Dagblaðið Vísir - DV - 19.04.2010, Side 17
FRÉTTIR 19. apríl 2010 MÁNUDAGUR 17
Rússneskir embættismenn eru æva-
reiðir vegna þeirrar meðferðar sem
Artyom Savelyev, ættleiddur rúss-
neskur drengur, hlaut af hálfu Torry
Hansen, bandarískrar konu sem
hafði ættleitt hann.
Artyom Savelyev, sjö ára, var
sendur einn með flugvél frá Banda-
ríkjunum til Rússlands með orð-
sendingu þar sem Torry sagðist ekki
lengur vilja sjá um drenginn.
Rússneskir embættismenn hafa
tilkynnt að ekki verði um frekari ætt-
leiðingar á rússneskum börnum til
Bandaríkjanna fyrr en ríkin tvö nái
samkomulagi um reglur þar að lút-
andi. Talsmaður utanríkisráðuneyt-
isins, Andrei Nesterenko, sagði að
einungis með slíku samkomulagi
gætu bæði ríkin fylgst með aðstæð-
um ættleiddra rússneskra barna og
tryggt að mál af þesum toga endur-
taki sig ekki í framtíðinni.
Torry Hansen, frá Tennessee, full-
yrðir að drengurinn hafi verið of-
beldishneigður og ætti við sálræn
vandamál að stríða. Aukinheldur
sakaði Torry Hansen rússnesku ætt-
leiðingarstofnunina sem hafði milli-
göngu um ættleiðinguna um að hafa
blekkt hana með tilliti til skapgerðar
drengsins, þegar hún ættleiddi hann
í september.
Dmitry Medvedev, forseti Rúss-
lands, var ómyrkur í máli og for-
dæmdi gjörðir Hansen og sagði þær
„ómanneskjulegar“, og Sergei Lavr-
ov, utanríkisráðherra Rússlands,
sagði að málið væri nýjasta dæmið
um hneyksli sem tengjast ættleidd-
um rússneskum börnum í Banda-
ríkjunum, og svipaða sögu er að
segja af bandarískum starfsbræðr-
um þeirra.
Tæplega 1.600 börn voru ættleidd
frá Rússlandi til Bandaríkjanna í fyrra
og eru einungis tvö ríki sem státa af
fleiri ættleiðingum til Bandaríkjanna.
Aðgerðir bandarískrar móður draga dilk á eftir sér:
Rússar fresta frekari ættleiðingum
ald Tusk, og Bronislaw Komorowski,
sitjandi forseti, ferðuðust til Kraká
með lest.
Ekki á eitt sáttir
Wawel-dómkirkjan skipar sérstak-
an sess hjá pólsku þjóðinni, enda var
forðum nánast hver einasti konung-
ur landsins krýndur í dómkirkjunni,
og kastalinn við kirkjuna var miðstöð
stjórnar landsins í fimm aldir, eða allt
til loka 16. aldar.
Ekki eru allir Pólverjar sáttir við
að forsetahjónin hljóti legstað á svo
helgum stað og vart hefur orðið mót-
mæla af hálfu Pólverja vegna þess
auk þess sem undirskriftasöfnun og
Facebook-síðu gegn þeirri ákvörðun
að grafa þau þar var ýtt úr vör.
Lech Kaczynski, sem var umdeild-
ur forseti, hafði verið við völd síðan
árið 2005. Undir það síðasta höfðu
vinsældir hans minnkað sem nam 20
prósentum. Fastlega var gert ráð fyr-
ir því að hann næði ekki endurkjöri
í kosningum sem fram áttu að fara á
haustmánuðum, en gert er ráð fyr-
ir að kosningunum verði flýtt og fari
fram í júní.
Mikil samstaða hefur verið með
pólsku þjóðinni síðan flugslysið átti
sér stað og eru mótmælin gegn leg-
stað forsetahjónanna fyrstu brestirn-
ir í annars einstakri einingu pólsku
þjóðarinnar.
LÖGÐ TIL HINSTU HVÍLU
Sökum öskufalls var flogið lágflug, enda hef-ur í Póllandi, líkt og víðast í Evrópu, almennt
flug legið niðri.
