Dagblaðið Vísir - DV - 09.05.2011, Blaðsíða 6

6 | Fréttir 9. maí 2011 Mánudagur
Höfuðborgarbúar glöddust í sólinni á sunnudag:
Yfirfullt í sundlaugum
Sólarþyrstir íbúar höfuðborgarsvæðis­
ins nýttu margir hverjir sunnudaginn
til útivistar en hitinn fór upp í sautján
gráður í hádeginu. Margmenni var í
sundlaugum og á einhverjum stöðum
þurfti fólk frá að hverfa vegna mann­
fjölda og annars staðar var hleypt inn í
hollum. Vala Margrét Árnadóttir, starfs­
maður í Sundlaug Seltjarnarness, sagð­
ist aldrei hafa séð eins mikið af fólki
saman komið í lauginni. „Þetta var eins
og í sardínudós þegar mest var og fólk
þurfti að bíða eftir að komast í laugina,
þó ekki lengur en í sirka tíu mínútur. Ég
hef aldrei séð annað eins allan þann
tíma sem ég hef unnið hérna.“
Eins var mikill mannfjöldi saman­
kominn á Austurvelli en þar hefur
skapast hefð fyrir því að setjast inn á
kaffihúsin þar í kring eða á grasið og
njóta mannlífsins þegar sólin lætur
sjá sig. Hvergi var laust sæti að finna
á kaffihúsi þar í kring um hádegisbilið
og löng röð hafði myndast við ísbúðina
á Ingólfstorgi.
Mikil umferð göngufólks var á Esj­
unni og sagði einn göngugarpur í
samtalið við DV að stemningin hefði
nánast verið eins og að ganga niður
Laugaveginn.
Í Nauthólsvík var líka margt um
manninn og nýttu margir tækifærið til
að fara í sjósund sem nýtur æ meiri vin­
sælda meðal fólks á öllum aldri. Þeir
sem ekki treystu sér í sjóinn flatmöguðu
á sandinum og náðu sér í smá lit.
Því miður lítur allt út fyrir að veður­
blíðan sé ekki komin til að vera því
spáð er rigningu á suðvesturhorninu
á mánudag og þriðjudag en eitthvað
mun þó sólin láta sjá sig aftur á mið­
vikudag og fimmtudag.
St. 41-46
Grensásvegur 8 &
Nýbýlavegur 12
Sími 517 2040
Opið
mánud-föstud. 11-18
laugard. 11-16
SKÓMARKAÐUR
St. 40-46
St. 41-50
St. 40-46
St. 41-46
Grensásvegur 8 &
Nýbýlavegur 12
Sími 517 2040
Opið
mánud-föstud. 11-18
laugard. 11-16
SKÓMARKAÐUR
St. 40-46
St. 41-50
St. 40-46
Góðir skór
Gott verð
St. 23-35
kr. 1.995
St. 29-35
kr. 3.895
St. 19-24
kr. 4.595
St. 23-35
kr. 1.995
Eignarhaldsfélag Magnúsar Ármann,
Imon, fékk rúmlega milljarð króna í
arðgreiðslu vegna stofnfjárbréfa­
eignar sinnar í sparisjóðnum Byr
árið 2008. Imon var stærsti hluthaf­
inn í Byr á þessum tíma með 7,7 pró­
senta eignarhlut. Þessi arðgreiðsla
kemur fram í ársreikningum Imon
fyrir árin 2008 og 2009 sem skilað var
til ársreikningaskrár ríkisskattstjóra
þann 1. mars síðastliðinn.
Um tveimur vikum áður en árs­
reikningunum var skilað, þann 17.
febrúar 2011, hafði Magnús skrifað
grein í Fréttablaðið þar sem hann
greindi frá því að hann væri ekki
lengur til rannsóknar hjá sérstökum
saksóknara í Imon­málinu svokall­
aða. Imon­málið snýst um rannsókn
ákæruvaldsins á meintri markaðs­
misnotkun með bréf í Landsbanka
Íslands í aðdraganda efnahags­
hrunsins um haustið 2008. Imon
fékk þá um 4,5 milljarða króna að
láni frá Landsbankanum til að kaupa
hlutabréf í bankanum. Fram að
þessu hafði Magnús Ármann verið
með réttarstöðu sakbornings í Imon­
málinu en er það ekki lengur.
Magnús greiddi arðinn þó ekki út
úr Imon og til hluthafa félagsins, það
er að segja til sjálfs sín, heldur varð
arðurinn eftir inni í félaginu og var
notaður í rekstur þess. Arðgreiðslan
til Imon var hluti af tæplega 13,5
milljarða króna arði sem sparisjóð­
urinn Byr greiddi út til hluthafa sinna
á vordögum 2008. Sú arðgreiðsla hef­
ur verið gagnrýnd nokkuð á opin­
berum vettvangi, meðal annars af
Vilhjálmi Bjarnasyni.
Félagið á barmi gjaldþrots
Í ársreikningi Imon fyrir árið 2009
kemur fram að Landsbanki Íslands
hafi leyst til sín stofnfjárbréf félags­
ins í Byr upp í skuldir á árinu 2009.
Yfirtaka Landsbankans á bréfun­
um í Byr er hins vegar bókfærð sem
sala á bréfunum í ársreikningi Imon.
Því er „söluhagnaður stofnfjárbréfa“
sagður hafa verið rúmlega 740 millj­
ónir króna. Imon á í viðræðum við
Landsbankann um verðmatið á
stofnfjárbréfunum.
