Dagblaðið Vísir - DV - 08.06.2011, Qupperneq 6

6 | Fréttir 8. júní 2011 Miðvikudagur
Hrafnabjörg átti 1.300 milljóna króna kröfu á Baug:
Baugsfélag gjaldþrota
Félagið Hrafnabjörg, sem var í eigu
fjárfestingafélagsins Baugs, hefur
verið tekið til gjaldþrotaskipta. Aug-
lýsing þess efnis birtist í Lögbirtinga-
blaðinu á mánudaginn. Skiptastjóri
er Heiðar Ásberg Atlason, lögmað-
ur hjá lögmannsstofunni Logos. Um
er að ræða enn eitt félagið sem var í
eigu Baugs sem tekið hefur verið til
gjaldþrotaskipta eftir bankahrunið
árið 2008.
Þetta dótturfélag Baugs, sem ber
sama nafn og þekkt stórhýsi á Norð-
urlandi sem var í eigu fjárfestinga-
félags Baugsfjölskyldunnar, Gaums,
og Jóhannes Jónsson í Bónus hafði
afnot af, hefur aldrei verið til umfjöll-
unar í fjölmiðlum. Félagið var eitt af
fjölmörgum dótturfélögum Baugs
sem stofnuð voru á árunum fyrir
bankahrunið 2008. Stjórnarformað-
ur félagsins var Stefán Hilmar Hilm-
arsson, fjármálastjóri Baugs.
Ekki liggur fyllilega ljóst fyrir
hvaða tilgangi félagið Hrafnabjörg
þjónaði innan Baugssamstæðunnar.
Í ársreikningi Hrafnabjarga fyrir árið
2007 kemur fram að félagið hafi á
árinu 2006 átt rúmlega 1.300 millj-
óna króna kröfu á móðurfélag sitt,
Baug Group. Þessi krafa var helsta
eign félagsins. Ári síðar var þessi
krafa komin niður í tæpar 184 millj-
ónir króna. Á árunum 2006 til 2007
lækkaði krafa Hrafnabjarga á hendur
Baugi því um meira en 1.100 milljón-
ir króna.
Við gjaldþrot Baugs Group á fyrri
hluta árs 2009 færðust dótturfélög
Baugs einnig á hendur skiptastjóra
eignarhaldsfélagsins, Erlends Gísla-
sonar. Hrafnabjörg hefur verið hluti
af búi Baugs síðan en hefur nú verið
tekið til gjaldþrotaskipta.
ingi@dv.is
Sími 412 2500 - sala@murbudin.is - www.murbudin.is
– Afslátt eða gott verð?
Reykjavík - Reykjanesbæ
Akureyri - Húsavík
Vestmannaeyjum
Stál og plast þakrennur
Allir fylgihlutir fáanlegir
Frábært
verð!
„Ég held að hann sé bara á bata-
vegi. Þetta er að koma hægt og ró-
lega hjá honum eftir þetta áfall,“ segir
Helgi Helgason bróðir Ólafs Donalds
Helgasonar sem var grunaður um
að hafa orðið valdur að dauða eigin-
konu sinnar Hallgerðar Valsdóttur.
Grunur um hjartaáfall
Ólafur Donald var úrskurðaður í
gæsluvarðhald en var látinn laus eft-
ir að meinafræðingur úrskurðaði að
áverkar sem voru á Hallgerði hefðu
ekki leitt hana til dauða. Ólafur Do-
nald er nú á sjúkrahúsinu Vogi. Að-
spurður hvort Ólafur Donald hafi
verið undir áhrifum áfengis morgun-
inn örlagaríka segir Helgi að bróðir
hans hafi ekki smakkað áfengi síð-
an 1986 en ástæðan fyrir veru hans á
Vogi sé misnotkun á lyfjum. „Ég tal-
aði við hann á laugardaginn og það
var ágætt í honum hljóðið,“ segir
Helgi.
Dánarorsök Hallgerðar hefur ekki
verið verið upplýst, en að sögn Helga
leikur grunur á að hjartað hafi gefið
sig.