Pólsku forsetahjónin voru borin til grafar á
sunnudaginn. Fjöldi þjóðarleiðtoga sá sér ekki
fært að mæta til athafnarinnar vegna öskufalls
sem valdið hefur því að flug hefur víða legið
niðri í Evrópu. Ekki eru allir Pólverjar sáttir
við hinsta legstað hjónanna.
Kraká í Póllandi Mikill
fjöldi safnaðist saman í
Kraká á sunnudaginn.
MYND AFP
n Barack Obama, forseti
Bandaríkjanna
n Nicolas Sarkozy, forseti
Frakklands
n Angela Merkel, kanslari Þýska-
lands
n David Miliband, utanríkisráðherra
Bretlands
n Karl, prins af Wales
n Juan Carlos, Spánarkonungur
n Jose Luis Rodriguez Zapatero,
forsætisráðherra Spánar
n Abdullah Gul, forseti Tyrklands
n Karl Gústaf, konungur Svíþjóðar
n Carl Bildt, utanríkisráðherra
Svíþjóðar
n Tarja Halonen, forseti Finnlands
n Chung Un-chan, forsætisráðherra
Suður-Kóreu
n Stephen Harper, forsætisráðherra
Kanada
n Ólafur Ragnar Grímsson, forseti
Íslands
Ekki viðstaddir
n Dmitry Medvedev, forseti
Rússlands
n Vaclav Klaus, forseti Tékklands
n Ivan Gasparovic, forseti Slóvakíu
n Danilo Turk, forseti Slóveníu
n Viktor Yanukovych, forseti
Úkraínu
n Valdis Zatlers, forseti Lettlands
n Toomas Hendrik Ilves, forseti
Eistlands
n Andrus Ansip, forsætisráðherra
Eistlands
n Traian Basescu, forseti Rúmeníu
n Lazslo Solyom, forseti Ungverja-
lands
n Gordon Bajnai, forsætisráðherra
Ungverjalands
Viðstaddir
Dmitry Medvedev Forseti
Rússlands fordæmdi aðgerðir
hinnar bandarísku móður.
MYND AFP
Páfi heitir
aðgerðum
Benedikt XVI páfi hitti í heimsókn
sinni til Möltu nokkur fórnarlömb
kynferðislegs ofbeldis af hálfu kaþ-
ólskra presta þar í landi. Samkvæmt
upplýsingum frá Páfagarði átti fund-
ur páfa og fórnarlambanna sér stað í
sendiráði Páfagarðs á Möltu.
Páfi notaði tækifærið til að lofa
því að kaþólska kirkjan myndi „gera
allt sem í hennar valdi stæði“ svo
hinum seku yrði refsað. Benedikt
páfi hét því ennfremur að vinna að
forvarnaraðgerðum sem eiga að
vernda börn gegn kynferðislegu of-
beldi í framtíðinni.
Guðfaðir kúbverska
tóbaksins allur
Alejandro Robaina, sem talinn er
goðsögn á meðal kúbverskra tóbaks-
ræktenda, lést á laugardaginn, 91 árs
að aldri.
Robaina greindist með krabba-
mein í fyrra og andaðist á býli sínu
í Pinar del Rio-héraði á vesturhluta
Kúbu. Vindlaverksmiðjan Haban-
os S.A. framleiddi vindla með nafni
Alejandros og ein askja af Vegas Ro-
baina vindlum getur kostað allt að
63.000 krónum á alþjóðamarkaðin-
um, en Robaina-tóbakslauf eru talin
ein þau bestu í heiminum. Á Kúbu
var Alejandro Robaina kallaður
„Guðfaðirinn“.
Fjölgaði um
helming frá
2008 til 2009
Samkvæmt könnun sem gerð var af
Tel Aviv-háskólanum fjölgaði tilvik-
um tengdum gyðingahatri um meira
en helming í heiminum í fyrra mið-
að við árið 2008.
Árið 2009 voru skráð 1.129 tilvik,
og nemur fjölgunin meira en 100
prósentum, sé miðað við 559 tilfelli
árið 2008.
Að auki voru skráð hundruð til-
felli sem vörðuðu hótanir, móðg-
anir, veggjakrot og slagorð gegn
gyðingum, sem á stundum leiddu til
ofbeldis. Talið er að einhvern hluta
umræddar fjölgunar megi rekja til
aðgerða Ísraelsmanna á Gaza síðla
árs 2008 og snemma árs 2009.