Um þetta segir í ársreikningn­
um: „Á árinu 2009 leysti Lands­
banki Íslands hf. til sín stofnfjárbréf
félagsins í Byr sparisjóði. Ágreining­
ur er uppi um verðmat þeirra stofn­
fjárbréfa en stjórn félagsins telur að
með yfirtökunni hafi verið gert fulln­
aðaruppgjör við Landsbankann um
eftirstöðvar skulda. Af þeim sökum
er söluhagnaður færður í rekstrar­
reikning og lántaka frá Landsbank­
anum er færð út í efnahagsreikningi
félagsins í mars 2009.“
Af þessum sökum er hagnaður
Imon á árinu 2009 sagður hafa ver­
ið tæplega 126 milljónir króna. Ef
yfirtaka hlutabréfanna hefði hins
vegar ekki verið skilgreind sem sala
á stofnfjárbréfum hefði Imon skilað
tapi á árinu 2009.
Í ársreikningnum kemur fram að
rekstrarhæfi Imon velti á úrlausn
þessa ágreinings og að félagið verði
gefið upp til gjaldþrotaskipta ef ekki
finnst hagstæð lausn á honum fyrir
Imon. „Takist ekki að semja um mál­
ið við bankann mun stjórnin gefa fé­
lagið upp til gjaldþrotaskipta.“
Litið á Imon-bréfin
sem verðlaus
Auk þessara viðræðna um stofnfjár­
bréfin í Byr á Imon í viðræðum við
Landsbankann um lausn á aðkomu
Imon að hlutabréfakaupum í Lands­
bankanum í aðdraganda hrunsins
2008. Í ársreikningnum kemur fram
að ekki beri að taka tillit til hluta­
bréfakaupanna í Landsbankanum.
Um þetta segir í reikningnum:
„Félagið gerði á árinu 2008 samn­
ing við viðskiptabanka sinn um við­
skipti með hlutabréf í Landsbanka
Íslands hf. Stjórn félagsins telur að
hafa beri samninginn að engu þar
sem hlutabréfin hafi verið verð­
laus þegar við kaupin. Af þeim sök­
um hefur fjárhæðin ekki verið færð í
efnahagsreikning félagsins. Stjórnin
á í viðræðum við bankann um lokun
málsins.“ Hugmyndin sem þarna er
reifuð sú að Imon hafi í reynd ver­
ið fórnarlamb Landsbankans þeg­
ar bréfin í bankanum voru seld því
þurft hafi að finna einhvern kaup­
anda að þeim.
Viðskiptin með hlutabréfin í
Landsbankanum eru færð þannig
til bókar í ársreikningunum að 4,5
milljarðar króna eru bókfærðir sem
„seldur eignarhlutur í öðru félagi“
auk þess sem 4,5 milljarðar króna
eru bókfærðir sem greiðsla á lang­
tímaláni vegna kaupa bréfanna í
Landsbankanum. Magnús mun því
að öllum líkindum sleppa frá Imon­
málinu án þess að vera ákærður og
án þess að þurfa að standa skil á
greiðslu þeirra fjármuna sem Imon
fékk að láni frá Landsbankanum
þegar hlutabréfin voru keypt.
n Magnús Ármann fékk milljarð í arð 2008 af 14 milljarða arðgreiðslu Byrs n Á í viðræðum
við Landsbankann vegna bréfanna í Byr og Landsbankanum n Imon á barmi gjaldþrots„Takist ekki að
semja um málið
við bankann mun stjórnin
gefa félagið upp til gjald-
þrotaskipta.
Ingi Freyr Vilhjálmsson
fréttastjóri skrifar ingi@dv.is
Fékk milljarð frá Byr
Umdeild viðskipti Viðskipti Magnúsar
Ármann með hlutabréf í Byr og Landsbank-
anum hafa þótt umdeild. Magnús er þó ekki
lengur til rannsóknar í Imon-málinu.
Kona um tvítugt, sem kærði mann
fyrir nauðgun fyrir páska, hefur
verið hótað líkamsmeiðingum, falli
hún ekki frá kærunni. Frá þessu var
greint í kvöldfréttum RÚV á sunnu­
dag og kom þar fram að hún hafi
þurft að flýja heimili sitt af ótta við
manninn og félaga hans. Maður­
inn, sem nú situr í gæsluvarðhaldi,
er grunaður um að hafa nauðgað
tveimur konum með stuttu milli­
bili. Samkvæmt frétt RÚV er hann
í „glæpagengi“ sem kallast Semper
Fi. Hann var handtekinn eftir að
kona kærði hann og annan mann
fyrir nauðgun aðfaranótt föstudags­
ins langa. Í gæsluvarðhaldsúrskurði,
sem RÚV vitnar til, kemur fram að
maðurinn hafi verið afar ógnandi og
beitt mikilli hörku og ofbeldi. Hefur
konunni, og hennar nánustu, verið
hótað líkamsmeiðingum dragi hún
ekki kæruna til baka.
Jón Hilmar Hallgrímsson, forseti
Semper Fi, sagði í samtali við DV.is á
sunnudagskvöld að maðurinn væri
ekki fullgildur meðlimur í samtök­
unum. Þá þvertók hann fyrir það að
Semper Fi væru glæpasamtök.
Grunaður um nauðgun:
Fórnarlamb flúði
vegna hótana
Veðurblíða Fjölmargir lögðu leið sína á Austurvöll til að njóta veðurblíðunnar sem gladdi
höfuðborgarbúa á sunnudag.