Ekki viðstaddur útförina
Í fjölmiðlum eftir dauða Hallgerðar
kom fram að Ólafur Donald væri
grunaður um að að hafa veitt henni
áverka sem leiddu til dauða henn-
ar. Helgi segir að sem betur fer hafi
bróðir hans lítið fylgst með frétta-
flutningi um málið. „Við ráðlögðum
honum að vera ekkert að eltast við
það og reyna heldur að jafna sig á
þessu fráfalli.“
Útför Hallgerðar fór fram frá
Bjarnaneskirkju 31. maí síðastliðinn
og var Ólafur ekki viðstaddur. „Hann
var bara inni á Vogi. Hún var jörðuð
fyrir austan og hann hafði í raun og
veru ekki heilsu til fara.“ Ólafur bar
við minnisleysi í yfirheyrslum hjá
lögreglu og segir Helgi það gæti hafa
stafað af áfalli og er atburðarásin
því enn frekar óljós. „Hann var sof-
andi og kemur fram held ég og fær
sér kaffi. Hann vissi að hún væri á
klósettinu og var farið að lengja eftir
henni. Þegar hann fór að athuga með
hana kom hann að henni svona og
hringdi auðvitað á sjúkrabíl.“
Hamingjusöm og ástfangin
Hallgerður giftist Ólafi þann 1. maí
síðastliðinn en hún hafði beðið
brúðkaupsdagsins með mikilli eftir-
væntinu. Vinir og ættingjar hennar
segja hana hafa verið ástfangna og
hamingjusama og það lýsir sér vel í
færslu sem hún skrifaði á Facebo-
ok-síðu sína skömmu áður en hún
lést: „Var að gifta mig yndislegasta og
besta manni sem ég hef kynnst á æv-
inni. Ég féll í stafi þegar ég sá hann
fyrst fyrir 22 árum. Síðan þá hef-
ur þráðurinn sem læsti okkur sam-
an ekki slitnað. Svo gerðist það bara
einn daginn að við sameinuðumst og
það eru rúmlega 2 ár síðan.“
n Fór á Vog eftir setu í gæsluvarðhaldi n „Ágætt í honum hljóðið,“ segir
Helgi Helgason bróðir Ólafs n Ólafur ekki viðstaddur útför Hallgerðar
Nýgift og hamingjusöm Dánarorsök
Hallgerðar Valsdóttur hefur ekki verið
upplýst.
„Þegar hann fór að
athuga með hana
kom hann að henni svona
og hringdi auðvitað á
sjúkrabíl.
Enn eitt
gjaldþrotið
Stefán Hilmar
Hilmarsson,
fjármálastjóri
Baugs, var
stjórnarformað-
ur Hrafnabjarga.
Félagið hefur
verið tekið til
gjaldþrota-
skipta.
Á batavegi Helgi Helgason bróðir Ólafs
Donalds Helgasonar segir bróður sinn vera að
jafna sig á fráfalli eiginkonu sinnar.
Í fangelsi í Taílandi:
„Mjög sorg-
mæddur“
„Hann er enn þá mjög sorgmæddur,“
segir Amornrat Lapaanenum, kær-
asta Brynjars Mettinissonar, í sam-
tali við DV. Amornrat, sem kölluð
er Jenny, heimsótti Brynjar í annað
sinn í fangelsið í gær, þriðjudag. Hún
segir aðbúnaðinn þar vera frekar
slæman. Jenny sagði í viðtali við DV
á mánudaginn að Brynjar hefði tekið
að sér að útvega burðardýr til að fara
með pakka af lyfjum til Japan og að
hann hefði átt að fá 2.500 dollara
fyrir. Brynjar taldi að um lögleg lyf
væri að ræða en í pakkanum reynd-
ist hins vegar vera amfetamín og
burðardýrið var í samstarfi við lög-
regluna. Brynjar og sá sem skipu-
lagði verkið voru því handteknir á
hóteli í Bangkok á mánudaginn í síð-
ustu viku og var Brynjar úrskurðaður
í þriggja mánaða gæsluvarðhald.
Ræðismaður Íslands í Taílandi
er búinn að útvega Brynjari lög-
mann sem hann hitti ásamt Jenny á
þriðjudaginn. „Hann ætlar að byrja
að vinna í málinu í þessari viku, í
samstarfi við ræðismannsskrifstof-
una,“ segir Jenny sem er vongóð.
Hún er búin að segja sögu Brynjars,
sem hún sagði í DV á mánudaginn, á
ræðismannsskrifstofunni.
„Hann er auðvitað mjög áhyggju-
fullur því það hafa margir sagt við
hann að hann gæti fengið langan
dóm.“ Jenny segist þó hafa stappað
í hann stálinu. „Ég vona að eitt-
hvað gott gerist núna fyrst hann er
kominn með lögmann. Allt hlýtur að
verða betra.“ Hún telur þó að hann
þurfi allavega að sitja af sér þriggja
mánaða gæsluvarðhald. Því verði
líklega ekki breytt. „Eftir þrjá mánuði
vitum við hver næstu skref verða,“
segir Jenny, en rétta á í máli Brynjars
snemma í ágúst. solrun@dv.is
Vinnur úr sorginni
og áfallinu á Vogi