSLENSKT DVD
FYRIR FJÖL-
SKYLDUNA
FYRIR PABBA
HEILSUBÆLIÐ
Eitt allra fyndnasta sjónvarpsefni
í sögunni. Þegar sonurinn vitnar
í karaktera eins og Ólaf Ragnar
og Georg Bjarnfreðarson reynir
pabbinn alltaf að trompa það með
góðum Saxa eða „hæ, litli“. Pabbi
þarf enga Fangavakt þegar hann
getur sökkt sér í vitleysingana
í Heilsubælinu. Kokkinn með
hvítlaukinn, Saxa, þreifna prestinn
og alla hina. Svo má ekki gleyma
Jóni Péturssyni lækni. Fór í banka,
ekki banka.
FYRIR MÖMMU
ÁSTRÍÐUR
Loksins kom alvöru sería fyrir
mömmurnar. Svar Íslendinga við
Beðmálum í borginni. Hvaða kona
sem er getur kúrt sig undir teppi
milli jóla og nýárs og farið aftur yfir
líf Ástríðar sem er aldrei gallalaust.
Sería sem sló rækilega í gegn í
sumar og er um að gera að fara yfir
þættina aftur áður en næsta sería
verður gerð.
FYRIR STRÁKINN
ATVINNUMENN-
IRNIR OKKAR
Frábært sjónvarpsefni sem fékk
mjög góða dóma hjá DV. Fylgst
er með
skærustu
íþróttahetj-
um okkar
Íslendinga í
leik og starfi.
Farið yfir
hvernig þeir
búa, æfa og
lifa í hörðum
heimi
atvinnumennskunnar. Sannkallað-
ar fyrirmyndir sem allir geta litið
upp til. Tilvalið fyrir strákinn til að
sjá hvert er hægt að ná haldi menn
rétt á spilunum.
FYRIR STELPUNA
STELPURNAR
OKKAR
Fótbolti er töff. Líka hjá stelpum.
Íslenska kvennalandsliðið í knatt-
spyrnu sá svo rækilega til þess með
glæstum ár-
angri sínum
á síðasta ári.
Þar léku þær
fyrst allra
A-landsliða í
knattspyrnu
á stórmóti.
Í myndinni
er fylgst
með leið
stelpnanna á mótið, sigrum og
sorgum. Af þessari klassamynd
verður enginn svikinn, sérstaklega
ekki stelpan á heimilinu.
Gríðarleg gróska er í íslenskri hönnun sem er á heimsmælikvarða. Íslenskt er í tísku
enda fátt betra að gefa eða þiggja en fallega íslenska gjöf. DV tók saman nokkur flott
dæmi en nánast endalaust er til af íslenskri hönnun víða um land.
Íslenskt
er móðins
„Hugmyndir að fatalínunum koma úr ýmsum áttum en það sem hefur langmest
áhrif á mig er íslensk náttúra og veðurfar. Ég upplifi ákveðna stemningu í
náttúrunni og reyni að yfirfæra hana á fötin,“ segir Ásta Guðmundsdóttir hjá
ásta créative clothes á Laugavegi 15.
Ásta notar gjarnan íslenska ull og nýtur þess að gera ýmsar tilraunir með ullina
til þess að ná fram nýrri áferð og stemningu. „Það sem einkennir meðal annars
íslenska náttúru er andstæðurnar, hið hrjúfa og hráa á móti hinu mjúka og
ferska. Þessu reyni ég að ná fram með því að blanda saman grófri ull og fínu
silki í sömu flíkinni. Veðurfarið hefur mikil áhrif á okkur á Íslandi, mótar okkur og
landið okkar. Ég vil að fötin líti út eins og þau séu veðruð, eins og steinvölurnar
sem veltast um í fjöruborðinu. Eða skorurnar sem myndast í jarðveginum eftir
storm og hríð. Annað stórt áhugamál mitt er leikhús. Það læðist oft leikhús í
fötin mín, smá dramatík, húmor eða lítið ævintýri. 
