Dagblaðið Vísir - DV - 11.01.2010, Blaðsíða 8

Dagblaðið Vísir - DV - 11.01.2010, Blaðsíða 8
8 MÁNUDAGUR 11. janúar 2010 FRÉTTIR Enn loga harðvítugar deilur hjá Brunavörnum Árnessýslu. Nýjasta útspil Krist- ­jáns­Einarssonar slökkviliðsstjóra er að skrá slökkviliðsmenn, sem hætt höfðu hjá embættinu, á útkallslista Neyðarlínunnar án þeirra samþykkis. Mennirnir fund- uðu fyrir helgi og mikinn hita er að finna hjá útkallshópnum. SKRÁÐIR Í ÚTKALL GEGN VILJA SÍNUM Kristján Einarsson, slökkviliðs- stjóri Brunavarna Árnessýslu, sannfærði forsvarsmenn Neyðar- línunnar um að halda inni fjölda slökkviliðsmanna á útkallslista sem hætt höfðu hjá embættinu. Vandi stjórans er sá að hann fékk ekki samþykki mannanna sem eru brjálaðir út í Kristján vegna máls- ins. Um áramótin sameinaðist slökkvilið Þorlákshafnar emb- ætti Kristjáns og stýrir hann hinu sameinaða embætti. Af tuttugu slökkviliðsmönnum frá Þorláks- höfn sóttust aðeins sjö eftir starfi hjá Kristjáni. Flestir hinna þrett- án vildu ekki koma vegna ósætt- is við hann vegna eldri deilumála en það breytti því ekki að Kristján hélt þeim inni á útkallslista Neyð- arlínunnar. Hinir óánægðu fund- uðu fyrir helgi þar sem hiti var í mönnum. Meðal þeirra er fráfar- andi slökkviliðsstjóri í Þorláks- höfn, Guðni Þór Ágústsson, sem fyrir ári sagði starfi sínu lausu sök- um aldurs. Virkilega­reiðir „Þetta er algjör skandall. Ég var búinn að biðja um, með skrifleg- um hætti, að allir mennirnir væru teknir út af útkallslistanum á ný- ársdag en Kristján hringdi og sneri Neyðarlínunni við, ég skil ekki að slökkviliðsstjórinn ráði starfsem- inni þar. Það er alveg óleyfilegt að þvinga mennina inn á listann og án þeirra samþykkis. Ég var meira að segja settur inn á listann en ég er hættur vegna aldurs. Ég skil ekkert í yfirgangi slökkviliðsstjór- ans og vinnubrögðum hans,“ seg- ir Guðni. Gunnar Már Guðnason slökkvi- liðsmaður er einn þeirra frá Þor- lákshöfn sem ekki vildu koma til starfa fyrir Kristján. Hann segir fé- laga sína alveg brjálaða yfir þving- uninni á útkallslistann. „Kristján setti okkur alla á lista, líka alla þá sem ekki vilja vinna hjá honum en það eru flestir og ég er einn þeirra. Við urðum virkilega reiðir og ég heyri að það er mikill hiti í félög- um mínum. Það átti að taka okkur alla út og aðeins setja inn þá sem höfðu endurráðið sig. Mér finnst þetta skammarlegt en hann sá þó sóma sinn í því að biðjast afsökun- ar,“ segir Gunnar Már. Löglegt­en­óvenjulegt Bergsveinn Alfonsson, verkefna- stjóri hjá Neyðarlínunni, staðfest- ir að umræddur hópur hafi ekki verið fjarlægður af útkallslista þar sem Kristján slökkviliðsstjóri hafi beðið um það á meðan verið væri að reyna að semja við menn um að halda áfram störfum. Hann bendir á að meðan mennirnir voru áfram á listanum hafi ekki komið til út- kalls. Björn Karlsson brunamálastjóri bendir á að lögum samkvæmt hafi Kristján slökkviliðsstjóri rétt til að kalla menn til verka hvenær sem er. „Þetta er fullkomlega löglegt því slökkviliðsstjóri hefur þessa heim- ild samkvæmt lögum. Það er aft- ur á móti óvenjulegt að mönnum sé haldið á útkallslista Neyðarlín- unnar gegn þeirra eigin vilja,“ seg- ir Björn. DV leitaði viðbragða Kristjáns slökkviliðsstjóra en hann vildi ekki ræða málið þegar það var borið undir hann. TRAUSTI­HAFSTEINSSON blaðamaður skrifar: trausti@dv.is „Þetta er fullkomlega löglegt því slökkviliðsstjóri hefur þessa heimild samkvæmt lögum. Það er aftur á móti óvenjulegt að mönnum sé haldið á útkalls- lista Neyðarlínunnar gegn þeirra eigin vilja.“ Nr. 75/2000. 