Dagblaðið Vísir - DV - 26.04.2010, Blaðsíða 12

12 MÁNUDAGUR 26. apríl 2010 FRÉTTIR
HÆTTULEGUSTU GATNAMÓTIN
Tölfræði síðustu fimm ára sýnir að
slys verður gatnamótum Grensás-
vegar og Miklubrautar á tíu daga
fresti. Þessi fjölförnu gatnamót eru
þau hættulegustu á höfuðborgar-
svæðinu, samkvæmt gögnum frá
umferðarstofu. Slysin á undanförn-
um fimm árum eru þar 175 talsins.
Miklabraut og Kringlumýrar-
braut verstar
Umferðarstofa heldur utan um tíðni
slysa eftir gatnamótum. Þrenn gatna-
mót Miklubrautar eru á lista yfir
fimm hættulegustu gatnamót höf-
uðborgarsvæðisins; gatnamótin við
Grensásveg, við Kringlumýrarbraut
og við Háaleitisbraut. Samanlagt
urðu 437 óhöpp á þessum þremur
gatnamótum á árunum 2005 til 2009,
eða á fimm ára tímabili. Í 65 tilvikum
urðu slys á fólki.
Kringlumýrarbraut er næsthættu-
legasta gata höfuðborgarsvæðis-
ins ef marka má að fimm gatnamót
brautarinnar eru á lista yfir þau tut-
tugu þar sem flest slys urðu á árun-
um 2005 til 2009. Slysin voru alls 372
landsins en í 90 þeirra varð fólk fyrir
meiðslum.
Hætta við Háskólann
Gatnamót Grensásvegar og Miklu-
brautar eru, eins og áður sagði,
hættulegustu gatnamót landsins. Þar
urðu 175 slys á síðustu fimm árum.
Gatnamót Miklubrautar og Kringlu-
mýrarbrautar eru næst í röðinni en
þar urðu slysin 157 á sama tímabili.
Gatnamót Hringbrautar og Njarðar-
götu, í námunda við Háskóla Íslands,
eru þriðju hættulegustu gatnamót
landsins en þar urðu slysin 124. 123
slys urðu við gatnamót Suðurlands-
brautar, Kringlumýrarbrautar og
Laugavegar en þar líða að jafnaði 15
dagar á milli umferðarslysa.
Beygjuljósin virka
Sigurður Helgason hjá Umferð-
arstofu segir að jafnt og þétt hafi
tekist að draga úr slysum á höfuð-
borgarsvæðinu undanfarin ár, en
ríflega 3.000 umferðaróhöpp urðu
í Reykjavík einni í fyrra. Þar af urðu
47 slys þar sem fólk slasaðist veru-
lega, auk tveggja banaslysa. Sigurð-
ur segir sífellt unnið að því að draga
úr slysatíðni á gatnamótum þar sem
mörg slys verða. Það sé til dæmis
gert með því að setja upp sérstök
beygjuljós á fjölförnum gatnamót-
um. Það hafi til dæmis nýlega ver-
ið gert á gatnamótum Suðurlands-
brautar, Kringlumýrarbrautar og
Laugavegs. Margsannað sé að slík
ráðstöfun dragi verulega úr fjölda
óhappa á fjölförnum gatnamót-
um og skili sér þannig í auknu ör-
yggi. Umferðarslysum hafi til að
mynda fækkað nokkuð í fyrra, ekki
síst vegna þess að búið sé að koma
fyrir beygjuljósum víða þar sem þau
voru ekki áður.
Hraðanum að kenna
Eins og áður sagði verða flest slys á
gatnamótum Miklubrautar og Grens-
ásvegar. Að mati Sigurðar er þar um
að kenna miklum hraða. „Það er
leyfður 80 kílómetra hámarkshraði í
Ártúnsbrekkunni og að Grensásveg-
inum. Það mætti minnka hraðann
fyrr og draga þannig úr hættunni.
Menn láta oft á tíðum vaða yfir ljós-
in á mikilli ferð til að reyna að ná í
gegn áður en rauða ljósið kemur. Það
getur verið hættulegt,“ útskýrir hann.
Sigurður segir enn fremur að ef allir
myndu alltaf keyra á löglegum hraða
myndi slysum fækka gríðarlega.
„Stóra vandamálið er einfaldlega
mikill hraði,“ segir hann. Sigurður
segir þó að sífellt sé leitað leiða til að
greiða úr flöskuhálsum í umferðinni
og fækka slysum. „Það er til dæm-
is búið að ákveða að banna vinstri
beygju þegar ekið er af Bústaðavegi
inn á Reykjanesbraut á álagstímum.
Það er gert til að greiða fyrir umferð-
inni,“ segir Sigurður.
Slysum fækkar
Aðspurður segir Sigurður að flest
slys á fólki verði þegar bíl er ekið aft-
an á annan. Spurður hvort alvarleg-
um meiðslum fari fækkandi segir
hann að alvarlega slösuðum og látn-
um hafi fækkað úr 212 í 187 á síðasta
ári en 187 sé hins vegar enn allt of há
tala.
Í skýrslu Umferðarstofu um um-
ferðarslys á Íslandi segir að undan-
farin tíu ár hafi að jafnaði sex ein-
staklingar látið lífið í umferðinni á
höfuðborgarsvæðinu. 68 hafa að
jafnaði slasast alvarlega og ríflega
700 slasast alls að jafnaði á hverju
ári. Fjöldi slasaðra er nokkuð mis-
munandi milli ára en þróunin hefur
þó verið sú að umferðarslysum hef-
ur fækkað þegar til lengri tíma er lit-
ið.
Gatnamót Grensásvegar og Miklubrautar eru hættulegustu gatnamót landsins ef
marka má tölur frá Umferðarstofu. Þar hafa orðið 175 slys á umliðnum fimm árum.
Sigurður Helgason hjá Umferðarstofu segir markvisst unnið að fækkun slysa en segir
að ef allir keyrðu á löglegum hraða myndi slysum fækka verulega.
BALDUR GUÐMUNDSSON
blaðamaður skrifar baldur@dv.is
Slysakort Umferðarstofu Á kortinu sjást umferðarslys í Reykjavík og næsta nágrenni 2009. Bláu punktarnir merkja slys án
meiðsla, grænu tákna slys með litlum meiðslum, gulu sýna hvar alvarleg slys áttu sér stað en þeir rauðu merkja banaslys.