Dagblaðið Vísir - DV - 19.01.2011, Page 3

Fréttir | 3Miðvikudagur 19. janúar 2011
Karl segist bæði skulda í Spari-
sjóðnum í Keflavík og í Landsbank-
anum í Keflavík. Hann segist ekki hafa
greitt af láninu við Sparisjóð Keflavíkur
en hafa greitt vexti af láninu við Lands-
bankann.
„Mér finnst ég hafa verið blekktur.
Ég er alveg sannfærður um það að
staða Sparisjóðsins í Keflavík hafi ekki
verið eins góð og hún var sögð vera.
Stór hluti af eignum sparisjóðsins var
í Exista. Þess vegna held að ég þess-
ar stofnfjáraukningarlánveitingar geti
ekki talist vera löglegar… Tilfinning
mín segir mér að þetta hafi verið svik
og að þessi gjörningur eigi að ganga
til baka.“ Karl segist vita af fjölskyldum
í Húnaþingi sem skuldi allt upp í 150
milljónir króna vegna stofnfjáraukn-
ingarinnar.
Hann segist binda vonir við það
að Sparisjóðurinn í Keflavík fari ekki í
innheimtuaðgerðir fyrr en búið verður
að rannsaka sparisjóðakerfið, líkt og
ríkisstjórnin hefur boðað að gert verði.
„Steingrímur [J. Sigfússon fjármála-
ráðherra, innskot blaðamanns] sagði
að það ætti að gera það. Þá kannski
kemur í ljós hvort sparisjóðurinn var
gjaldfær eða ekki þegar stofnfjáraukn-
ingin átti sér stað,“ segir Karl. „Ég vil
ekki eyða öllu því lausafé sem ég mun
eiga það sem eftir lifir í að borga upp
þessa skuld.“
Aðgerðir til handa einstaklingum vegna
stofnfjárlána SpKef (af heimasíðu Sparisjóðs Keflavíkur)
Vegna lána til stofnfjárkaupa í Sparisjóðnum
í Keflavík hefur stjórn SpKef sparisjóðs
fallist á skilmálabreytingar í samræmi við
neðangreint:
Almenn leið fyrir alla
1. Stofnfjárbréfalánum í ISK verði skilmála-
breytt með þeim hætti að skuldabréfin
verði færð í upphaflegan höfuðstól að
viðbættum 3,75% óverðtryggðum vöxtum
frá útgáfudegi skuldabréfanna.
2. Erlend lán verða færð á upphaflegt gengi gjaldmiðla að viðbættum 3,75% óverð-
tryggðum vöxtum og þau færð yfir í íslenskar krónur. Vextir reiknast frá upphaflegum
útgáfudegi.
3. Óski lántakendur eftir því að staðgreiða lánin að lokinni skilmálabreytingu verði að
auki boðið upp á afslátt sem nemur 10 % af heildarstöðu.
4. Lánin verða óverðtryggð til allt að 25 ára.
5. Tekið er tillit til allra innborgana á lánin, þar með talinn inngreiddur arður árið 2008,
sem nam 20% af heildaruppreiknuðu stofnfé. Innborganir bera sömu vexti og lánin,
eða 3,75%. Sú reikniaðferð samræmist framkvæmd fjármálafyrirtækja innan SFF við
leiðréttingu erlendra lána, þar sem höfuðstóll annar vegar tekur vexti, innborganir hins
vegar og nettó uppgjörsupphæð myndar nýjan höfuðstól.
Aðrar leiðir
1. Þeir lántakendur sem ekki geta vegna fjárhagsstöðu sinnar nýtt sér almennu leiðina
fari í formlegt greiðslumat og niðurstaða þess ráði því hvaða úrræði verður í boði.
a. Sértæk skuldaaðlögun. Leiðréttur höfuðstóll miðað við forsendur hér að ofan er
lagður til grundvallar.
b. Úrræði sem byggja á grundvelli laga nr. 21/1991 um gjaldþrotaskipti ofl, með síðari
breytingum.
c. Sértæk úrræði á grundvelli samkomulags á milli ríkisstjórnar, fjármálafyrirtækja og
Samtaka atvinnulífsins frá desember 2010.
Skattaleg meðferð
Lántakendum er bent á að kynna sér möguleg skattaleg áhrif skilmálabreytinganna.
Ekki liggja fyrir nein bein fordæmi fyrir því með hvaða hætti ríkisskattstjóri muni
meðhöndla aðgerðir sem þessar.
„FINNST ÉG HAFA
VERIÐ BLEKKTUR“
Fjárfestingarfélagið Kista tapaði
samtals um 24,5 milljörðum króna
á árunum 2008 og 2009, sam-
kvæmt ársreikningum félagsins
fyrir þessi ár. Kista var fjárfesting-
arfélag í eigu nokkurra sparisjóða,
meðal annars Sparisjóðsins í Kefla-
vík, SPRON og Sparisjóðs Svarf-
dæla, sem var stofnað til að kaupa
hlutabréf í eignarhaldsfélaginu Ex-
ista árið 2007. Exista var að mestu
í eigu Bakkabræðra en Kista var
einn stærsti hluthafinn í því. Exista
var svo aftur stærsti hluthafi Kaup-
þings.
