Dagblaðið Vísir - DV - 27.01.2010, Síða 16

Svarthöfði hefur heyrt talað um það árum saman að útgerðar-menn séu „grátkór“. Af þessum sökum hefur Svarthöfði ósjálf-
rátt vorkennt þeim. Hann trúir því
nefnilega að þeir sem gráta eigi bágt
og þeim beri að hjálpa. Það er vegna
þess að Svarthöfði er landkrabbi sem
býr í borginni.
Úti á sjó og á landsbyggð-inni er ekkert fyrirlitlegra en að gráta. Sérstaklega ef karlmenn gráta. Í borg-
inni er grátandi karlmaður einstak-
lega þroskaður, en á landsbyggð-
inni er hann aumingi sem ætti að
skammast sín. Út af þessu trúa reiðir
landsbyggðarsjómenn því að þjóðin
hreinlega fyllist ógeði á útgerðar-
mönnum þegar þeir eru uppnefndir
grátkór. En stærsti hluti þjóðarinnar
fyrirlítur ekki grátandi menn. Þvert á
móti vill hún hjálpa þeim.
Grátkórs-uppnefnið er heimskulegasta mark-aðshugmynd and-stæðinga kvótakerf-
isins. Útgerðarmenn eru alls
enginn grátkór, þótt þeir beiti
stöðugum umkvörtunum í mál-
flutningi sínum. Þeir eru stærsta
hagsmunaafl landsins, miklu öfl-
ugri en sjómennirnir. Þeir eru ógn
við hagsmuni þjóðarinnar og hafa
náð að sölsa undir sig auðlind
hennar með lævíslegum hætti.
Þegar reiðu sjómennirnir kalla
þá vælukjóa tekst þeim um leið
að fela ógnina sem af þeim stafar.
Þannig tekst þeim með ótrúlegum
hætti að láta fólk fá samúð með
hranalegum manni eins og Friðrik
J. Arngrímssyni, framkvæmda-
stjóra Landssambands íslenskra
útvegsmanna.
Enn þann dag í dag sann-ast að útgerðarmenn etja kappi við andstæðinga sem eru vitsmunalegir eftir-
bátar þeirra. Nú hefur ríkisstjórn-
in teflt Ólínu Þorvarðardóttur fram
í baráttunni um að endurheimta
auðlindina. Vandamálið er ekki
að Ólína sé ekki fær um að gæta
hagsmuna þjóðarinnar í málinu af
fullum heilindum. Hins vegar hefur
hún þann þokka og það orðspor
að vera svo fylgin sjálfri sér að öðr-
um misbýður. Enginn á Alþingi er
reiðari en hún, nema hugsanlega
Sigmundur Davíð Gunnlaugsson.
En bangsalegt yfirbragð Sigmund-
ar mildar reiði hans og gerir hann
jafnvel svolítið absúrd.
Nú sér Svarthöfði fyrir sér hvernig útgerðarmenn ætla að komast undan því að virða þann stjórnarskrár-
bundna rétt þjóðarinnar að eiga fisk-
inn í sjónum. Ólína hamast á þeim
með réttlætið sín megin, en á sama
tíma kvarta þeir undan hörkunni. Þar
eru þeir á heimavelli. Sjómenn hrópa
upp yfir sig: „Grátkór!“ Og „grátkór-
inn“ segist vera kominn að fótum
fram og ber sig aumlega. Með grátstaf-
ina í kverkunum lætur hann þjóðina
vita að hún sé glötuð án hans. Smátt
og smátt fyllist þjóðin samúð með
kvótagreifum sem náðu að telja þjóð-
inni trú um að þeir væru ekki blóð-
sugur á auðlindinni, heldur auðlind-
in sjálf.
Enn og aftur fara hinir slyngu útgerðarmenn með sigur af hólmi með ómissandi hjálp heiðvirðra en tröllheimskra
andstæðinga sinna!
Á spænsku er til málshátt-ur sem lýsir snilld sægreif-anna vel: „El que no llora, no mama.“ Eða „sá sem
grætur ekki, sýgur ekki“. Þar er átt við
smábörn. Og það er á sama hátt sem
vellauðugir, miðaldra útgerðarmenn í
sauðargæru hafa fengið að sjúga þjóð-
ina um áraraðir.
GRÁTKÓRINN SÝGUR
SPURNINGIN
„Það verður að
sjálfsögðu
rammíslensk
skuldasúpa,“ segir
Atli Steinn
Guðmundsson
fyrrverandi
blaðamaður á
Vísi. Hann hélt
ræðu á
Austurvelli
síðasta laugardag þar sem hann sagði
frá ákvörðun sinni og sambýliskonu
um að flytja búferlum til Noregs. Í
ræðunni spurði Atli Steinn Íslendinga
hvort þeir vildu réttlæti. „Því miður –
það er bara ekki á matseðlinum,“ sagði
Atli Steinn.
