Dagblaðið Vísir - DV - 19.04.2010, Side 16
16 MÁNUDAGUR 19. apríl 2010 FRÉTTIR
Bókasafnsverðir í elsta bókasafni New
York-borgar hafa flett ofan af afar ólík-
legum bókaþjófi. Sá er enginn annar
en George Washington, fyrsti forseti
Bandaríkjanna, en hann fékk lánaðar
tvær bækur á New York Society-bóka-
safninu árið 1789, en skilaði aldrei.
Í frétt á vefsíðu BBC segir að sé
sektin framreiknuð til dagsins í dag
nemi hún um 300.000 bandaríkjadöl-
um, eða um 38 milljónum króna, en
haft er eftir starfsmönnum safnsins
að þar á bæ hyggist menn ekki ætla
að ganga á eftir greiðslu. Þó vill safnið
gjarna fá bækurnar aftur.
5. október 1789 fékk George
Washington lánaðar bækurnar „Law
of Nations“, ritgerð um alþjóðasam-
skipti, og eitt bindi af skráðum um-
ræðum úr neðri málstofu breska
þingsins. Forsetinn mun ekki hafa
látið svo lítið að kvitta fyrir móttöku
bókanna, en aðstoðarmaður hans
páraði aðeins orðið „forseti“ til hlið-
ar við bókatitlana.
Bókunum átti Washington að skila
mánuði síðar, en það gekk ekki eft-
ir og hafa þær síðan safnað vanskila-
gjöldum. Safnverðirnir uppgötvuðu
þessa handvömm Washingtons þeg-
ar unnið var að því að koma skrám
safnsins í stafrænt form. Því miður
virðist sem bækurnar séu týndar og
tröllum gefnar.
Telja má víst að þessi yfirsjón
fyrsta forseta Bandaríkjanna verði
léttvæg fundin í hinu stóra samhengi
hlutanna.
Fyrsti forseti Bandaríkjanna sekur um smávægilega handvömm:
Skilaði ekki lánsbókum
Forsetahjón Póllands, Lech Kaczyn-
sky og María Kaczynska, sem fór-
ust ásamt tæplega 100 manns í flug-
slysi 10. apríl, voru borin til grafar í
Kraká í Póllandi á sunnudaginn, en
fjöldi þjóðarleiðtoga sá sér ekki fært
að vera viðstaddur athöfnina sökum
öskufalls frá Eyjafjallajökli.
Á meðal þeirra sem ekki gátu
mætt í athöfnina voru Barack Obama
Bandaríkjaforseti og Angela Merkel,
kanslari Þýskalands. Dmitry Med-
vedev, forseta Rússlands, tókst að
komast til borgarinnar með flug-
vél og undirstrikaði þannig samúð
rússnesku þjóðarinnar með hinum
pólsku nágrönnum sínum.
Einnig var nærvera Medvedevs
talin til marks um samstöðu Rússa
með Pólverjum á þessum erfiða tíma
í sögu Póllands, en tengsl þjóðanna
hafa löngum einkennst af spennu,
enda var Pólland undir hæl Sovétríkj-
anna sálugu allt þar til kommúnism-
inn í Austur-Evrópu leið undir lok.
60.000 manns
Athöfnin fór fram í Wawel-dóm-
kirkjunni, og höfðu um 60.000
manns safnast saman í miðborg
Kraká áður en kistur með líkams-
leifum forsetahjónanna voru flutt
til dómkirkjunnar, en þar verða þau
lögð til hinstu hvílu við hlið löngu
genginna pólskra konunga, þjóð-
hetja og skálda.
Á laugardagskvöld gafst Pólverj-
um tækifæri til að votta forseta-
hjónunum virðingu sína í Varsjá og
myndaðist biðröð Pólverja. Árla á
sunndudagsmorgni var síðan flogið
með kisturnar í herflugvél til Kraká.