Kista keypti mikið af hlutabréf-
um í Exista á árunum fyrir banka-
hrunið. Meðal annars keypti Kista
hlutabréf í Exista fyrir 11,4 milljarða
króna í júní árið 2007. Fjármunirnir
fyrir hlutbréfakaupunum komu frá
einstökum hluthöfum Exista. Í lok
árs 2007 átti Kista hlutabréf í Exista
sem metin voru á rúmlega 20 millj-
arða króna. Til að fjármagna hluta-
bréfakaupin var vitanlega gengið
á þá fjármuni sem til voru í spari-
sjóðunum sem áttu Kistu, fjármuni
sem meðal annars höfðu fengist
með sölu á stofnfjárbréfum í spari-
sjóðunum í stofnfjáraukningum.
11 milljarða hlutafjáraukning
Athygli vekur að í ársreikningi Kistu
fyrir árið 2008 kemur fram að hluta-
fé Kistu hafi verið aukið um rúma
11 milljarða króna á árinu 2008
sem síðan voru notaðir til að greiða
niður skuldir félagsins. Þessir fjár-
munir voru að hluta til sóttir til
stofnfjáreiganda í sparisjóðunum
með stofnfjáraukningum en margir
fóru flatt á því að taka þátt í þess-
um stofnfjáraukningum. Til dæmis
íbúar í Keflavík, á Hvammstanga og
Dalvík.
Heimildarmaður DV, sem þekk-
ir starfsemi Kistu ágætlega, seg-
ir um félagið: „Fólk var hvatt til
að taka þátt í stofnfjáraukningun-
um með lánveitingum. Þar var far-
ið illa með marga. Svo voru þessir
peningar teknir og þeim eytt í Kistu
sem aftur keypti í Exista. Fall Exista
og það hvernig þeir bræður fóru
með það félag er á endanum meðal
annars tap fyrir stofnfjáreigendur á
Hvammstanga og í Keflavík. Þannig
að margir sitja eftir með sárt ennið
út af þessu því það var í raun fólkið á
Hvammstanga sem borgaði Bakka-
bræðrum vegna Exista. Þetta voru
ekki loftpeningar heldur runnu þeir
beint úr vasa almennings.“
Líkt og rakið er hér við hliðina
þurfa stofnfjáreigendur í sparisjóð-
unum sem áttu í Kistu að greiða
fjármálafyrirtækjum til baka þær
skuldir sem hvíla á þeim persónu-
lega vegna stofnfjáraukningar í
sjóðunum; peninga sem á sínum
tíma voru notaðir til að fjárfesta í
Kistu og þar með Exista.
Vildu vera með
Heimildarmaðurinn lýsir Kistu
sem aðferð stjórnenda sparisjóð-
anna til að að fá hlutdeild í hagn-
aðinum sem varð um tíma af
starfsemi Exista og Kaupþings.
Stjórnarformaður Kistu var Guð-
mundur Hauksson, sparisjóðs-
stjóri hjá stærsta hluthafa Kaup-
þings, SPRON, sem áður hafði
starfað í Kaupþingi. „Kista var að-
göngumiði í partíið fyrir sparisjóð-
ina í gegnum Exista. Lögð var gríð-
arleg pressa á sparisjóðina að taka
þátt í þessu. Sagt var við þá: Þið
eruð ekki að hugsa um hagsmuni
sparisjóðanna ef þið takið ekki þátt
í þessu. Vissulega högnuðust menn
til að byrja með en menn kunnu
sér ekki hóf og stoppuðu ekki og
fóru of langt í þessu... Menn voru
komnir svo langt út fyrir stofnsam-
þykktir og grunnhugmyndafræði
sparisjóðanna.“
Kista er tæknilega gjaldþrota í
dag og er unnið að slitum á félag-
inu, samkvæmt ársreikningi fyrir
2009.
AÐGÖNGUMIÐINN
Í BANKAPARTÍIÐ
n 11 milljarða hlutafjáraukning Kistu kom frá stofnfjáreigendum
sparisjóða n Stofnfjáreigendur voru hvattir til að taka þátt í Kistu
n 24 milljarða króna tap var af rekstri félagsins 2008 og 2009 „Fólk var hvatt
til að taka þátt í
stofnfjáraukningunum
með lánveitingum.
Ingi Freyr Vilhjálmsson
fréttastjóri skrifar ingi@dv.is
Hlutafjáraukning Kistu frá almenningi
Guðmundur Hauksson, stjórnarformaður Kistu, sést
hér til hægri á aðalfundi Exista árið 2007 ásamt helstu
stjórnendum félagsins. Guðmundur starfaði áður í
Kaupþingi. Svo virðist sem 11 milljarða hlutafjáraukning
Kistu árið 2008 hafi komið frá almenningi víða um land.