Dagblaðið Vísir - DV - 29.11.2010, Qupperneq 13

MÁNUDAGUR 29. nóvember 2010 FRÉTTIR 13
Alla föstudaga og laugardaga fram að jólum
Jólamatseðill Thai Reykjavíkur
er eitthvað sem unnendur thailenskrar matargerðar eiga ekki að láta fram hjá sér fara
Pantið tímalega í síma 571-2222
Thai Reykjavík | Lækjargata 8 | 101 Reykjavík | Tel: 571 2222 | www.thaireykjavik.is
Menu A:
Fyllt krabbaskel með ýmsu góðgæti
VængjabaunaSalat með fersku grænmeti, kjúkling í tamarindsósu
Humar í panangkarrý og fersku grænmeti
bökuð hrísgrjón með rúsínum í ananas
Unaðslegur eftiréttur sem svíkur engann
4900 kr.
fordrykkur fylgir
Menu B:
Fyllt krabbaskel með ýmsu góðgæti
Humarsalat með greipaldin kókoshnetu sósu
Steikt önd með thai reykjavík´s special sósu
bökuð hrísgrjón með rúsínum í ananas
Unaðslegur eftiréttur sem svíkur engann
4900 kr.
fordrykkur fylgir
Pantið tímalega í síma 571-2222www.thaireykjavik.is
Restaurant | Bar | Take Away
255x200.indd 1 26.11.2010 21:27
„Þessar nýju upplýsingar um heild-
arafskriftir skulda í sjávarútvegi
vekja spurningar í ljósi frétta um
umfangsmiklar afskriftir hjá ein-
staklingum og fyrirtækjum í sjávar-
útvegi að undanförnu,“ segir Ólína
Þorvarðardóttir, þingmaður Sam-
fylkingarinnar. Hún fékk fyrir helgi
umbeðin svör efnahags- og við-
skiptaráðherra um afskriftir í sjáv-
arútvegi. Ólína undrast hversu
litlar heildarafskriftirnar eru eða
aðeins 6,4 milljarðar króna hjá öll-
um stóru bönkunum þremur ásamt
Byggðastofnun. Fjármálaeftirlitið
safnaði upplýsingum um skulda-
stöðu íslenskra útgerðarfyrirtækja
frá Byggðastofnun, Arion banka,
Landsbankanum (NBI) og Íslands-
banka, en skuldir sjávarútvegsfyrir-
tækja eru að mestu við þessar fjár-
málastofnanir.
Í svari ráðherra kemur fram að
heildarskuldir sjávarútvegsfyrir-
tækja eru nú tæpir 404 milljarð-
ar króna. „Sú fjárhæð tekur mið af
skuldum sjávarútvegsfyrirtækjanna
en ekki bókfærðu virði fjármálafyrir-
tækjanna. Bókfært virði fjármálafyr-
irtækjanna er það verð sem þau telja
lánið vera við núverandi aðstæður
að frádregnum afföllum,“ eins og
segir í svari ráðherra.
Í fréttaskýringu DV fyrir réttu
ári sagði að skuldir sjávarútvegs-
ins hefðu á sjö árum hækkað fimm
sinnum hraðar en tekjur greinar-
innar. Heildarskuldir sjávarútvegs-
ins námu þá um 550 milljörðum
króna samkvæmt opinberum gögn-
um. Samkvæmt upplýsingum ráð-
herra eru skuldirnar því aðeins um
74 prósent af því sem þær voru fyr-
ir ári. Þetta kann að einhverju leyti
að skýrast af hækkandi gengi krón-
unnar. Það dugar þó ekki til að skýra
fall skuldanna úr 550 í 404 milljarða
króna, jafnvel þótt megnið af skuld-
um sjávarútvegsins væri í erlendri
mynt.
Óverulegar afskriftir?
Fréttir hafa verið sagðar af mun
meiri afskriftum fyrirtækja í sjávar-
útvegi. Nefna má Nónu ehf.; skuldir
þess voru færðar niður um 2,6 millj-
arða króna í tengslum við endurfjár-
mögnun. Afskrifaðir voru um eða yfir
3 milljarðar króna hjá Festi hf. Fleiri
afskriftir mætti telja eins og hjá fyr-
irtækjum sem tengjast Jakobi Val-
geiri Flosasyni. Þar virðist vera um
að ræða milljarða afskriftir. Þá er DV
kunnugt um afskriftir meðal minni
útgerða sem nema þó mörg hundr-
uð millljónum króna í nokkrum til-
vikum.
„Skýringin á aðeins 6,4 milljarða
króna heildarafskriftum skulda í
sjávarútvegi er hugsanlega tengd því
að umtalsverður hluti skuldanna er
ekki dreginn í dilk sjávarútvegsfyrir-
tækjanna sjálfra heldur eru þær fald-
ar í eignarhaldsfélögum. Stím ehf.
er til dæmis ekki sjávarúrtvegsfyrir-
tæki. Þetta bendir til þess að hér sé
um að ræða viðskiptagjörninga sem
erfitt er að henda reiður á. Þetta ger-
ir umræðuna um stöðu sjávarútvegs-
ins óljósa og flókna og það er mik-
ið áhyggjuefni. Hér ber allt að sama
brunni. Þörf er á að koma á heið-
arlegu og gagnsæju kerfi fiskveiði-
stjórnunar þar sem ekki er ríkur hvati
til þess að veðsetja aflaheimildir eða
stunda áhættusöm og skuldsett við-
skipti utan greinarinnar,“ segir Ólína.
Lán í frystingu
Í svörum ráðherrans, sem lögð voru
fram á Alþingi fyrir helgina, kemur
fram að bankar fylgi reglum um eftir-
gjöf skulda óháð atvinnugreinum. Þá
hafi aðilar að Samtökum fjármálafyr-
irtækja gefið út sameiginlegar reglur
um fjárhagslega endurskipulagningu
fyrirtækja.
Ólína spurði einnig um það hvort
lán sjávarútvegsfyrirtækja hefðu ver-
ið fryst eftir bankahrunið hjá bönk-
unum og Byggðastofnun. Í svörum
ráðherra kemur fram að bæði Seðla-
banki Íslands og FME hafi kannað
þann þátt málsins. Í riti Seðlabank-
ans um fjármálastöðugleika árið
2009 kemur til dæmis fram að liðlega
fimmtungur skulda sjávarútvegs-
ins hafði verið frystur. Nýleg og hlið-
stæð könnun FME bendir til þess að
nærri 140 milljarðar króna af skuld-
um sjávar útvegsins hafi verið frystir.
UNDRAST LÁGAR AFSKRIFTIR
Sjávarútvegurinn hefur aðeins fengið 6,4
milljarða króna afskrifaða hjá stóru bönk-
unum og Byggðastofnun samkvæmt nýj-
um gögnum. Þá er að sjá sem skuldir hans
hafi á einu árið lækkað um 140 milljarða
króna. Upphæðin svarar til afskrifta hjá
tveimur til þremur útgerðum.
JÓHANN HAUKSSON
blaðamaður skrifar: johannh@dv.is
Í svari ráðherra kemur fram að
heildarskuldir sjávar-
útvegsfyrirtækja eru
nú tæpir 404 milljarðar
króna.
Spurningar vakna Ólínu Þorvarðardóttur
sýnist sem afskriftirnar séu einkennilega
litlar miðað við fréttir af milljarða afskriftum
nokkurra útgerða.