Sökum öskufalls var flogið lágflug,
enda hefur í Póllandi, líkt og víðast í
Evrópu, almennt flug legið niðri.
Jaroslaw, tvíburabróðir Lechs og
fyrrverandi forsætisráðherra, ásamt
fleiri fjölskyldumeðlimum, þrýsti á
um að athöfnin færi fram á sunnu-
daginn líkt og upphaflega hafði verið
ákveðið.
Núverandi forsætisráðherra, Don-
LÖGÐ TIL HINSTU HVÍLU
KOLBEINN ÞORSTEINSSON
blaðamaður skrifar: kolbeinn@dv.is
Pólsku forsetahjónin voru borin til grafar á
sunnudaginn. Fjöldi þjóðarleiðtoga sá sér ekki
fært að mæta til athafnarinnar vegna öskufalls
sem valdið hefur því að flug hefur víða legið
niðri í Evrópu. Ekki eru allir Pólverjar sáttir
við hinsta legstað hjónanna.
Fyrir framan dómkirkjuna í Kraká
Hinsti legstaður forsetahjónanna verður
við hlið genginna konunga og þjóðhetja
Póllands. MYND AFP
Legstað forsetahjónanna mótmælt
Ekki eru allir á eitt sáttir um að for-
setahjónin hvíli á einum helgasta stað
þjóðarinnar. MYND AFP
Meinleg villa í
matreiðslubók
Ástralska bókaforlagið Penguin
Group neyddist til að innkalla mat-
reiðslubók vegna meinlegrar villu
sem leyndist í einni uppskriftanna.
Í bókinni, Pasta-biblíunni, er fólki
meðal annars kennt hvernig á að
matreiða tagliatelle með sardínum
og prosciotto og tekið nákvæmlega
fram hvað þarf til.
Í uppskriftinni segir að það eigi
að setja í réttinn „salt and freshly
ground black people“, eða salt og
ferskt malað svart fólk.
Búið var að prenta 7.000 eintök
af bókinni þegar mistökin uppgötv-
uðust.
Vill heimsækja
járðskjálftasvæðið
Dalai Lama, útlægur andlegur leið-
togi tíbetsku þjóðarinnar, hefur lagt
fram þá ósk að fá að sækja Tíbet
heim, en þar reið yfir jarðskjálfti á
6,9 á Richter-skala á miðvikudaginn.
Í yfirlýsingu sem Dalai Lama sendi
frá sér á laugardaginn sagði að hann
hefði fæðst á því svæði þar sem
jarðskjálftinn varð og að hann vildi
gjarna hjálpa fólki þar.
Björgunarsveitir hafa lagt nótt
við dag við að bjarga fólki úr rústum,
en talið er að um fimmtán hundr-
uð manns hafi farist í skjálftanum. Á
laugardaginn var 312 saknað og slas-
aðir voru um 12.000, þar af tæplega
1.400 alvarlega.
Herstyrkur Írans
„óviðjafnanlegur“
Mahmoud Ahmadinejad, forseti
Írans, sagði á hersýningu á sunnu-
dag að landið hefði nægan herstyrk
til að gera önnur ríki fráhverf árás-
um á landið.
„Herir Írans eru svo öflugir nú
um stundir að óvinir munu ekki
einu sinni láta sér til hugar koma að
ráðast inn á okkar landsvæði,“ sagði
Mahmoud Ahmadinejad. Að hans
sögn tryggir „óviðjafnanlegur“ her-
styrkur Írans stöðugleika í Miðaust-
urlöndum.
Aukinnar spennu hefur gætt á
milli Írans og Vesturlanda undan-
farna mánuði vegna þrjósku Írana
við að kasta fyrir róða kjarnorkuá-
ætlun landsins, eins og Öryggisráð
Sameinuðu þjóðanna hefur krafist.
Fyrsti forseti Bandaríkjanna
Ekki verður sótt fast að vanskila-
gjöldin verði greidd.