19. gr. n Allir verkfærir menn 18–60 ára að aldri sem hafa búsetu í sveitarfélagi eru skyldir til þjónustu í slökkviliði. Þeim er skylt að koma til æfinga í störfum slökkviliðs allt að 20 klukkustundir á ári og auk þess skulu þeir koma hvenær sem eldsvoða ber að höndum samkvæmt nánari reglum um útköll. Lög um brunavarnir Vildi­ekki­ræða­málið­Kristján slökkviliðsstjóri vildi ekki ræða málið þegar DV bar það undir hann. „Ég er að undirbúa málsókn og þetta er í höndum lögfræðings núna. Uppsögn mín stenst engan veginn enda braut hún brunavarna- áætlun hreppsins. Ég hef engar haldbærar skýringar fengið á upp- sögninni og lögfræðingur skoðar nú að höfða eineltis- og skaðabótamál gegn slökkviliðsstjóranum, Kristjáni Einarssyni, og bæjarstjóranum, Ólafi Áka Ragnarssyni,“ segir Bjarni Ingólfsson slökkviliðsmaður.. Bjarni hefur staðið í harðvítugum deilum við Kristján Einarsson, fyrrverandi yfirmann sinn, sem lyktaði með því að hann sagði starfi sínu lausu og réð sig hjá nágranna- slökkviliðinu í Þorlákshöfn. Nokkru síðar kom í ljós að til að samræma samninga slökkviliðsmanna hjá embættinu og kjarasamninga þurfti að segja þeim öllum upp og við það tækifæri var tilkynnt að allir yrðu endurráðnir. Bjarna var aftur á móti tilkynnt að hann væri ekki velkom- inn á meðan öllum starfsfélögum hans stendur endurráðning til boða. Bjarni leitaði liðsinnis hjá Landssambandi slökkviliðs- og sjúkraflutningamanna og þar á bæ er málið í ferli. Brunamálastofnun hefur lýst því yfir að þar á bæ fylgist menn grannt með málinu. Kristján hefur sjálfur lýst því yfir að mál Bjarna í Þorlákshöfn komi sér ekkert við. Bjarni ætlar í mál og ætlar að krefjast skaðabóta yfir brottvikningu sína. Málshöfðun­handan­ við­hornið Heitar­deilur­Margir slökkviliðsmenn eru reiðir yfir því að hafa verið settir á útkallslistann án þeirra samþykkis. Tveir á slysadeild Farþegi og bílstjóri sem fluttir voru á slysadeild eftir árekst- ur á Breiðholtsbraut um átta- leytið á laugardagskvöld voru útskrifaðir eftir að gert var að meiðslum þeirra. Tveir bílar lentu í árekstri á gatnamótum Breiðholtsbrautar og Stekkja- brautar. Töluverð ölvun var í mið- borg Reykjavíkur aðfaranótt sunnudags. Lögregla hafði af- skipti af einum ökumanni sem grunaður var um ölvun. Tóku farþegar bifreiðarinnar því ekki vel og ákváðu að ráðast á lög- reglumennina. Voru farþegarn- ir yfirbugaðir með piparúða og færðir í fangageymslur. Bjargað úr vök Björgunarsveit Biskups- tungna kom tveimur mönn- um til hjálpar á sunnudag eftir að jeppi fór í gegnum ísblokk á Haukadalsheiði með þeim afleiðingum að jeppinn sat fastur í vök sem náði upp að hurðum jepp- ans. Um er að ræða hvilft á Haukadalsheiði sem fyllist af vatni á þessum árstíma. Mennirnir höfðu setið á þaki jeppans í um klukku- tíma er björgunarsveitar- menn komu þeim til bjarg- ar. Vann fimm milljónir Íbúi á höfuðborgarsvæðinu sem keypti sér lottómiða í Söluturninum Tröllinu í Spönginni í Reykjavík var einn með allar tölur réttar í lottóinu á laugardagskvöld. Fyrir það fær hann rúmar fimm milljónir króna. Töl- urnar sem voru dregnar út eru 3, 8, 9, 15 og 40, bónus- talan var 29. Flateyringar ósátt- ir vegna lokunar Íbúar á Flateyri eru afar ósáttir við áætlanir Heilbrigðisstofn- unar Vestfjarða að loka hjúkr- unardeildinni Sólborg á Flat- eyri. Þrír eldri borgarar búa á Sólborg og starfa þar sjö ein- staklingar í fjórum stöðugild- um. Á heimasíðu Heilbrigðis- stofnunar Vestfjarða segir að eftirspurn eftir plássi sé lítil og að húsnæðið þyki afar óhent- ugt. Vistmenn eru á annarri hæð, engin lyfta og þrengslin mikil. Guðmundur R. Björgvins- son, formaður Íbúasamtaka Flateyrar, segir lokunina koma harkalega niður á gamla fólk- inu. „Þeim eru ekki boðin önnur mannsæmandi úrræði. Það sem þeir eru að bjóða þeim í staðinn er að vista þau inni á sjúkradeild á tveggja manna herbergjum,“ segir Guðmundur.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.

Aðgerðir: