Dagblaðið Vísir - DV - 16.12.2009, Blaðsíða 4

4 MIÐVIKUDAGUR 16. desember 2009 FRÉTTIR
www.eirberg.is • 569 3100 • Stórhöfða 25
Airfree lofthreinsitækið
Byggir á nýrri tækni sem eyðir
• Svifryki, myglusveppi og ólykt
• Gæludýraflösu og bakteríum
• Vírusum og öðrum örverum
• Er hljóðlaust og viðhaldsfrítt
• Tilvalið á heimilið og skrifstofuna
Hæð aðeins 27 cm
Betra loft
betri líðan
Opið laugardaga til jóla kl. 11-16
„Það er ágreiningur um greiðslu fyrir
múrverk á heimili mínu,“ segir Helgi
Hjörvar, þingmaður Samfylkingarinn-
ar.
Verktakafyrirtækið Húsaklæðning
ehf. hefur höfðað mál á hendur Helga
þar sem menn þar á bæ telja að hann
hafi ekki greitt að fullu fyrir breyting-
ar sem fyrirtækið gerði á heimili hans
á Hólavallagötu í miðbæ Reykjavík-
ur. Málið var þingfest í Héraðsdómi
Reykjavíkur á mánudag.
„Við teljum okkur vera búin að
borga reikninginn en sá sem var með
verkið telur sig eiga að fá meira greitt.
Okkur hefur ekki enn þá tekist að leysa
það,“ segir Helgi. Hann segist hafa ráð-
ist í framkvæmdirnar vegna stækkun-
ar fjölskyldu sinnar og hann hafi þegar
greitt fyrirtækinu eina og hálfa milljón
króna. Fyrirtækið hafi hins vegar krafið
hann um rúmar tvær milljónir króna
og um það snúist málið. „Ég vona að
það leysist úr þessum ágreiningi,“ seg-
ir Helgi.
Eyjólfur Matthíasson, einn eig-
enda Húsaklæðningar, segir í sam-
tali við DV að undirverktaki hafi sinnt
verkinu fyrir fyrirtækið. Það liggi fyr-
ir að Helgi skuldi fyrirtækinu peninga
vegna verksins. „Helgi var alltaf enda-
laust að bæta við og svo neitaði hann
að borga,“ segir hann. „Þetta er búið að
vera lengi í bígerð og er bara leiðinda-
mál,“ segir Eyjólfur en framkvæmdir
við stækkun hússins hófust fyrir um
tveimur árum. Aðalmeðferð í málinu
fer líklega fram eftir áramót. einar@dv.is
Helgi Hjörvar Verktaki segir að Helgi hafi ekki greitt að fullu fyrir verkið .
Deilt um greiðslu vegna stækkunar á húsi Helga Hjörvar:
Þingmanni stefnt fyrir dóm
Sífellt yngri börn
eignast farsíma
Börn eru nú yngri þegar þau
fá fyrsta farsímann og algengt
er að þau noti netið í gegnum
farsíma. Að öllum líkindum má
rekja það til aukinnar notkun-
ar 3G-farsíma. Þetta er útkoma
nýrrar könnunar SAFT - Sam-
félags, fjölskyldu og tækni, sem
er vakningarátak um örugga og
jákvæða netnotkun barna og
unglinga á Íslandi, í samstarfi
við Heimili og skóla. Könnunin
sýnir að flest börn fá farsíma á
aldrinum 8 til 11 ára en aukning
hefur orðið á farsímaeign yngstu
kynslóðarinnar.
Rauð jól í
höfuðborginni
Flest bendir til þess að jólin
verði rauð á höfuðborgarsvæð-
inu en hvít
fyrir norð-
an. Þetta
segir Einar
Sveinbjörns-
son veður-
fræðingur
á bloggsíðu
sinni, Veð-
urvaktinni.