HVAÐ VERÐUR Á MAT-
SEÐLINUM ÚTI Í NOREGI?
„Það er kjaft-
æði. Ég var ekki
með hníf, þetta
var vír sem ég tók upp af
götunni.“
n Brasilíski lýtalæknirinn Hosmany Ramos sem
situr inni í Hegningarhúsinu á Skólavörðustíg um
meinta árás sína á lögreglumann. En hann segir
einnig að lögreglumaður hafi ýtt sér á
ljósmyndara Fréttablaðsins. - DV
„Ég er nokkuð viss um að
nú sé ég komin með
a.m.k. Evrópumet í sem
flestum forsíðum á sem
stystum tíma!“
Ásdís Rán, sem prýðir enn eina forsíðuna á
glanstímariti í Búlgaríu. Nú tímaritsins Woman
Today í Búlgaríu en það er að hennar sögn eitt
elsta og þekktasta kvennatímaritið í landinu.
- Pressan
„...fyrir brot sem hefðu
varla verðskuldað auka-
kast í sumum leikjum.“
Patrick Ekwall í pistli sínum í sænska
dagblaðinu Nyhetskanalen. Hann segir dómara
leiksins hafa rekið Íslendinga út af trekk í trekk
fyrir litlar sem engar sakir gegn Króötum. - Vísir
„Nú getum við
ekkert svekkt
okkur og þurf-
um að þrífa
þennan leik af
okkur í sturtunni.“
Róbert Gunnarsson um leikinn gegn Króötum
þar sem Íslendingar þurftu að sætta sig við
jafntefli eftir að hafa leitt nánast allan leikinn.
Róbert skoraði jöfnunarmarkið með
ævintýralegum hætti. - Vísir
Boðskapur Gísla Marteins
LEIÐARI
Fyrir nokkrum árum hefði varla mörgum dottið í hug að Gísli Marteinn Baldursson ætti eftir að færa fram mikilvægasta boðskap-
inn til íbúa Reykjavíkur og nágrennis. Það
sem af er kosningabaráttunni hefur hins
vegar enginn annar borgarfulltrúi boð-
að jafnskýrar og -skynsamlegar lausnir á
langmesta hagsmunamáli borgarbúa til
lengri og skemmri tíma.
Gísli Marteinn horfist í augu við þau
hroðalegu mistök sem gerð hafa verið í
uppbyggingu Reykjavíkur undanfarinn
áratug. Þau felast í alltof dreifðri og óhag-
kvæmri byggð, sem hefur margvísleg
slæm áhrif á líf borgarbúa. Nánast enginn
getur gengið til vinnu, sem bæði skaðar
fjárhag og heilsu íbúanna. Fáir geta nýtt
sér almenningssamgöngur vegna þess
hve byggðin er dreifð. Þetta kemur sér-
staklega niður á þeim tekjuminnstu, en
eykur einnig mengun og kostnað hjá öll-
um borgarbúum. Skipulagið veldur því að
í Reykjavík eru rúmlega tvöfalt fleiri bílar
miðað við höfðatölu en í Helsinki, Stokk-
hólmi og Kaupmannahöfn, svo dæmi
séu nefnd. Rétt skipulag varðar fjárhag,
heilsu, frelsi og jafnrétti borgarbúa.
Hugmyndir Gísla Marteins um skipu-
lagsmál, sem hann hefur undanfarið
kynnt fyrir fullum sal kjósenda, voru al-
mennt ekki fundnar upp af honum sjálf-
um. Þær byggja á viðteknum kenningum
í skipulagsfræðum, sem lítið eða ekk-
ert hafa verið til umfjöllunar hér á landi.
Ein tilgáta hans um að glæpir séu frekar
stundaðir þar sem fáir eru á ferli á göt-
unum er til dæmis útskýrð í þaula í bók-
inni The Death and Life of Great Ameri-
can Cities eftir skipulagsfræðinginn Jane
Jacobs sem kom út árið 1961.
Síðustu ár hefur verslun verið skipu-
lögð á sovéskan hátt í risastórum skemm-
um á afmörkuðum svæðum og íbúabyggð
aflokuð í fjölbýlishúsaklösum í ríflegri
akstursfjarlægð frá öllu öðru. Kenningin
um að slík dreifing byggðar hafi skaðleg
áhrif á lífsgæði okkar er beinlínis útreikn-
anleg út frá ýmsum fjárhagslegum og
umhverfislegum gildum. Þétting byggð-
ar, til dæmis með því að hafa verslunar-
húsnæði á neðstu hæð en íbúabyggð þar
fyrir ofan, getur breytt Reykjavík í mann-
legri, vistvænni og hagkvæmari borg. Það
er almennt betra að vera í blokk og geta
gengið í verslanir og vinnu, en að vera í
blokk í hverfi þar sem er ekkert annað en
íbúablokkir.