Ég vil að konum líði vel í fötunum mínum og þau undirstriki kvenleika þeirra og
persónuleika.“
LAGLEGAR LOPAPEYSUR
Bókaradaman og prjónasnillingurinn Brynja Björk hefur prjónað frá því hún var lítil.
Vörur hennar hafa ekki sést mikið í búðum á Reykjavíkursvæðinu en orðspor hennar
fer vaxandi - hér heima og erlendis. Hún er með fésbókarsíðu þar sem hægt er að
skoða verk hennar, allt frá fallegum sokkum upp í glæsilegar peysur. Vörur Brynju eru
miklu ódýrari en sambærileg verk og kostar lopapeysa á 2-4 ára aðeins fjögur þúsund
krónur.
KÚL KERTASTJAKI
Stefán Pétur Sólveigarson hannaði þennan
glæsilega kertastjaka sem hann kallar Skrauta.
Það verður enn meira kósí í stofunni þar sem
Skrauti er. Stefán hefur einnig slegið í gegn
með spilastokkunum sínum.
DALVÍKURSLEÐINN
Dalvíkursleðinn er byggður á gamalli
erkitýpu af sleða. Hönnun hans miðar að
því að fanga nytjahlut úr fortíðinni og færa í
nýjan búning.
Sleðar voru smíðaðir á Dalvík sem og víðar
í stórum stíl á árum áður, ýmist í heima-
húsum eða á tréverkstæðum. þeir þjónuðu
jafnt yngstu kynslóðinni til leiks sem og
til að létta fólki ýmsa flutninga í þungri
vetrarfærð.
Dalvíkursleðinn er hannaður af Dalvík-
ingnum Degi Óskarssyni vöruhönnuði,
framleiddur af Promens á Dalvík og fæst í
Birkilandi. Hann kostar 12.900 krónur.
KÓSÍKVÖLD
Í REYKJAVÍK
Í Reykjavíkurljósinu, sem fæst í Kokku,
varpa mörg af þekktustu kennileitum
höfuðborgarinnar skuggum sínum
á pergamentskerm svo að úr verður
lifandi borgarmynd.
Ljósið kemur ósamsett í fallegum
gjafakassa og samanstendur af
stöðugri botnplötu, útskorinni
álþynnu og pergamentskermi. Góðar
og afar einfaldar leiðbeiningar og
aukaskermur fylgja með. Svo er þetta
svo ódýrt - 4.500 krónur.
THORS HAMMER
Thors Hammer wristbands var stofnað af Einari Thor. Nokkrum árum áður var hann
að vinna sumarvinnu í Húsgagnahöllinni og fékk mikið af leðurprufum sent til sín.
Hans var vitjað í draumi af frænda sínum Gísla Súrssyni og tók eftir leðuról sem
frændi hans bar. Einar stal nokkrum leðurprufum og nokkrum mánuðum síðar varð
til vörumerkið Thors Hammer wristbands. Með Gísla sem innblástur ákvað Einar að
hvert band myndi bera nafn úr goðafræðinni, eins og Mjolnir, Thor og Odin, þeim til
heiðurs. Thors Hammer-armböndin eru með þeim dýrari sem eru í boði, og er góð
og gild ástæða fyrir því.
FJÖLNOTA FÖT
Steinunn og Brynjar í Emami hafa hitt naglann á höfuðið. Allar konur elska fötin
þeirra. Emami leggur áherslu á að skapa glæsilegan fatnað sem byggir á sömu hug-
mynd og kjóllinn sem kom frá þeim fyrst; gæðum, fjölbreytileika og framúrstefnulegri
hönnun. Nýja línan er að slá í gegn, ekki bara hér á Íslandi heldur víða um heim.
Fyrsta verslun Emami á Íslandi var opnuð á Laugavegi 66.
KASYDESIGN
Katrín Sylvía Símonardóttir hannar
flotta eyrnalokka, hringa og það
nýjasta er grifflur sem eru að slá í
gegn. Hægt er að kaupa í gegnum
kasydesign@gmail.com.