Einar tekur þó fram að hugsan-
lega geti snjóað á sunnanverðu
landinu rétt fyrir jól. „Yfirgnæf-
andi líkur eru á því að það snjói
nokkuð norðan- og austanlands
til jóla og einnig að sá snjór
haldi, því alvöru bloti eða þíða
er næsta óhugsandi eins og stað-
an er nú. Þó svo að flest bendi til
þess að veðráttan haldist alveg
þurr sunnan- og suðvestanlands
er meira vafamál hvað gerist
síðustu dagana fyrir jól, hæglega
gæti sett niður einhvern snjó, en
hvar og hvenær er ómögulegt að
geta sér til um fyrr en nær dreg-
ur,“ segir Einar.
Nágrannar af-
stýra ránum
Svo virðist sem öflug ná-
grannavarsla sé nú í Hlíða-
hverfinu í Reykjavík en í
tvígang hefur lögreglan á höf-
uðborgarsvæðinu handtek-
ið þar innbrotsþjófa eftir að
íbúar í hverfinu tilkynntu um
grunsamlegar mannaferðir. Í
báðum tilvikum, á föstudag-
inn og um þarsíðustu helgi,
var um að ræða innbrot í Há-
teigsskóla þar sem skjávörp-
um var stolið.
Flest bendir til þess að lítil endurnýjun verði í efstu sætum framboðslista Sjálfstæð-
isflokksins fyrir borgarstjórnarkosningarnar í vor. Þetta vekur furðu margra í ljósi
mikillar óánægju í grasrót flokksins undanfarin misseri vegna REI-málsins, sundur-
lyndis og óstöðugleika í borgarstjórn á kjörtímabilinu.
Frestur til að tilkynna þátttöku í próf-
kjöri Sjálfstæðisflokksins fyrir borg-
arstjórnarkosningarnar næsta vor
rann út síðdegis í gær. Prófkjörið
sjálft verður haldið 23. janúar næst-
komandi.
Ekki er að sjá að neinn bjóði sig
fram gegn Hönnu Birnu Kristjáns-
dóttur í efsta sæti listans, en allt
stefnir í harðan slag um annað sæti
og næstu sæti þar á eftir.
Meðal þeirra sem sækjast eftir
öðru sæti listans eru Geir Sveinsson,
Gísli Marteinn Baldursson og Júlíus
Vífill Ingvarsson, Kjartan Magnússon
og jafnvel Þorbjörg Helga Vigfúsdótt-
ir. Fleiri kunna að blanda sér í þann
slag. Allt eru þetta núverandi borg-
arfulltrúar nema Geir Sveinsson sem
tilkynnti framboð sitt í gær.
Degi fyrr tilkynnti Vilhjálmur Þ.
Vilhjálmsson, fyrrverandi borgar-
stjóri og oddviti sjálfstæðismanna
í Reykjavíkurborg, að hann hygðist
ekki sækjast eftir sæti á framboðs-
listanum í vor. Þess má geta að Geir
Sveinsson er tengdasonur Vilhjálms
og nýtur stuðnings hans.
Súpa enn seyðið af REI
Það er mál sjálfstæðismanna, sem
DV hefur rætt við, að ekki hafi gró-
ið um heilt eftir að hópur undir for-
ystu Hönnu Birnu, Gísla Marteins
og Þorbjargar Helgu fór gegn Vil-
hjálmi í REI-málinu árið 2007. Þótti
svonefndum sexmenningahópi sem
borgarstjórinn hefði ekki nægjan-
legt samráð við borgarstjórnarflokk
Sjálfstæðisflokksins í málinu. Hóp-
urinn stillti í raun Vilhjálmi upp við
vegg og kvartaði yfir framferði hans
við Geir H. Haarde þáverandi forsæt-
isráðherra og formann Sjálfstæðis-
flokksins.
Sexmenningarnir vildu að Vil-
hjálmur viki en voru ekki á eitt sáttir
um hver taka ætti við af honum. Ljóst
er að Vilhjálmur varð undir í REI-
málinu gagnvart sexmenningunum.
Niðurstaða málsins var að stefnu-
breyting sjálfstæðismanna í REI-
málinu varð loks til þess að upp úr
meirihlutasamstarfi þeirra og Björns
Inga Hrafnssonar, Framsóknarflokki,
slitnaði og meirihlutinn féll.