Höfuðborgarsvæðið er skipulagsslys
sem allir íbúarnir borga fyrir á hverjum
degi. Hvergi er tækifæri til að spara jafn-
mikið fjármagn og auka lífsgæði okk-
ar jafnmikið og með skynsamlegri þétt-
ingu byggðarinnar. Gísli Marteinn virðist
vera einn fárra sem sér það, skilur það og
gefur raunsæjar hugmyndir um hvern-
ig má breyta því. Fyrir nokkrum árum
náði Andri Snær Magnason rithöfundur
að vekja Íslendinga til umhugsunar um
áhrif okkar á umhverfið. Kannski getur
Gísli Marteinn orðið Andri Snær innan-
bæjar. Hann hefur vantað.
BÓKSTAFLEGA
16 MIÐVIKUDAGUR 27. janúar 2009 UMRÆÐA
SANDKORN
n Ari Edwald, forstjóri 365
miðla, er sáttur við rekstur síns
fyrirtækis eftir því sem lesa
má úr ummælum hans í frétt
DV.is á þriðjudag. Hann segir
fyrirtækið
vera byrjað
að greiða
af skuldum
sínum, hátt
í 200 millj-
ónir króna,
eftir að
hafa fengið
greiðslufrí
á síðasta ári, og að ekki sé tap
á rekstri Fréttablaðsins. Mik-
ill niðurskurður hjá Frétta-
blaðinu, með niðurlagningu
sunnudagsblaðs, uppsögn-
um og takmarkaðri dreifingu
en áður, virðist því hafa skilað
nokkrum árangri.
n Nú bíða margir spenntir eft-
ir því að sjá hvað kemur út úr
fyrirhugaðri hlutafjáraukningu
365 miðla. Talað hefur verið
um að leggja þurfi um milljarð
króna inn í reksturinn. Það eru
miklir peningar í kreppu. Mið-
að við yfirlýsingar Ara Edwald
forstjóra um
rekstur 365
er kannski
auðveldara
en áður að
fá inn fjár-
festa með
Jóni Ásgeiri
Jóhannes-
syni en það
á þó eftir að koma í ljós og tal-
að er um að slíkt þurfi að liggja
ljóst fyrir í apríl.
n Þingmenn verða að hafa
hraðar hendur þegar þeir
koma aftur til starfa á Alþingi á
föstudag. Ef rannsóknarnefnd
Alþingis um bankahrunið á
ekki að brjóta lög með seinkun
á birtingu skýrslu sinnar. Í upp-
haflegu lögunum um nefnd-
ina var ákvæði um að stefnt
skyldi að birtingu skýrslunn-
ar ekki síðar en 1. desember.
Seinna var þessu breytt þannig
að skýrslunni skyldi skila ekki
síðar en í lok janúar. Nú er ljóst
að ekki verður af því svo þing-
menn þurfa að breyta lögum
vilji þeir ekki gera nefndar-
menn að lögbrjótum.
n Bjarni Harðarson, bóksali
með meiru, er lagður af stað
í mikið ferðalag til Afríku, þar
sem hann hyggst dvelja hjá
syni sínum.
Bjarni flaug
í gegnum
Svíþjóð og
þurfti að
bíða heila
átta klukku-
tíma eftir
flugi. Eins
og ferða-
langar þekkja er ekki gaman til
lengdar að vera fastur á flug-
velli og því ósjaldan sem mik-
ill tími fer í kaffiþamb. Bjarni
rekur auðvitað bókakaffi og lét
sér því kaffið nægja, en eins
og sjá má á bloggi hans velti
bóksalinn fyrir sér hvort hann
gæti rukkað sama verð fyrir
kaffið og Svíarnir, 600 krónur á
bollann.
LYNGHÁLS 5, 110 REYKJAVÍK
ÚTGÁFUFÉLAG: Útgáfufélagið Birtíngur ehf.
STJÓRNARFORMAÐUR: Hreinn Loftsson
FRAMKVÆMDASTJÓRI: Sverrir Arngrímsson
RITSTJÓRAR:
Jón Trausti Reynisson, jontrausti@dv.is
og Reynir Traustason, rt@dv.is
FRÉTTASTJÓRAR:
Brynjólfur Þór Guðmundsson, brynjolfur@dv.is
og Þórarinn Þórarinsson, toti@dv.is
AUGLÝSINGASTJÓRI:
Elísabet Austmann, elisabet@birtingur.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 515 5550.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
JÓN TRAUSTI REYNISSON RITSTJÓRI SKRIFAR. Kannski getur Gísli Marteinn orðið Andri Snær innanbæjar. Hann hefur vantað.