Ofangreind atburðarás vakti
óánægju í grasrót flokksins. Margir
ætluðu að í fyllingu tímans yrði meiri
endurnýjun á listanum en raun ber
vitni.
Ánægja með Hönnu Birnu
Nú hafa veður skipast í lofti. Hanna
Birna, sem verið hefur borgarstjóri
síðan í ágúst í fyrra, nýtur trausts
meirihluta borgarbúa. Samkvæmt
niðurstöðum nýrrar könnunar
Capacent fyrir Sjálfstæðisflokkinn
eru 64 prósent borgarbúa frekar
eða mjög ánægð með störf Hönnu
Birnu í embætti borgarstjóra. At-
hygli vekur að helmingi fleiri karl-
ar en konur segjast mjög ánægðir
með störf hennar. Úrtak Capacent
var á tólfta hundrað íbúar borgar-
innar.
Fyrir tæpu ári sýndi Þjóðarpúls-
könnun að 54 prósent voru ánægð
með Dag B. Eggertsson sem borg-
arstjóra. Með sambærilegri fram-
setningu og í Capacent-könnun-
inni nú voru yfir 70 prósent frekar
eða mjög ánægð með störf Dags B.
Eggertssonar fyrir tæpu ári.
Ekkert öruggt
Sjálfstæðismenn, sem DV hefur rætt
við, velta því nú fyrir sér hvort fram-
boð Geirs Sveinssonar kunni að reka
fleyg í raðir sitjandi borgarfulltrúa.
Þar þykir mestu máli skipta að Geir
er eini nýi frambjóðandinn í efstu
sætum listans. Samkvæmt heimild-
um DV fer Geir fram að vandlega at-
huguðu máli og á eigin forsendum.
Einn heimildarmaður innan úr Sjálf-
stæðisflokknum orðaði það svo að
Geir væri reyndur fyrirliði.
Aðrir sem blanda sér í baráttuna
um örugg sæti á listanum eru Áslaug
Friðriksdóttir, formaður Hvatar, Jór-
unn Frímannsdóttir og Marta Guð-
jónsdóttir, formaður Varðar, en hún
sækist eftir þriðja sæti listans.
JÓHANN HAUKSSON
blaðamaður skrifar: johannh@dv.is
GEIR STORMAR
INN Á VÖLLINN
Prófkjör Sjálfstæð-
isflokksins í Reykja-
vík 23. janúar 2010:
Áslaug María Friðriksdóttir,
framkvæmdastjóri
Benedikt Ingi Tómasson,
verkefnastjóri
Björn Gíslason, slökkviliðsmaður og
varaborgarfulltrúi
Elínbjörg Magnúsdóttir,
fiskverkakona
Emil Örn Kristjánsson, leiðsögumaður
Geir Sveinsson,
sjálfstæður atvinnurekandi
Gísli Marteinn Baldursson,
borgarfulltrúi
Hanna Birna Kristjánsdóttir,
borgarstjóri
Hildur Sverrisdóttir, lögfræðingur
Jóhann Páll Símonarson, sjómaður
Jórunn Frímannsdóttir,
borgarfulltrúi og hjúkrunarfræðingur
Júlíus Vífill Ingvarsson, borgarfulltrúi
Kjartan Magnússon, borgarfulltrúi
Kristján Guðmundsson, húsasmiður
Marta Guðjónsdóttir,
formaður Varðar
Ragnar Sær Ragnarsson, leikskóla-
kennari og varaborgarfulltrúi
Þorbjörg Helga Vigfúsdóttir,
borgarfulltrúi
Þorkell Ragnarsson, sölufulltrúi
Ofangreind atburðarás
vakti óánægju í grasrót
flokksins. Margir ætl-
uðu að í fyllingu tímans
yrði meiri endurnýjun
á listanum en raun ber
vitni.
Geir Sveinsson Geir er kvæntur Jóhönnu dóttur Vilhjálms Þ. Vilhjálmssonar sem
ákveðið hefur að draga sig í hlé eftir 28 ára starf í borgarstjórn.